'ಗ್ಯಾಂಗ್ಸ್​ ಆಫ್​ ಗೋದಾವರಿ' ಬಗ್ಗೆ ಹೊಸ ಅಪ್ಡೇಟ್​; ಈ ದಿನ ರಿಲೀಸ್​ ಆಗಲಿದೆ ಸಿನಿಮಾ!

ಆಂಧ್ರಪ್ರದೇಶ: ಮಾಸ್ ಪಾತ್ರಗಳಿಗೆ ಹೆಚ್ಚು ಹೆಸರುವಾಸಿಯಾಗಿರುವ ನಟ ವಿಶ್ವಕ್​ಸೇನ್​ ಅಭಿನಯದ 'ಗ್ಯಾಂಗ್ಸ್ ಆಫ್ ಗೋದಾವರಿ' ಚಿತ್ರದ ಬಗ್ಗೆ ಟಾಲಿವುಡ್​ ಅಂಗಳದಲ್ಲಿ ಸಾಕಷ್ಟು ಚರ್ಚೆಯಾಗುತ್ತಿದ್ದು, ಸಿನಿಮಾ ಹೇಗಿರಲಿದೆ, ಬಿಡುಗಡೆ ಯಾವಾಗ? ಎಂಬ ಹಲವು ಪ್ರಶ್ನೆಗಳು ಇದೀಗ ಸಿನಿಪ್ರೇಕ್ಷಕರನ್ನು ಕಾಡತೊಡಗಿದೆ.

ಇದನ್ನೂ ಓದಿ: ಬರಪೀಡಿತ ಪಟ್ಟಿಗೆ ಸೇರಿಸಲು ವರದಿ ಸಿದ್ಧಪಡಿಸಿ

ಕೃಷ್ಣ ಚೈತನ್ಯ ನಿರ್ದೇಶನದ ಈ ಚಿತ್ರವು ಆಕ್ಷನ್, ಡ್ರಾಮಾ ಜಾನರ್​​ನಲ್ಲಿ ಮೂಡಿಬರಲಿದೆ. ಸಿನಿಮಾದಲ್ಲಿ ವಿಶ್ವಕ್​ಸೇನ್​ ಮತ್ತು ನಟಿ ನೇಹಾ ಶೆಟ್ಟಿ ಮುಖ್ಯಭೂಮಿಕೆಯಲ್ಲಿ ಕಾಣಿಸಿಕೊಂಡಿದ್ದಾರೆ. ಕಳೆದ ತಿಂಗಳು ಚಿತ್ರ ತಯಾರಕರು ಚಿತ್ರದ ಮೊದಲ ಗ್ಲಿಂಪ್ಸ್​ ವಿಡಿಯೋವೊಂದನ್ನು ರಿಲೀಸ್​ ಮಾಡುವ ಮುಖೇನ ಸಿನಿಪ್ರಿಯರಲ್ಲಿ ಚಿತ್ರದ ಬಗ್ಗೆ ಮತ್ತಷ್ಟು ಕೌತುಕವನ್ನು ಹೆಚ್ಚಿಸಿದ್ದಾರೆ.

ಸದ್ಯ ಸಿನಿ ವರದಿಯ ಪ್ರಕಾರ 'ಗ್ಯಾಂಗ್ಸ್​ ಆಫ್​ ಗೋದಾವರಿ' ಇದೇ ಡಿಸೆಂಬರ್​ನಲ್ಲಿ ತೆರೆ ಮೇಲೆ ಬರಲಿದೆ ಎಂದು ಈ ಹಿಂದೆ ಹೇಳಲಾಗಿತ್ತು. ಆದ್ರೆ, ಇತ್ತೀಚಿನ ವರದಿ ಅನುಸಾರ, ಸಿನಿಮಾ ಡಿಸೆಂಬರ್ 8, 2023 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ಬಿಡುಗಡೆಗಯಾಗಲಿದೆ ಎಂದು ಹೇಳಲಾಗಿದೆ. ಈ ಕುರಿತು ಚಿತ್ರತಂಡದಿಂದ ಯಾವುದೇ ಅಧಿಕೃತ ಮಾಹಿತಿ ಇಲ್ಲಿಯವರೆಗೂ ಘೋಷಣೆಯಾಗಿಲ್ಲ.

ಇದನ್ನೂ ಓದಿ: ಮಲ್ಲಯ್ಯನ ದೇವಸ್ಥಾನಕ್ಕೆ ವಿದ್ಯುತ್ ಕಂಬಗಳ ವ್ಯವಸ್ಥೆ

ಸಿತಾರಾ ಎಂಟರ್ಟೈನ್ಮೆಂಟ್ಸ್ ಮತ್ತು ಫಾರ್ಚೂನ್ ಫೋರ್ ಬ್ಯಾನರ್​ನಡಿ ತಯರಾಗಿರುವ ಗ್ಯಾಂಗ್ಸ್ ಆಫ್ ಗೋದಾವರಿ ಸಿನಿಮಾಗೆ ಶಂಕರ್ ರಾಜಾ ಸಂಗೀತ ಸಂಯೋಜನೆ ಮಾಡಿದ್ದಾರೆ. ಚಿತ್ರದಲ್ಲಿ ವಿಶ್ವಕ್ಸೇನ್​, ಅಂಜಲಿ, ನೇಹಾ ಶೆಟ್ಟಿ, ಗೋಪ​ರಾಜು ರಾಮನ, ನಾಸರ್​, ಸಾಯಿ ಕುಮಾರ್​ ಸೇರಿದಂತೆ ಹಲವರ ತಾರಗಣವಿದೆ,(ಏಜೆನ್ಸೀಸ್).

https://www.vijayavani.net/wife-beats-husband-with-slipper-over-office-affair