ಮುಂಬೈ: ಅಜಯ್ ದೇವಗನ್ ಮತ್ತು ಕಾಜೋಲ್ ಮಗಳು ನ್ಯಾಸಾ ಚಿತ್ರರಂಗಕ್ಕೆ ಇನ್ನೂ ಎಂಟ್ರಿ ಕೊಟ್ಟಿಲ್ಲ. ಆಗಲೇ ದೊಡ್ಡ ಸೆಲೆಬ್ರಿಟಿಯಾಗಿದ್ದಾರೆ. ಅದಕ್ಕೆ ಕಾರಣ, ಈ ಸ್ಟಾರ್ ಪುತ್ರಿ ಯಾವಾಗಲೂ ಸ್ನೇಹಿತರ ಜತೆಗೆ ಪಾರ್ಟಿಗಳಲ್ಲಿ ತುಂಡುಡುಗೆಗಳಲ್ಲಿ ಕಾಣಿಸಿಕೊಳ್ಳುತ್ತಿರುತ್ತಾರೆ. ಇದೇ ವಿಷಯವಾಗಿ ಆಗಾಗ ಟ್ರೋಲ್ ಆಗುತ್ತಿರುತ್ತಾರೆ. ಈಗ ಆಕೆ ಇನ್ನೊಮ್ಮೆ ಸಖತ್ ಟ್ರೋಲ್ ಆಗಿದ್ದಾರೆ. ಆದರೆ, ಈ ಬಾರಿ ಆಗಿದ್ದು ಪಾರ್ಟಿ ಮಾಡಿದ್ದಕ್ಕಲ್ಲ, ದೇವಸ್ಥಾನದಲ್ಲಿ ಕಾಣಿಸಿಕೊಂಡಿದ್ದಕ್ಕೆ. ತುಂಡುಡುಗೆ ತೊಟ್ಟಿದ್ದಕ್ಕಲ್ಲ, ಮೈ ತುಂಬಾ ಬಟ್ಟೆ ಹಾಕಿಕೊಂಡಿದ್ದಿಕ್ಕೆ.
ಇದನ್ನೂ ಓದಿ: ಬ್ಯಾಂಡೇಜ್ ಹಾಕಿಕೊಂಡೇ ಚಿತ್ರೀಕರಣಕ್ಕೆ ವಾಪಸ್ಸಾದ ರೋಹಿತ್ ಶೆಟ್ಟಿ …
ಆಶ್ಚರ್ಯವಾಗಬಹುದು. ಆದರೂ ಇದು ನಿಜ, ಇತ್ತೀಚೆಗೆ ನ್ಯಾಸಾ ತನ್ನಮ್ಮ ಕಾಜೋಲ್ ಜತೆಗೆ ಮುಂಬೈನ ಶ್ರೀ ಸಿದ್ಧಿವಿನಾಯಕ ದೇವಸ್ಥಾನಕ್ಕೆ ಹೋಗಿದ್ದಾರೆ. ಬಿಳಿ ಚೂಡಿಧಾರ್ ತೊಟ್ಟಿದ್ದ ನ್ಯಾಸಾ, ಕೈಯಲ್ಲಿ ತಟ್ಟೆ ಹಿಡಿದುಕೊಂಡಿದ್ದಾರೆ. ಯಾವಾಗ ಈ ಫೋಟೋಗಳು ಸೋಷಿಯಲ್ ಮೀಡಿಯಾದಲ್ಲಿ ಕಾಣಿಸಿಕೊಂಡವೋ, ಅಲ್ಲಿಂದ ಟ್ರೋಲಿಂಗ್ ಶುರುವಾಗಿದೆ.
‘ಈ ದೊಡ್ಡ ಜನ ಬರೀ ಪಬ್ಗೆ ಹೋಗುತ್ತಾರೆ ಅಂತಂದುಕೊಂಡಿದ್ದೆ, ಆದರೆ ಇವರು ದೇವಸ್ಥಾನಕ್ಕೂ ಹೋಗುತ್ತಾರೆ’ ಎಂದು ಒಬ್ಬರು ಬರೆದರೆ, ಇನ್ನೂ ಕೆಲವರು ಇದೊಂದು ಪಬ್ಲಿಸಿಟಿ ಸ್ಟಂಟ್ ಎಂದು ಕರೆದಿದ್ದಾರೆ. ಇನ್ನೊಂದಿಷ್ಟು ಜನ್, ನ್ಯಾಸಾ ಮೈ ತುಂಬಾ ಬಟ್ಟೆ ಹಾಕಿರುವುದರಿಂದ ಗುರುತೇ ಸಿಗುತ್ತಿಲ್ಲ ಎಂದು ಹೇಳಿದ್ದಾರೆ. ಹೀಗೆ ಒಬ್ಬೊಬ್ಬರು ತಮ್ಮ ಮನ ಬಂದಂತೆ ಫೋಟೋಗಳಿಗೆ ಕಾಮೆಂಟ್ ಹಾಕಿದ್ದಾರೆ.
ಇದನ್ನೂ ಓದಿ: ‘ಪಠಾಣ್’ ಚಿತ್ರಕ್ಕೆ ಎರಡು ಟ್ರೈಲರ್? ಒಂದರಲ್ಲಿ ಸಲ್ಮಾನ್, ಇನ್ನೊಂದರಲ್ಲಿ ಇಲ್ಲ …
20 ವಯಸ್ಸಿನ ನ್ಯಾಸಾ, ಸಿಂಗಾಪೂರ್ನಲ್ಲಿ ಒದುತ್ತಿದ್ದು, ಓದು ಮುಗಿದ ನಂತರ ಬಾಲಿವುಡ್ಗೆ ಎಂಟ್ರಿ ಕೊಡಬಹುದು ಎಂಬ ಸುದ್ದಿ ಇದೆ. ಈ ಕುರಿತು ಮಾಧ್ಯಮದವರು ಅಜಯ್ ದೇವಗನ್ಗೆ ಕೇಳಿದಾಗ, ‘ಅವಳಿಗೆ ಈ ಲೈನ್ನಲ್ಲಿ ಆಸಕ್ತಿ ಇಲ್ಲ. ಚಿತ್ರರಂಗಕ್ಕೆ ಬರುವ ಆಸೆಯನ್ನು ಯಾವತ್ತೂ ವ್ಯಕ್ತಪಡಿಸಿಲ್ಲ. ಓದು ಮುಗಿದ ಮೇಲೆ ಮುಂದಿನ ಮಾತು’ ಎಂದು ಹೇಳಿದ್ದರು.