‘ಹೇಗೆ ಹೇಳಲಿ? ನನಗೆ ಎಂಟುನೂರು ಜನ್ಮಗಳಾಗಿಹೋಗಿವೆ. ಅನೇಕ ವಿಧದ ದುಃಖಗಳು ನೂರಾರು ಸಂಖ್ಯೆಯಲ್ಲಿ ಆ ಜನ್ಮಗಳಲ್ಲಿ ಇವೆ. ತಕ್ಕಡಿಯ ತಟ್ಟೆಯು ಒಮ್ಮೆ ಮೇಲಕ್ಕೆ ಹೋಗುತ್ತದೆ, ಇನ್ನೊಮ್ಮೆ ಕೆಳಕ್ಕೆ ಬರುತ್ತದೆ. ಹಾಗೆ ಕೆಲವು ಉತ್ತಮ ಜನ್ಮಗಳು ಕೆಲವು ಅಧಮಗಳು, ಹೀಗೆ ಮೇಲೆ-ಕೆಳಗೆ ಸುತ್ತಿದ್ದರಿಂದ ಶ್ರಮಗೊಂಡಿದ್ದೇನೆ (ವ್ಯಾಕುಲಗೊಂಡಿದ್ದೇನೆ). ಗಾಳಿಯು ಯಾವ ದಿಕ್ಕಿನೆಡೆ ಬೀಸುತ್ತಿದೆಯೋ, ಆ ಕಡೆಗೆ ಸಾಗುವ ‘ವಾತಮೃಗ’ (ಒಂದು ಜಾತಿಯ ಮೃಗ) ದಂತೆ, ಸಂಸಾರವೆಂಬ ದೀರ್ಘನದಿಯ ಚಂಚಲ ತರಂಗಗಳು ಯಾವ ಕಡೆ ಸೆಳೆದುಹೋಗಿವೆಯೋ, ಆ ಕಡೆ ಸಾಗುತ್ತ ಅನೇಕ ಜನ್ಮಗಳಲ್ಲಿ ಸುತ್ತಿ ವ್ಯಾಕುಲಗೊಂಡಿದ್ದೇನೆ.’ ಇಲ್ಲಿಗೆ 27-ನೆಯ ಸರ್ಗ ಮುಗಿದು 28-ನೆಯ ಸರ್ಗ ಪ್ರಾರಂಭವಾಗುತ್ತಿದೆ.
