ಸದ್ಯ ದುರ್ಗಾ ಪೂಜೆ ಪ್ರಾರಂಭವಾಗುವುದರಿಂದ, ಈಗಲೇ ಬರಬೇಕೆಂದು ಹೇಳುವುದಿಲ್ಲ, ಆದರೆ, ದಶಮಿಯ ನಂತರ ಅವರು ಬರಲೇಬೇಕು. ಅಕ್ಟೋಬರ್ 6 ರ ಒಳಗೆ ಗುವಾಹಟಿ ಬಂದು ತಮ್ಮ ಹೇಳಿಕೆಗಳನ್ನು ನೀಡಬೇಕು ಎಂದರು. ಒಂದು ವೇಳೆ ಸಿಐಡಿ ತಂಡದ ಮುಂದೆ ಹಾಜರಾಗಲು ಆಗದಿದ್ದರೆ, ನ್ಯಾಯಾಲಯದ ಮೊರೆ ಹೋಗಬಹುದು ಎಂದು ಸ್ಪಷ್ಟಪಡಿಸಿದರು. ಸಾರ್ವಜನಿಕರ ಬೇಡಿಕೆಗಳಿಗನುಗುಣವಾಗಿ, ಅಕ್ರಮ ಚಟುವಟಿಕೆಯ ಆರೋಪಗಳು ಮತ್ತು ಅವರ ಸಾವಿನ ಸುತ್ತಲಿನ ತನಿಖೆಯಲ್ಲಿ ಪಾರದರ್ಶಕತೆಯನ್ನು ಖಚಿತಪಡಿಸಿಕೊಳ್ಳುವ ಸಲುವಾಗಿ ತನಿಖೆಯನ್ನು ಪ್ರಾರಂಭಿಸಲಾಗಿದ್ದು, ಇದಕ್ಕಾಗಿ ಸರ್ಕಾರ ವಿಶೇಷ ಡಿಜಿಪಿ ಎಂ.ಪಿ. ಗುಪ್ತಾ ನೇತೃತ್ವದಲ್ಲಿ ಸಿಐಡಿ ಅಧಿಕಾರಿಗಳನ್ನು ಒಳಗೊಂಡ 10 ಸದಸ್ಯರ ಎಸ್ಐಟಿಯನ್ನು ರಚಿಸಿದೆ.
