ಫೆ. 6ರಂದು ಮನೆಯಿಂದ ಎರಡನೇ ಪತ್ನಿ ಇರಾಮ್, ನಾಪತ್ತೆಯಾಗಿರುವುದನ್ನು ಅರಿತ ಮನ್ಸೂರಿ ಆಕೆಗಾಗಿ ಹುಡುಕಾಟ ನಡೆಸಲು ಆರಂಭಿಸುತ್ತಾನೆ. ಆದರೂ, ಆಕೆಯ ಸುಳಿವು ಮಾತ್ರ ದೊರೆಯುವುದಿಲ್ಲ. ನಂತರ ಕಾರೊಂದರಲ್ಲಿ ವ್ಯಕ್ತಿಯ ಜತೆ ಇರಾಮ್ ಇರುವುದನ್ನು ನೋಡಿದ್ದಾಗಿ ನೆರೆ ಮನೆಯವರು ಮನ್ಸೂರಿ ತಿಳಿಸುತ್ತಾರೆ. ಮೊಬೈಲ್ ಮೂಲಕ ಸಂಪರ್ಕಿಸಲು ಯತ್ನಿಸಿದಾದರೂ ಅದು ಸ್ವಿಚ್ ಆಫ್ ಆಗಿರುತ್ತದೆ. ಬಹುಶಃ ಮಾಜಿ ಗಂಡನೊಂದಿಗೆ ಪರಾರಿಯಾಗಿರಬಹುದೆಂದು ಸಣ್ಣ ಸಂಶಯವೊಂದು ಮನ್ಸೂರಿಗೆ ಬರುತ್ತದೆ. ಅಲ್ಲದೆ, 2019 ನವೆಂಬರ್ನಲ್ಲಿ ಮನ್ಸೂರಿ ಜತೆ ಎರಡನೇ ವಿವಾಹವಾದರೂ, ಸಹಬುದ್ದೀನ್ ಜತೆ ಇರಾಮ್ ಸಂಪರ್ಕದಲ್ಲಿ ಇರುವುದು ಮನ್ಸೂರಿಗೆ ತಿಳಿದಿರುತ್ತದೆ. ಬಳಿಕ ಬಂದು ಮನೆಯನ್ನು ಹುಡುಕಾಡಿದಾಗ 1 ಲಕ್ಷ ಮೌಲ್ಯದ ಆಭರಣ ಮತ್ತು 1.2 ಲಕ್ಷ ರೂ. ನಗದು ಇಲ್ಲದಿರುವುದು ಗೊತ್ತಾಗುತ್ತದೆ. ಮಾಜಿ ಗಂಡನೊಂದಿಗೆ ಪರಾರಿಯಾಗಿರುವುದು ಮನ್ಸೂರಿಗೆ ಖಚಿತವಾಗುತ್ತದೆ.
