ನಾಚಿಕೆಯಾಗಬೇಕು ನಿಮಗೆ… ಶಾಹೀನ್ ಅಫ್ರಿದಿ ವರ್ತನೆಗೆ ಛೀಮಾರಿ ಹಾಕಿದ ಕ್ರಿಕೆಟ್ ಅಭಿಮಾನಿಗಳು!

ಡ್ಯಾಲೆಸ್: ಪ್ರಸಕ್ತ ಐಸಿಸಿ ಟಿ20 ವಿಶ್ವಕಪ್ ಪಂದ್ಯಾವಳಿಗಳು​ ಅಮೆರಿಕಾ ಮತ್ತು ವೆಸ್ಟ್ ಇಂಡೀಸ್​ನಲ್ಲಿ ನಡೆಯುತ್ತಿದ್ದು, ಜೂ.06ರಂದು ನಡೆದ ರೋಚಕ ಸೂಪರ್ ಓವರ್ ಪಂದ್ಯದಲ್ಲಿ ಯುಎಸ್​ಎ ವಿರುದ್ಧ ಪಾಕಿಸ್ತಾನ ತಂಡ ಹೀನಾಯ ಸೋಲು ಅನುಭವಿಸಿತು. ಸೋಲುಂಡ ಪಾಕ್​ ತಂಡಕ್ಕೆ ವ್ಯಾಪಕ ಟೀಕೆ ವ್ಯಕ್ತಪಡಿಸಿದ್ದ ಕ್ರಿಕೆಟ್ ಅಭಿಮಾನಿಗಳು, ಇದೀಗ ತಂಡದ ವೇಗಿ ಶಾಹೀನ್ ಆಫ್ರಿದಿ ನಡೆಯನ್ನು ಖಂಡಿಸಿ, ತೀವ್ರ ಅಸಮಾಧಾನ ಹೊರಹಾಕಿದ್ದಾರೆ.

ಇದನ್ನೂ ಓದಿ: ದೈಹಿಕ ಆರೋಗ್ಯದಷ್ಟೇ ಮಾನಸಿಕ ಆರೋಗ್ಯವೂ ಮುಖ್ಯ: ಡಾ. ಆಂಜನಪ್ಪ

ಯುಎಸ್​ಎ ವಿರುದ್ಧ ಹೀನಾಯವಾಗಿ ಸೋತ ಪಾಕ್ ತಂಡದ ವಿರುದ್ಧ ಮೊದಲೇ ಸಿಡಿದೆದ್ದ ಅಭಿಮಾನಿಗಳು, ಪಂದ್ಯ ಮುಗಿದ ಬಳಿಕ ಶಾಹೀನ್ ಆಫ್ರಿದಿ ಮಾಡಿದ ಕೆಲಸ ಕಂಡು ಹಿಗ್ಗಾಮುಗ್ಗಾ ಟ್ರೋಲ್ ಮಾಡಿ, ಟೀಕಿಸಿದ್ದಾರೆ. ಯುಎಸ್​ಎ ಮುಂದೆ ಸೋತು ಸುಣ್ಣವಾದ ಪಾಕಿಸ್ತಾನ ಆಟಗಾರರು, ಇನ್ನಾದರೂ ಬುದ್ದಿ ಕಲಿತು, ಉತ್ತಮ ಪ್ರದರ್ಶನ ನೀಡಲಿ ಎಂದು ಹಲವರು ಸಲಹೆ ನೀಡಿದರೆ, ಇತ್ತ ಆಫ್ರಿದಿ ಮಾತ್ರ ಟಿವಿಯಲ್ಲಿ ಪಂದ್ಯದ ಹೈಲೈಟ್ಸ್​ ಹಾಕಿಕೊಂಡು, ತನ್ನ ಬ್ಯಾಟಿಂಗ್ ನೋಡುತ್ತಿರುವುದು ದೃಶ್ಯದಲ್ಲಿ ಸೆರೆಯಾಗಿದೆ.

ಅಜೇಯ 16 ಬಾಲ್​ಗೆ 23 ರನ್​ ಸಿಡಿಸಿದ ಶಾಹೀನ್ ಆಫ್ರಿದಿ, ಪಾಕ್ ಬ್ಯಾಟಿಂಗ್ ಹೈಲೈಟ್ಸ್​ ನೋಡುತ್ತ, ಆರಾಮದಾಯಕವಾಗಿ ಹಾಸಿಗೆ ಮೇಲೆ ಕುಳಿತಿರುವ ವಿಡಿಯೋ ಸದ್ಯ ಸಾಮಾಜಿಕ ಜಾಲತಾಣದಲ್ಲಿ ಸಿಕ್ಕಾಪಟ್ಟೆ ವೈರಲ್ ಆಗಿದೆ. ಈ ವಿಡಿಯೋ ವ್ಯಾಪಕವಾಗಿ ಹರಿದಾಡುತ್ತಿದ್ದಂತೆ ಕ್ರಿಕೆಟ್ ಫ್ಯಾನ್ಸ್​ ಕೆಂಡಾಮಂಡಲಗೊಂಡಿದ್ದು, ಮುಂಬರುವ ಪಂದ್ಯಕ್ಕಾದರೂ ಉತ್ತಮ ತರಬೇತಿ ಪಡೆದುಕೊಳ್ಳಿ, ಇಂತಹ ಕಳಪೆ ಪ್ರದರ್ಶನ ನೀಡುವುದನ್ನು ಮೊದಲು ನಿಲ್ಲಿಸಿ ಎಂದೆಲ್ಲಾ ಕಮೆಂಟ್ ಮಾಡಿ, ಅಭಿಪ್ರಾಯಿಸಿದ್ದಾರೆ,(ಏಜೆನ್ಸೀಸ್).

https://www.vijayavani.net/kamran-akmal-warns-team-india

https://www.vijayavani.net/sreeleela-bags-new-cinema-offer-in-bollywood