ಜೋತಿಷ್ಯ ಕೇಳ್ಕೊಂಡು ಬಂದರೆ ಡೆಲಿವರಿ ಮಾಡಲ್ಲ! ಆಸ್ಪತ್ರೆ ಹೊರಗೆ ಬೋರ್ಡ್​ ಹಾಕಿದ ವೈದ್ಯರು

ರಾಜಸ್ಥಾನ: ಇತ್ತೀಚಿನ ದಿನಗಳಲ್ಲಿ ಜೋತಿಷ್ಯ ಕೇಳಿಸಿ, ಅವರೇಳುವ ದಿನ, ಸಮಯಕ್ಕೆ ಅನುಗುಣವಾಗಿ ಮಗುವಿಗೆ ಜನ್ಮ ನೀಡುವ ತಾಯಂದಿರ ಸಂಖ್ಯೆ ಗಣನೀಯವಾಗಿ ಹೆಚ್ಚುತ್ತಿದೆ. ಸಿಸೇರಿಯನ್​ ಶಸ್ತ್ರಚಿಕಿತ್ಸೆಗೆ ಒಳಗಾಗುವ ಮೂಲಕ ತಮ್ಮ ಮಗುವಿಗೆ ಜನನ ಕೊಡಲು ಮುಂದಾಗುವ ಗರ್ಭಿಣಿಯರು, ಆಯಾ ಜೋತಿಷಿಗಳು ನಿಗದಿಪಡಿಸುವ ದಿನಾಂಕ ಮತ್ತು ವೇಳೆಗೆ ಸರಿಯಾಗಿ ಮಗುವಿಗೆ ಜನ್ಮ ಕೊಡಲು ಇಚ್ಛಿಸುತ್ತಾರೆ. ಇದು ಅವರವರ ನಂಬಿಕೆಯಾಗಿದೆ.

ಇದನ್ನೂ ಓದಿ: ಶಿವಣ್ಣನ​ ಕಾಲಿಗೆ ಬಿದ್ದು ಆಶೀರ್ವಾದ ಪಡೆದ ಐಶ್ವರ್ಯ ರೈ ಪುತ್ರಿ! ಆರಾಧ್ಯ ಬಚ್ಚನ್ ಸಂಸ್ಕೃತಿ ಮೆಚ್ಚಿದ ಫ್ಯಾನ್ಸ್​

ಒಂದಷ್ಟು ಆಸ್ಪತ್ರೆಗಳಲ್ಲಿ ಈ ರೀತಿಯ ಅಭ್ಯಾಸಗಳಿಗೆ ಅಸ್ತು ಎನ್ನಲಾಗುತ್ತದೆ. ಆದ್ರೆ, ಇಲ್ಲೊಂದು ಆಸ್ಪತ್ರೆಯಲ್ಲಿ ಮಾತ್ರ ಇದ್ಯಾವುದಕ್ಕೂ ಕಿಂಚಿತ್ತು ಅವಕಾಶವೂ ಇಲ್ಲ, ಆಸ್ಪದವೂ ಇಲ್ಲ. ಗರ್ಭಿಣಿಯರು ತಮ್ಮ ಮಗುವಿಗೆ ಇದೇ ದಿನಾಂಕ, ಸಮಯದಂದು ಜನ್ಮ ನೀಡಬೇಕೆಂಬ ಬಯಕೆಯಿಂದ ವೈದ್ಯರಲ್ಲಿ ಒತ್ತಾಯ ಮಾಡುತ್ತಾರೆ ಎಂದು ರಾಜಸ್ಥಾನದ ಕಿಷ್ನಗರ್​ನಲ್ಲಿರುವ ಮಾರ್ಬಲ್​ ನಗರ ಆಸ್ಪತ್ರೆಯಲ್ಲಿ ದೊಡ್ಡ ಫಲಕವೊಂದನ್ನೇ ಅಳವಡಿಸಲಾಗಿದೆ. ಜೋತಿಷ್ಯ ಕೇಳಿಕೊಂಡು, ಮಹೂರ್ತ ಪಾಲಿಸುವ ಗರ್ಭಿಣಿಯರಿಗೆ ಇಲ್ಲಿ ಹೆರಿಗೆ ಮಾಡುವುದಿಲ್ಲ ಎಂದು ಸ್ಪಷ್ಟವಾಗಿ ಈ ಬೋರ್ಡ್​ನಲ್ಲಿ ಉಲ್ಲೇಖಿಸಲಾಗಿದೆ.

ಜ್ಯೋತಿಷ್ಯ ನಂಬಿ, ದಿನಾಂಕ, ವೇಳೆ ನಿಗದಿಪಡಿಸಿಕೊಂಡು ನಮ್ಮ ಆಸ್ಪತ್ರೆಗೆ ಬರುವ ಗರ್ಭಿಣಿಯರಿಗೆ ನಾವು ಸಿಸೇರಿಯನ್ ಶಸ್ತ್ರಚಿಕಿತ್ಸೆ ಮಾಡುವುದಿಲ್ಲ ಎಂದು ಮಾರ್ಬಲ್ ಆಸ್ಪತ್ರೆ ನೋಟಿಸ್ ಬೋರ್ಡ್​​ನಲ್ಲಿ ತಿಳಿಸಿದೆ. ಈ ವಿಚಾರ ಜಾಲತಾಣದಲ್ಲಿ ವೈರಲ್ ಆಗ್ತಿದ್ದಂತೆ ಕೆಲವು ನೆಟ್ಟಿಗರು ಆಸ್ಪತ್ರೆ ಆಡಳಿತ ಮಂಡಳಿ ವಿರುದ್ಧ ಕಿಡಿಕಾರಿದ್ದು, ಅದು ಅವರವರ ನಂಬಿಕೆಯಾಗಿದೆ. ನಾವು ಕೂಡ ಇದೇ ರೀತಿಯಲ್ಲಿ ಹೆರಿಗೆ ಮಾಡಿಸಿಕೊಂಡಿದ್ದೇವೆ. ಅದರಲ್ಲಿ ತಪ್ಪೇನಿದೆ? ಇದು ಸರಿಯಲ್ಲ ಎಂದು ಅಭಿಪ್ರಾಯಿಸಿದ್ದಾರೆ. ಸದ್ಯ ಈ ಪೋಸ್ಟ್​ ಸಿಕ್ಕಾಪಟ್ಟೆ ವೈರಲ್ ಆಗಿದ್ದು, ನೆಟ್ಟಿಗರಿಂದ ಮಿಶ್ರ ಪ್ರತಿಕ್ರಿಯೆಗಳು ಹರಿದುಬರುತ್ತಿವೆ,(ಏಜೆನ್ಸೀಸ್).

https://www.vijayavani.net/tollywood-actor-remembers-his-struggling-days

https://www.vijayavani.net/mrunal-thakur-says-she-too-had-a-break-uo