IPL​​​ನಲ್ಲಿ ಅಬ್ಬರಿಸುತ್ತಿರುವ ನಿಕೋಲಸ್ ಪೂರನ್ ಹಿಂದಿದೆ ಒಂದು ನೋವಿನ ಕತೆ: ಕಷ್ಟದಲ್ಲಿ ಕೈಹಿಡಿದಳು ಪ್ರೇಯಸಿ! Nicholas Pooran

Nicholas Pooran : ವೆಸ್ಟ್​ ಇಂಡೀಸ್​ ತಂಡದ ಸ್ಟಾರ್​ ಆಟಗಾರ ನಿಕೋಲಸ್ ಪೂರನ್ ಪ್ರಸ್ತುತ ನಡೆಯುತ್ತಿರುವ ಐಪಿಎಲ್​ ಟೂರ್ನಿಯಲ್ಲಿ ಅದ್ಭುತ ಬ್ಯಾಟಿಂಗ್ ಪ್ರದರ್ಶನ ನೀಡುತ್ತಿದ್ದಾರೆ. ಲಖನೌ ಸೂಪರ್ ಜೈಂಟ್ಸ್ ತಂಡವನ್ನು ಪ್ರತಿನಿಧಿಸುತ್ತಿರುವ ಪೂರನ್​, ಈವರೆಗೂ ಆಡಿದ ಎರಡೂ ಪಂದ್ಯಗಳಲ್ಲಿಯೂ ಭರ್ಜರಿ ಪ್ರದರ್ಶನ ನೀಡಿದ್ದಾರೆ.

ಡೆಲ್ಲಿ ಕ್ಯಾಪಿಟಲ್ಸ್ ವಿರುದ್ಧದ ಮೊದಲ ಪಂದ್ಯದಲ್ಲಿ ಕೇವಲ 30 ಎಸೆತಗಳಲ್ಲಿ 75 ರನ್ ಗಳಿಸಿದರು. ಇದರಲ್ಲಿ 6 ಬೌಂಡರಿ ಮತ್ತು 7 ಸಿಕ್ಸರ್‌ಗಳು ಸೇರಿವೆ. ನಿನ್ನೆ (ಮಾರ್ಚ್​ 27) ಹೈದರಾಬಾದ್​ನ ರಾಜೀವ್​ ಗಾಂಧಿ ಅಂತಾರಾಷ್ಟ್ರೀಯ ಕ್ರೀಡಾಂಗಣದಲ್ಲಿ ಸನ್‌ರೈಸರ್ಸ್ ಹೈದರಾಬಾದ್ ವಿರುದ್ಧ ನಡೆದ ಪಂದ್ಯದಲ್ಲೂ ಪೂರನ್​ ಸ್ಫೋಟಕ ಆಟ ಪ್ರದರ್ಶಿಸಿದರು. ಕೇವಲ 18 ಎಸೆತಗಳಲ್ಲಿ ಅರ್ಧಶತಕ ಪೂರೈಸಿದರು. ಒಟ್ಟು 26 ಎಸೆತಗಳನ್ನು ಎದುರಿಸಿದ ಅವರು 6 ಬೌಂಡರಿ ಮತ್ತು 6 ಸಿಕ್ಸರ್‌ಗಳ ಸಹಾಯದಿಂದ 70 ರನ್ ಗಳಿಸಿದರು. ಪೂರನ್ ಅವರ ಅದ್ಭುತ ಪ್ರದರ್ಶನದಿಂದ, ಲಖನೌ ತಂಡವು 191 ರನ್‌ಗಳ ಗುರಿಯನ್ನು ಕೇವಲ 16.1 ಓವರ್‌ಗಳಲ್ಲಿ 5 ವಿಕೆಟ್‌ಗಳ ನಷ್ಟಕ್ಕೆ ತಲುಪಿತು.

