ರಾಜ್ಯದ ಏಳು ನಗರಗಳಲ್ಲಿ ವರ್ತಲ ರಸ್ತೆ ಹಾಗೂ ಪಟ್ಟಣಗಳೆರಡರಲ್ಲಿ ಬೈಪಾಸ್ ನಿರ್ವಿುಸಲು ರಾಜ್ಯ ಸರ್ಕಾರ ಮುಂದಾಗಿದೆ. ಇದಕ್ಕಾಗಿ ಕೇಂದ್ರ ಭೂಸಾರಿಗೆ ಸಚಿವಾಲಯದಿಂದ ತ್ವರಿತಗತಿಯಲ್ಲಿ ಅನುಮತಿ ಪಡೆದುಕೊಳ್ಳಲು ಉದ್ದೇಶಿಸಿರುವುದು ವಾಸ್ತವದಲ್ಲಿ ಕಾರ್ಯರೂಪಕ್ಕೆ ಬಂದರೆ ಬೆಳವಣಿಗೆ ಕಾಣುತ್ತಿರುವ ಈ ನಗರಗಳಲ್ಲಿ ಸುಗಮ ಸಂಚಾರಕ್ಕೆ ಅನುಕೂಲವಾಗಲಿದೆ. ಜಿಲ್ಲಾ ಕೇಂದ್ರಗಳಾದ ಕಲಬುರಗಿ, ಗದಗ, ರಾಯಚೂರು, ಹಾವೇರಿ, ಧಾರವಾಡ, ಬೀದರ್, ವಿಜಯಪುರ ನಗರಗಳಲ್ಲಿ ವರ್ತಲ ರಸ್ತೆ ಹಾಗೂ ನರಗುಂದ ಮತ್ತು ನವಲಗುಂದ ಬೈಪಾಸ್ಗೆ ಪ್ರಸಕ್ತ ಹಣಕಾಸು ವರ್ಷದಲ್ಲೇ ಅನುಮತಿ ನೀಡಬೇಕೆಂದು ಕೋರಲಾಗಿದ್ದು, ಶೀಘ್ರದಲ್ಲಿ ಒಪ್ಪಿಗೆ ದೊರೆಯಬಹುದಾಗಿದೆ ಎಂದು ಲೋಕೋಪಯೋಗಿ ಸಚಿವ ಸಿ.ಸಿ.ಪಾಟೀಲ್ ವಿಶ್ವಾಸ ವ್ಯಕ್ತಪಡಿಸಿದ್ದಾರೆ.
