ತನ್ನನ್ನು ದ್ವೇಷಿಸುವವರಿಗೆ ರಶ್ಮಿಕಾ ಹೇಳೋದೇನು ಗೊತ್ತಾ?

ಹೈದರಾಬಾದ್​: ಟಾಲಿವುಡ್​ನ ಬಿಜಿ ನಟಿಯರ ಪೈಕಿ ನ್ನಡತಿ ರಶ್ಮಿಕಾ ಮಂದಣ್ಣ ಸಹ ಒಬ್ಬರು. ಸದ್ಯ 'ಪುಷ್ಪ 2' ಚಿತ್ರದ ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿರುವ ಅವರು, ಜನರಿಂದ ಪ್ರೀತಿ ಪಡೆಯುವುದರ ಜತೆಗೆ ಸಾಕಷ್ಟು ಟೀಕೆಗೂ ಒಳಗಾಗಿದ್ದಾರೆ. ಈ ಬಗ್ಗೆ ಸೋಷಿಯಲ್​ ಮೀಡಿಯಾದಲ್ಲಿ ತಮ್ಮ ನೋವನ್ನೂ ತೋಡಿಕೊಂಡಿದ್ದಾರೆ.

ಇದನ್ನೂ ಓದಿ: ಬ್ಯಾಂಡೇಜ್​ ಹಾಕಿಕೊಂಡೇ ಚಿತ್ರೀಕರಣಕ್ಕೆ ವಾಪಸ್ಸಾದ ರೋಹಿತ್​ ಶೆಟ್ಟಿ …

ಈಗ ಈ ಕುರಿತು ಸಮಾರಂಭವೊಂದರಲ್ಲಿ ಮನಬಿಚ್ಚಿ ಮಾತನಾಡಿದ್ದಾರೆ. ಜನರ ಪ್ರೀತಿ, ಟೀಕೆಗಳ ಬಗ್ಗೆ ಹಲವು ವಿಷಯಗಳನ್ನು ಹಂಚಿಕೊಂಡಿದ್ದಾರೆ. ಟೀಕೆಗಳ ನಡುವೆಯೂ ಜನರ ಪ್ರೀತಿ ತಮ್ಮನ್ನು ಇನ್ನಷ್ಟು ಕೆಲಸ ಮಾಡುವಂತೆ ಪ್ರೇರೇಪಿಸುತ್ತದೆ ಎಂದು ಹೇಳಿಕೊಂಡಿದ್ದಾರೆ.

ಈ ಕುರಿತು ಮಾತನಾಡಿರುವ ಅವರು, 'ನಾವು ಕಲಾವಿದರು. ಎಲ್ಲರೂ ನಮ್ಮನ್ನು ಪ್ರೀತಿಸಬೇಕು ಎಂದು ನಿರೀಕ್ಷಿಸುವುದು ತಪ್ಪು. ಒಳ್ಳೆಯ ಮಾತುಗಳನ್ನುಕೇಳುವುದರ ಜತೆಗೆ ಕೆಲವೊಮ್ಮೆ ಟೀಕೆಗಳನ್ನು ಸಹ ಎದುರಿಬೇಕಾಗುತ್ತದೆ. ನಾವು ಪಬ್ಲಿಕ್​ ಫಿಗರ್​ಗಳಾಗಿರುವುದರಿಂದ ಇವೆಲ್ಲವೂ ಸರ್ವೇಸಾಮಾನ್ಯ. ಜನ ನಮ್ಮನ್ನು ಹಲವು ಕಾರಣಗಳಿಗಾಗಿ ಟೀಕಿಸಬಹುದು. ಆದರೆ, ಅದರ ನಡುವೆಯೂ ಸಾಕಷ್ಟು ಪ್ರೀತಿ ಸಿಗುತ್ತಿದೆ. ಜನ ಬಹಳ ಪ್ರೀತಿಯಿಂದ ಗುರುತಿಸಿ ಮಾತನಾಡಿದಾಗ ಖುಷಿಯಾಗುತ್ತದೆ. ಈ ಖುಷಿಯ ನಡುವೆ, ದ್ವೇಷ ಮತ್ತು ಟೀಕೆಗಳೆಲ್ಲ ಮರೆತು ಹೋಗುತ್ತದೆ' ಎಂದು ರಶ್ಮಿಕಾ ಹೇಳಿಕೊಂಡಿದ್ದಾರೆ.

ಇದನ್ನೂ ಓದಿ: ‘ಪಠಾಣ್​’ ಚಿತ್ರಕ್ಕೆ ಎರಡು ಟ್ರೈಲರ್​? ಒಂದರಲ್ಲಿ ಸಲ್ಮಾನ್​, ಇನ್ನೊಂದರಲ್ಲಿ ಇಲ್ಲ …

ಇನ್ನು, ಇತ್ತೀಚೆಗಷ್ಟೇ ಹೊಸ ವರ್ಷವನ್ನು ಗೆಳೆಯ ವಿಜಯ್​ ದೇವರಕೊಂಡ ಜತೆಗೆ ಆಚರಿಸಿರುವ ರಶ್ಮಿಕಾ, ಭಾರತಕ್ಕೆ ವಾಪಸ್ಸಾಗಿದ್ದು, ಚಿತ್ರೀಕರಣದಲ್ಲಿ ತೊಡಗಿಸಿಕೊಂಡಿದ್ದಾರೆ.

https://www.vijayavani.net/aditya-chopra-cuts-two-trailers-of-pathaan/