ಮೊಹಮ್ಮದ್ ಸಿರಾಜ್ ಗುಟ್ಟು ಬಹಿರಂಗಪಡಿಸಿದ ಸಹೋದರ ಇಸ್ಮಾಯಿಲ್! | Mohammed Siraj

Mohammed Siraj: ಓವಲ್​ನಲ್ಲಿ ಇಂಗ್ಲೆಂಡ್ ವಿರುದ್ಧ ನಡೆದ ಅಂತಿಮ ಟೆಸ್ಟ್​ ಪಂದ್ಯದ ಗೆಲುವಿನ ರುವಾರಿ ವೇಗದ ಬೌಲರ್ ಮೊಹಮ್ಮದ್ ಸಿರಾಜ್​ರ ಫಿಟ್‌ನೆಸ್ ಗುಟ್ಟನ್ನು, ಅವರ ಸಹೋದರ ಮೊಹಮ್ಮದ್ ಇಸ್ಮಾಯಿಲ್ ಬಹಿರಂಗಪಡಿಸಿದ್ದಾರೆ.

ಇದನ್ನೂ ಓದಿ:ವ್ಯಾಯಾಮ ಮಾಡುವಾಗ ಈ 2 ತಪ್ಪುಗಳನ್ನು ಮಾಡಬೇಡಿ! ಹೃದಯಾಘಾತದ ಅಪಾಯ ಹೆಚ್ಚಾಗುತ್ತದೆ, ಜಾಗರೂಕರಾಗಿರಿ.. GYM

ಇಂಗ್ಲೆಂಡ್ ವಿರುದ್ಧದ ಸರಣಿಯಲ್ಲಿ ಉತ್ತಮ ಬೌಲಿಂಗ್​ ಮೂಲಕ ಭಾರತ ತಂಡದ ಯಶಸ್ಸಿನಲ್ಲಿ ಪ್ರಮುಖ ಪಾತ್ರ ವಹಿಸಿರುವ ಸಿರಾಜ್ ಅವರ ಶಿಸ್ತಿನ ದಿನಚರಿ ಮತ್ತು ಕಟ್ಟುನಿಟ್ಟಿನ ಆಹಾರಕ್ರಮದ ಬಗ್ಗೆ ಬೆಳಕು ಚೆಲ್ಲಿರುವ ಇಸ್ಮಾಯಿಲ್, ಸಿರಾಜ್ ಫಿಟ್ನೆಸ್ ಬಗ್ಗೆ ಹೆಚ್ಚು ಗಮನ ಹರಿಸುತ್ತಾರೆ, ಪಿಜ್ಜಾ ಸೇರಿದಂತೆ ಇನ್ನಿತರ ಫಾಸ್ಟ್ ಫುಡ್​ ಸೇವನೆಯಿಂದ ದೂರವಿದ್ದಾರೆ ಎಂದರು.

2025 ರ ಚಾಂಪಿಯನ್ಸ್ ಟ್ರೋಫಿಯ ಸಮಯದಲ್ಲಿ ತಂಡಕ್ಕೆ ಸಿರಾಜ್ ಆಯ್ಕೆಯಾಗದಿರುವ ಬಗ್ಗೆ ಮಾತಾಡಿದ ಸಿರಾಜ್​ ಸಹೋದರ, ಚಾಂಪಿಯನ್ಸ್ ಟ್ರೋಫಿಗೆ ಸಿರಾಜ್ ಆಯ್ಕೆಯಾಗದಿದ್ದರು, ಅವರು ತಮ್ಮ ಪ್ರಯತ್ನಗಳಿಂದ ದೂರ ಉಳಿಯದೇ ತಮ್ಮ ಫಿಟ್‌ನೆಸ್‌ನತ್ತ ಗಮನಹರಿಸಿದರು, ಪ್ರತಿದಿನ ಬೆಳಿಗ್ಗೆ ಮತ್ತು ಸಂಜೆ ಕಠಿಣ ಅಭ್ಯಾಸ ನಡೆಸಿದರು. ತಮ್ಮ ದೌರ್ಬಲ್ಯಗಳತ್ತ ಗಮನ ನೀಡಿ ಅದನ್ನು ಸರಿಪಡಿಸಿಕೊಂಡಿರುವ ಬಗ್ಗೆ ತಿಳಿಸಿದರು.

ಇದನ್ನೂ ಓದಿ:ಬುಮ್ರಾ, ಕರುಣ್​ ನಾಯರ್​… ವೆಸ್ಟ್​ ಇಂಡೀಸ್​ ವಿರುದ್ಧದ ಟೆಸ್ಟ್​ಗೆ ಟೀಮ್ ಇಂಡಿಯಾದ ಈ 7 ಕ್ರಿಕೆಟಿಗರು ಡೌಟ್? | Team India

ಇಂಗ್ಲೆಂಡ್ ವಿರುದ್ಧದ ಟೆಸ್ಟ್ ಸರಣಿಯಲ್ಲಿ ಸಿರಾಜ್ ಐದು ಪಂದ್ಯಗಳಿಂದ (ಒಂಬತ್ತು ಇನ್ನಿಂಗ್ಸ್‌ಗಳು) 32.43 ಸರಾಸರಿಯಲ್ಲಿ 23 ವಿಕೆಟ್‌ಗಳನ್ನು ಪಡೆದಿದ್ದು, ಅಂತಿಮ ಟೆಸ್ಟ್ ಪಂದ್ಯದಲ್ಲಿ 9 ವಿಕೆಟ್ ಪಡೆಯುವ ಮೂಲಕ ಪಂದ್ಯಶ್ರೇಷ್ಠ ಪ್ರಶಸ್ತಿಗೆ ಭಾಜನರಾದರು.

ಇತ್ತೀಚೆಗೆ ನಡೆದ ಚಾಂಪಿಯನ್ಸ್ ಟ್ರೋಫಿಯಿಂದ ಹೊರಗುಳಿದಿದ್ದ ಸಿರಾಜ್, ಮತ್ತೆ ಏಕದಿನ ತಂಡಕ್ಕೆ ಆಯ್ಕೆಯಾಗುವ ವಿಶ್ವಾಸದಲ್ಲಿದ್ದಾರೆ.(ಏಜೆನ್ಸಿಸ್)

https://www.vijayavani.net/shabash-to-our-heroes-shashi-tharoorr-apologises-to-team-india-after-oval-test-win