ಕ್ರೀಡಾಪಟುಗಳಿಗೆ ಮೈದಾನದಲ್ಲಿ ತೋರುವ ನಿರ್ವಹಣೆ ಎಷ್ಟು ಮುಖ್ಯವೋ, ಪ್ರೋತ್ಸಾಹ ಕೂಡ ಅಷ್ಟೇ ಮುಖ್ಯವಾಗುತ್ತದೆ. ನೌಕರಿ, ತರಬೇತಿ, ಪುರಸ್ಕಾರಗಳು ಇದರಲ್ಲಿ ಸೇರಿರುತ್ತವೆ. ವಿವಿಧ ಕ್ರೀಡೆಗಳಲ್ಲಿ ಉತ್ತಮ ನಿರ್ವಹಣೆ ತೋರಿದ ಕ್ರೀಡಾಪಟುಗಳಿಗೆ ಕ್ರೀಡಾಪ್ರಶಸ್ತಿ ನೀಡಿ ಗೌರವಿಸಲಾಗುತ್ತದೆ. ಇತರ ಕ್ರೀಡೆಗಳಲ್ಲಿ ಪ್ರಶಸ್ತಿ ಕೈತಪ್ಪಿದರೆ ದೊಡ್ಡ ವಿವಾದವಾದರೂ ಈ ದಿಗ್ಗಜರು ಮಾತ್ರ ಪ್ರಶಸ್ತಿ ಕೈತಪ್ಪಿದ್ದಕ್ಕೆ ಯಾವುದೇ ಪ್ರತಿಕ್ರಿಯೆ ನೀಡಿರಲಿಲ್ಲ. ಕ್ರಿಕೆಟ್ ವಿಭಾಗದಿಂದ ಇದುವರೆಗೂ ಸಚಿನ್ ತೆಂಡುಲ್ಕರ್, ಎಂಎಸ್ ಧೋನಿ ಹಾಗೂ ವಿರಾಟ್ ಕೊಹ್ಲಿಗೆ ಮಾತ್ರ ಈ ಪ್ರಶಸ್ತಿ ದಕ್ಕಿದೆ. ಈ ಪ್ರಶಸ್ತಿಗೆ ಈ ದಿಗ್ಗಜರು ಆರ್ಹರಲ್ಲ ಎಂಬ ವಾದವಿಲ್ಲ, ಆದರೆ, ಪ್ರಶಸ್ತಿ ಆಯ್ಕೆ ವೇಳೆ ಇದ್ದ ತೀವ್ರ ಪೈಪೋಟಿಯಿಂದಾಗಿಯೇ ಇವರಿಗೆ ಪ್ರಶಸ್ತಿ ಕೈತಪ್ಪಿದೆ ಎನ್ನುತ್ತಾರೆ ಕ್ರೀಡಾ ತಜ್ಞರು.
