ಹೈದರಾಬಾದ್: ಸಾಮಾನ್ಯವಾಗಿ ಆಕ್ಷನ್ ದೃಶ್ಯಗಳ ಚಿತ್ರೀಕರಣದಲ್ಲಿ ನಟ-ನಟಿಯರಿಗೆ, ಸ್ಟಂಟ್ಮ್ಯಾನ್ಗಳಿಗೆ ಗಾಯಗಳಾಗೋದು ಸಹಜ. ಚಿತ್ರದ ನಿರ್ದೇಶಕರಿಗೆ ಗಾಯಗಳಾಗಿದ್ದು ಬಹಳ ಕಡಿಮೆಯೇ. ಅಂಥದ್ದೊಂದು ಹೆಗ್ಗಳಿಗಕೆಗೆ ರೋಹಿತ್ ಶೆಟ್ಟಿ ಪಾತ್ರರಾಗಿದ್ದು, ಶೂಟಿಂಗ್ ವೇಳೆ ಅವರ ಕೈಗೆ ಏಟು ಬಿದ್ದಿದೆ. ಅಷ್ಟೇ ಅಲ್ಲ, ಕೈಗೆ ಹೊಲಿಗೆ ಹಾಕಿಸಿಕೊಂಡು, ಬ್ಯಾಂಡೇಜ್ ಸುತ್ತಿಕೊಂಡೇ ಅವರು ಚಿತ್ರೀಕರಣಕ್ಕೆ ವಾಪಸ್ಸಾಗಿರುವುದು ವಿಶೇಷ.
ಇದನ್ನೂ ಓದಿ: ಬಿಡುಗಡೆಗೂ ಮುನ್ನವೇ ‘ವಿರಾಟಪುರ ವಿರಾಗಿ’ ಚಿತ್ರದ 75 ಸಾವಿರ ಟಿಕೆಟ್ಗಳ ಮಾರಾಟ
‘ಸಿಂಗಂ’, ‘ಸಿಂಬಾ’, “ಸೂರ್ಯವಂಶಿ’ ಮುಂತಾದ ಹೈವೋಲ್ಟೇಜ್ ಆಕ್ಷನ್ ಚಿತ್ರಗಳಿಗೆ ಹೆಸರುವಾಸಿಯಾಗಿರುವ ರೋಹಿತ್, ಶನಿವಾರ ಮಧ್ಯಾಹ್ನ ಹೈದರಾಬಾದ್ನ ರಾಮೋಜಿ ಫಿಲಂಸಿಟಿಯಲ್ಲಿ ರೋಹಿತ್ ಶೆಟ್ಟಿ ‘ಇಂಡಿಯನ್ ಪೊಲೀಸ್ ಫೋರ್ಸ್’ ವೆಬ್ಸೀರೀಸ್ಗೆ ಚಿತ್ರೀಕರಣ ಮಾಡುತ್ತಿದ್ದರು. ಹೆಸರೇ ಹೇಳುವಂತೆ ಪೊಲೀಸರ ಸಾಹಸಗಳನ್ನು ದಾಖಲಿಸುವ ಈ ವೆಬ್ಸರಣಿಯಲ್ಲಿ ಸಾಕಷ್ಟು ಸಾಹಸಮಯ ದೃಶ್ಯಗಳಿವೆತಂತೆ. ಈ ಸಂದರ್ಭದಲ್ಲಿ ಕಾರ್ ಚೇಸ್ ಚಿತ್ರೀಕರಣ ಮಾಡುವಾಗ, ರೋಹಿತ್ ಕೈಗೆ ಪೆಟ್ಟುಬಿದ್ದಿದೆ.
ತಕ್ಷಣ ಚಿತ್ರೀಕರಣ ಸ್ಥಗಿತಗೊಳಿಸಿ, ಚಿತ್ರತಂಡದವರು ಅವರನ್ನು ಕಾಮಿನೇನಿ ಆಸ್ಪತ್ರೆಗೆ ದಾಖಲಿಸಿದ್ದಾರೆ. ಅಲ್ಲಿ ವೈದ್ಯರು ರೋಹಿತ್ ಕೈಗೆ ಹೊಲಿಗೆ ಹಾಕಿದ್ದು, ಕೆಲ ಹೊತ್ತು ವೀಕ್ಷಣೆಯಲ್ಲಿಟ್ಟು ನಂತರ ಡಿಸ್ಚಾರ್ಜ್ ಮಾಡಿದ್ದಾರೆ. ರೋಹಿತ್ ಶೆಟ್ಟಿ ಕೈಗೆ ಬ್ಯಾಂಡೇಜ್ ಹಾಕಿಕೊಂಡು ಮತ್ತೆ ಚಿತ್ರೀಕರಣಕ್ಕೆ ಮರಳಿದ್ದು, ಸದ್ಯ ಫೋಟೋ ವೈರಲ್ ಆಗಿದೆ.
ಇದನ್ನೂ ಓದಿ: ಕನ್ನಡ ಚಿತ್ರರಂಗದಲ್ಲೊಂದು ಹೊಸ ಪೇಟೆ … ಅದೇ ‘ಡಾಲರ್ಸ್ ಪೇಟೆ’
ಅಮೇಜಾನ್ಗಾಗಿ ತಯಾರಾಗುತ್ತಿರುವ ಈ ವೆಬ್ ಸರಣಿಯ ಚಿತ್ರೀಕರಣ ಕಳೆದ ವರ್ಷವೇ ಪ್ರಾರಂಭವಾಗಿತ್ತು. ಸಿದ್ಧಾರ್ಥ್ ಮಲ್ಹೋತ್ರಾ, ವಿವೇಕ್ ಓಬೆರಾಯ್, ರಿತೇಶ್ ದೇಶ್ಮುಖ್, ಶಿಲ್ಪಾ ಶೆಟ್ಟಿ ಮುಂತಾದವರು ಪ್ರಮುಖ ಪಾತ್ರಗಳಲ್ಲಿ ನಟಿಸುತ್ತಿರುವ ‘ಇಂಡಿಯನ್ ಪೊಲೀಸ್ ಫೋರ್ಸ್’ ಈ ವರ್ಷದಿಂದ ಸ್ಟ್ರೀಮ್ ಆಗಲಿದೆ.
‘ಪಠಾಣ್’ ಚಿತ್ರಕ್ಕೆ ಎರಡು ಟ್ರೈಲರ್? ಒಂದರಲ್ಲಿ ಸಲ್ಮಾನ್, ಇನ್ನೊಂದರಲ್ಲಿ ಇಲ್ಲ …