2020ರ ಡಿಸೆಂಬರ್​ನಲ್ಲಿ ನಡೆದ ಕಾರು ಅಪಘಾತದಲ್ಲಿ ಟೀಮ್ ಇಂಡಿಯಾ ಆಟಗಾರ ರಿಷಭ್ ಪಂತ್ ಗಾಯಗೊಂಡು, ಸಂಪೂರ್ಣ ಚೇತರಿಸಿಕೊಂಡಿದ್ದು ಎಲ್ಲರಿಗೂ ಗೊತ್ತಿದೆ. ಪಂತ್​, ಸುಮಾರು ಒಂದೂವರೆ ವರ್ಷಗಳ ಕಾಲ ಆಟದಿಂದ ದೂರ ಉಳಿದಿದ್ದರು. ಆರೋಗ್ಯ ಚೇತರಿಸಿಕೊಂಡು ಉತ್ತಮ ಇನ್ನಿಂಗ್ಸ್ ಆಡುತ್ತಾ ಮತ್ತೆ ಮೈದಾನಕ್ಕೆ ಮರಳಿದ್ದಾರೆ.

ಇನ್ನು ಪಂತ್‌ಗಿಂತ ಮೊದಲು ನಿಕೋಲಸ್ ಪೂರನ್ ಅವರಿಗೆ ಅಪಘಾತ ಸಂಭವಿಸಿತ್ತು. ಪೂರನ್‌ಗೆ ಆಗ 19 ವರ್ಷ ವಯಸ್ಸು. 2015ರಲ್ಲಿ ಟ್ರಿನಿಡಾಡ್‌ನಲ್ಲಿ ಅವರ ಕಾರು ಅಪಘಾತವಾಗಿತ್ತು. ಈ ವೇಳೆ ಅವರ ಎರಡೂ ಕಾಲುಗಳು ತೀವ್ರವಾಗಿ ಗಾಯಗೊಂಡಿದ್ದವು. ಆರೋಗ್ಯ ಸುಧಾರಣೆಗಾಗಿ ಕ್ರಿಕೆಟ್ ತ್ಯಜಿಸುವಂತೆ ವೈದ್ಯರು ಸಲಹೆ ನೀಡಿದ್ದರು. ಎದ್ದು ನಿಲ್ಲಲೂ ಸಾಧ್ಯವಾಗದ ಕಾರಣ ಕೆಲವು ತಿಂಗಳುಗಳ ಕಾಲ ವೀಲ್‌ಚೇರ್‌ಗೆ ಸೀಮಿತವಾಗಿದ್ದರು. ಎದ್ದು ಓಡಾಡಲು 6 ತಿಂಗಳಲ್ಲಿ ಎರಡು ಶಸ್ತ್ರಚಿಕಿತ್ಸೆಗಳಿಗೆ ಒಳಗಾಗಬೇಕಾಯಿತು. ಆ ಸಮಯದಲ್ಲಿ, ಅವನ ಗೆಳತಿ ಎಲಿಸಾ ಮಿಗುಯೆಲ್, ಪೂರನ್​ ಬೆಂಬಲಕ್ಕೆ ನಿಂತರು. ಇನ್ನು ಪೂರನ್ ಮತ್ತು ಮಿಗುಯೆಲ್​ 2020ರಲ್ಲಿ ಮದುವೆಯಾದರು.

ಇದನ್ನೂ ಓದಿ: ದಯವಿಟ್ಟು ಅದನ್ನು ಕೇಳ್ಬೇಡಿ… ನಗ್ನ ವಿಡಿಯೋ ಸೋರಿಕೆ ಹಿಂದಿನ ಅಸಲಿ ಸತ್ಯ ಬಿಚ್ಚಿಟ್ಟ ಶ್ರುತಿ! Shruti Narayanan

