ಬೆಂಗಳೂರು: ಕನ್ನಡ ಚಿತ್ರರಂಗದ ಪ್ರತಿಭಾವಂತ ನಟ, ನಿರ್ದೇಶಕ, ಬರಹಗಾರ ರಾಜ್ ಬಿ. ಶೆಟ್ಟಿ ನಟನೆಯ ಬಹುನಿರೀಕ್ಷಿತ ‘ಟೋಬಿ’ ಸಿನಿಮಾದ ಅದ್ದೂರಿ ಬಿಡುಗಡೆಗೆ ಕ್ಷಣಗಣನೆ ಆರಂಭಗೊಂಡಿದೆ. ಈ ಮಧ್ಯೆ ರಾಜ್, ಸಿನಿಪ್ರೇಕ್ಷಕರಿಗೆ ಮುಖ್ಯ ಸಂದೇಶವೊಂದನ್ನು ಕಿರು ವಿಡಿಯೋ ಮೂಲಕ ಹಂಚಿಕೊಂಡಿದ್ದು, ಪೇಯ್ಡ್ ಪ್ರೀಮಿಯರ್ ಶೋಗಳ ಬಗ್ಗೆ ತಿಳಿಸಿದ್ದಾರೆ.
ಇದನ್ನೂ ಓದಿ: VIDEO | ತಲೆ ಕೂದಲು ಕತ್ತರಿಸಲು ಬಂತು ವಿಶೇಷ ರೋಬೋಟ್…ವೈರಲ್ ವಿಡಿಯೋ ನೋಡಿ
ಈ ಹಿಂದೆಯೇ ಚಿತ್ರತಂಡ ತಿಳಿಸಿದಂತೆ ಆಗಸ್ಟ್ 25 ರಂದು ಬಹುತೇಕ ಚಿತ್ರಮಂದಿರಗಳಲ್ಲಿ ರಿಲೀಸ್ ಆಗಲು ‘ಟೋಬಿ’ ಸಜ್ಜಾಗಿದೆ. ಇದರ ನಡುವೆ ಚಿತ್ರದ ಪೇಯ್ಡ್ ಪ್ರೀಮಿಯರ್ ಅಥವಾ ಸೆಲೆಬ್ರಿಟಿ ಶೋಗಳು ಇದೆಯಾ? ಪ್ರೀಮಿಯರ್ ನೋಡಲು ಟಿಕೆಟ್ ಬುಕಿಂಗ್ಸ್ ಯಾವಾಗ ತೆರಯಲಿದೆ ಎಂಬ ಹಲವು ಪ್ರಶ್ನೆಗಳು ಸಿನಿಪ್ರೇಕ್ಷಕರಿಂದ ಕೇಳಿಬಂದಿತ್ತು. ಈ ಎಲ್ಲಾ ಪ್ರಶ್ನೆಗಳಿಗೆ ಇದೀಗ ನಟ ರಾಜ್ ವಿಡಿಯೋ ಮುಖೇನ ಉತ್ತರಿಸಿದ್ದಾರೆ.
‘ಟೋಬಿ’ ಚಿತ್ರದ ಯಾವುದೇ ಪೇಯ್ಡ್ ಪ್ರೀಮಿಯರ್ ಅಥವಾ ಸೆಲೆಬ್ರಿಟಿ ಶೋಗಳು ಇರುವುದಿಲ್ಲ. ನಾವು ಈ ಪ್ರದರ್ಶನಗಳನ್ನು ಆಯೋಜಿಸಿಲ್ಲ. ಎಲ್ಲರಿಗೂ ಆಗಸ್ಟ್ 25 ರಂದೇ ಟೋಬಿ ಕಾಣಸಿಗಲಿದ್ದಾನೆ. ಚಿತ್ರಮಂದಿರಗಳಿಗೆ ಭೇಟಿ ನೀಡಿ, ಸಿನಿಮಾ ವೀಕ್ಷಿಸಿ ಎಂದು ವಿಡಿಯೋದಲ್ಲಿ ತಿಳಿಸಿದ್ದಾರೆ.
VIDEO | ತಲೆ ಕೂದಲು ಕತ್ತರಿಸಲು ಬಂತು ವಿಶೇಷ ರೋಬೋಟ್…ವೈರಲ್ ವಿಡಿಯೋ ನೋಡಿ