ಗರ್ಗ್ ಅವರ ಪತ್ನಿ ಗರಿಮಾ ಮತ್ತು ಅವರ ಸಹೋದರಿ ಪಾಮ್ ಬೋರ್ಥಕೂರ್ ಮತ್ತು ಗರ್ಗ್ ಚಿಕ್ಕಪ್ಪ ಮನೋಜ್ ಕುಮಾರ್ ಬೋರ್ಥಕೂರ್ ಸಿಐಡಿಗೆ ದೂರು ನೀಡಿದ್ದು, ಸಹಿ ಹಾಕಿರುವ ಪತ್ರವನ್ನು ಶನಿವಾರ (ಸೆ 27) ಸಿಐಡಿಗೆ ಇಮೇಲ್ ಮೂಲಕ ಕಳುಹಿಸಿಲಾಗಿದೆ ಎಂದು ಪಿಟಿಐಗೆ ತಿಳಿಸಿದ್ದಾರೆ. ಈ ಕುರಿತಾಗಿ ಹಿರಿಯ ಪೊಲೀಸ್ ಅಧಿಕಾರಿಯೊಬ್ಬರು ಪ್ರತಿಕ್ರಿಯೆ ನೀಡಿದ್ದು, ನಾವು ಗಾರ್ಗ್ ಅವರ ಕುಟುಂಬದಿಂದ ದೂರು ಸ್ವೀಕರಿಸಿದ್ದೇವೆ, ಅವರ ಸಾವಿನ ಸಂಬಂಧಪಟ್ಟಂತೆ ಸಮಗ್ರ ತನಿಖೆ ನಡೆಸಲಾಗುವುದು ಎಂದರು. ಗರ್ಗ್ ಸಾವಿಗೆ ಸಂಬಂಧಪಟ್ಟಂತೆ ಈಗಾಗಲೇ ಸಿಐಡಿಯ ವಿಶೇಷ ತನಿಖಾ ತಂಡ (ಎಸ್ಐಟಿ) ಈಗಾಗಲೇ ತನಿಖೆ ನಡೆಸುತ್ತಿದೆ, ಈಗ ಕುಟುಂಬವು ಸಲ್ಲಿಸಿದ ದೂರನ್ನು ಸಹ ತಂಡವು ಕೈಗೆತ್ತಿಕೊಳ್ಳಲಿದೆ ಎಂದು ಅವರು ಹೇಳಿದರು. ಭಾನುವಾರ ಗುವಾಹಟಿಯ ಕಹಿಲಿಪಾರ ಪ್ರದೇಶದಲ್ಲಿರುವ ಗಾರ್ಗ್ ಅವರ ನಿವಾಸಕ್ಕೆ ಎಸ್ಐಟಿ ತಂಡ ಭೇಟಿ ನೀಡಿದ್ದು, ನಾವು ಕೆಲವು ವಿಷಯಗಳನ್ನು ಕೇಳಬೇಕಾಗಿತ್ತು ಮತ್ತು ನಮ್ಮ ಅಧಿಕಾರಿಗಳು ಕುಟುಂಬವನ್ನು ಭೇಟಿಯಾದರು. ಅವರ ಹೇಳಿಕೆಗಳನ್ನು ದಾಖಲಿಸಲಾಗುತ್ತಿದೆ ಎಂದು ಅವರು ಹೇಳಿದರು.