ಪೂರನ್‌ಗೆ ಕ್ರಿಕೆಟ್ ಮೇಲೆ ಸಿಕ್ಕಾಪಟ್ಟೆ ಹುಚ್ಚಿದೆ. ಆಟದ ಮೇಲಿನ ಈ ಪ್ರೀತಿಯೇ ಅವನನ್ನು ಚೇತರಿಸಿಕೊಳ್ಳುವಂತೆ ಮಾಡಿತು. ವೈದ್ಯರ ಸಲಹೆಯ ಹೊರತಾಗಿಯೂ, ಅವನು ಧೈರ್ಯದಿಂದ ಮೈದಾನಕ್ಕೆ ಕಾಲಿಟ್ಟರು. ಅಪಘಾತದ ಒಂದು ವರ್ಷದ ನಂತರ, ಅಂದರೆ 2016 ರಲ್ಲಿ, ಅವನು ವೆಸ್ಟ್ ಇಂಡೀಸ್‌ಗಾಗಿ ಅಂತಾರಾಷ್ಟ್ರೀಯ ಪಂದ್ಯಕ್ಕೆ ಪಾದಾರ್ಪಣೆ ಮಾಡಿದರು ಎಂಬುದು ಗಮನಾರ್ಹ.

ಇಲ್ಲಿಯವರೆಗೆ, ಪೂರನ್​ ವೆಸ್ಟ್ ಇಂಡೀಸ್ ಪರ 61 ಏಕದಿನ ಪಂದ್ಯಗಳಲ್ಲಿ 39.66 ಸರಾಸರಿಯಲ್ಲಿ 1983 ರನ್ ಗಳಿಸಿದ್ದಾರೆ. ಅವರು 106 ಟಿ20 ಪಂದ್ಯಗಳಲ್ಲಿ 26.15 ಸರಾಸರಿಯಲ್ಲಿ 2275 ರನ್ ಗಳಿಸಿದ್ದಾರೆ. ದೇಶಕ್ಕಾಗಿ ಸಾಧಾರಣ ಪ್ರದರ್ಶನ ನೀಡಿದ್ದರೂ, ವಿವಿಧ ದೇಶಗಳಲ್ಲಿ ನಡೆದ ಐಪಿಎಲ್ ಮತ್ತು ಟಿ20 ಲೀಗ್‌ಗಳಲ್ಲಿ ತಮ್ಮ ವಿನಾಶಕಾರಿ ಆಟದ ಮೂಲಕ ಅಭಿಮಾನಿಗಳನ್ನು ರಂಜಿಸುತ್ತಿದ್ದಾರೆ. ಇಲ್ಲಿಯವರೆಗೆ, ಅವರು ಐಪಿಎಲ್‌ನಲ್ಲಿ 78 ಪಂದ್ಯಗಳನ್ನು ಆಡಿದ್ದು, 33.6 ಸರಾಸರಿಯಲ್ಲಿ 1914 ರನ್ ಗಳಿಸಿದ್ದಾರೆ. ಇದರಲ್ಲಿ 11 ಅರ್ಧಶತಕಗಳು ಸೇರಿವೆ.

ಐಪಿಎಲ್​ 2025ರ ಮೆಗಾ ಈವೆಂಟ್‌ಗೆ ಮೊದಲು, ಪೂರನ್​ ಅವರನ್ನು ಲಖನೌ ಸೂಪರ್ ಜೈಂಟ್ಸ್, 21 ಕೋಟಿ ರೂ.ಗೆ ಉಳಿಸಿಕೊಂಡಿತು. ಪೂರನ್ ತಮ್ಮ ಮಿಂಚಿನ ಬ್ಯಾಟಿಂಗ್ ಮೂಲಕ ತಮಗೆ ನೀಡಿದ ಹಣಕ್ಕೆ ನ್ಯಾಯ ಸಲ್ಲಿಸುತ್ತಿದ್ದಾರೆ. (ಏಜೆನ್ಸೀಸ್​)

https://www.vijayavani.net/up-juice-seller-shocked-after-allegedly-receiving-rs-7-crore-income-tax-notice

https://www.vijayavani.net/diabetic-pet-dog-in-mumbai-gets-tech-device-on-body-to-monitor-blood-sugar