ಇದೇ ನೋಡಿ ವಿಶ್ವದ ದುಬಾರಿ ನಂಬರ್‌ ಪ್ಲೇಟ್; 122 ಕೋಟಿ ರೂ. ನೀಡಿ ಕಾರಿನ ನಂಬರ್ ಪ್ಲೇಟ್ ಖರೀದಿಸಿದ ವ್ಯಕ್ತಿ!

ದುಬೈ: ದುಬಾರಿ ಐಷಾರಾಮಿ ಕಾರುಗಳನ್ನು ಖರೀದಿಸಲು ಜನರು ಕೋಟ್ಯಂತರ ರೂಪಾಯಿಗಳನ್ನು ನೀಡುವುದನ್ನು ನೀವು ನೋಡಿರಬೇಕು. ಜನರು ತಮ್ಮ ಕನಸಿನ ಕಾರುಗಳನ್ನು ಖರೀದಿಸಲು ಅನಂತವಾಗಿ ಹಣವನ್ನು ಖರ್ಚು ಮಾಡುತ್ತಾರೆ. ಆದರೆ ಒಬ್ಬ ವ್ಯಕ್ತಿಯು ಕಾರಿನ ನಂಬರ್ ಪ್ಲೇಟ್‌ಗೆ ಎಷ್ಟು ಖರ್ಚು ಮಾಡಬಹುದು ಎಂದು ನೀವು ಊಹಿಸಬಲ್ಲಿರಾ? ಪ್ರಪಂಚದಲ್ಲಿ ಕೆಲವರು ದುಬಾರಿ ಕಾರುಗಳನ್ನು ಖರೀದಿಸಲು ಆಸಕ್ತಿ ಹೊಂದಿರುವುದಿಲ್ಲ. ಆದರೆ ತಮ್ಮ ಕಾರಿನ ನಂಬರ್ ಪ್ಲೇಟ್‌ಗಾಗಿ ಕೋಟಿಗಳಲ್ಲಿ ಪಾವತಿಸಲು ಸಿದ್ಧರಿದ್ದಾರೆ. ಶನಿವಾರ ವಿಶ್ವದ ಅತ್ಯಂತ ದುಬಾರಿ ಕಾರಿನ ನಂಬರ್ ಪ್ಲೇಟ್ ಅನ್ನು 122 ಕೋಟಿ ರೂಪಾಯಿಗೆ ಮಾರಾಟ ಮಾಡಿ ಗಿನ್ನಿಸ್ ದಾಖಲೆ ಬರೆದ ಘಟನೆ ನಡೆದಿದೆ.

ಕಾರು, ಬೈಕ್​ ಹಾಗೂ ಮೊಬೈಲ್​​ ಖರೀದಿ ವೇಳೆ ಫ್ಯಾನ್ಸಿ ನಂಬರ್ ಬೇಕು ಎಂದು ಲಕ್ಷಾಂತರ ರೂಪಾಯಿ ಹಣವನ್ನು ಕೊಟ್ಟು ಖರೀದಿ ಮಾಡುವವರ ಸುದ್ದಿ ಓದಿದ್ದೇವೆ. ಆದರೆ ಇಲ್ಲೊಬ್ಬ P7' ಕಾರಿನ ನಂಬರ್ ಪ್ಲೇಟ್ ಪಡೆಯಲು 122 ಕೋಟಿ ರೂಪಾಯಿ ನೀಡುವ ಮೂಲಕವಾಗಿ ಸುದ್ದಿಯಾಗಿದ್ದಾರೆ.

ಶನಿವಾರ ರಾತ್ರಿ ದುಬೈನಲ್ಲಿ ನಡೆದ 'ಮೋಸ್ಟ್ ನೋಬಲ್ ನಂಬರ್ಸ್' ಚಾರಿಟಿ ಹರಾಜಿನಲ್ಲಿ 15 ಮಿಲಿಯನ್ ದಿರ್ಹಮ್‌ಗೆ ಬಿಡ್ಡಿಂಗ್ ಆರಂಭವಾಯಿತು. ಮೋಸ್ಟ್ ನೋಬಲ್ ನಂಬರ್'ಗಳ ಹರಾಜಿನಲ್ಲಿ ಕಾರಿನ ನಂಬರ್ ಪ್ಲೇಟ್ P7 ದಾಖಲೆಯ 55 ಮಿಲಿಯನ್ ದಿರ್ಹಮ್‌ಗಳಿಗೆ (ಸುಮಾರು 1,22,61,44,700 ರೂ.) ಮಾರಾಟವಾಗಿದೆ. ದುಬೈನಲ್ಲಿ ಫ್ಯಾನ್ಸಿ ಕಾರ್ ನಂಬರ್​ ಹರಾಜಿಗಿಡಲಾಗಿದ್ದು, ಅದು ಬರೋಬ್ಬರಿ 122 ಕೋಟಿ ರೂಪಾಯಿಗೆ ಮಾರಾಟವಾಗಿ ಅಚ್ಚರಿ ಮೂಡಿಸಿದೆ. ಅನಾಮಿಕ ವ್ಯಕ್ತಿಯೊಬ್ಬ ಈ ಮೊತ್ತಕ್ಕೆ ಬಿಡ್​ ಮಾಡಿದರು. ಆದರೆ ಅವರು ತಮ್ಮ ಹೆಸರನ್ನು ಬಹಿರಂಗಪಡಿಸಲಿಲ್ಲ.

ಜುಮೇರಾದಲ್ಲಿನ ಫೋರ್ ಸೀಸನ್ಸ್ ಹೋಟೆಲ್‌ನಲ್ಲಿ ನಡೆದ ಕಾರ್ಯಕ್ರಮದಲ್ಲಿ ಹಲವಾರು ಇತರ ವಿಐಪಿ ನಂಬರ್ ಪ್ಲೇಟ್‌ಗಳು ಮತ್ತು ಫೋನ್ ಸಂಖ್ಯೆಗಳನ್ನು ಸಹ ಹರಾಜು ಮಾಡಲಾಯಿತು. ಹರಾಜಿನಿಂದ ಸುಮಾರು 100 ಮಿಲಿಯನ್ ದಿರ್ಹಮ್ ($27 ಮಿಲಿಯನ್) ಸಂಗ್ರಹಿಸಲಾಗಿದೆ, ಇದನ್ನು ರಂಜಾನ್ ಸಮಯದಲ್ಲಿ ಜನರಿಗೆ ಆಹಾರಕ್ಕಾಗಿ ನೀಡಲಾಗುತ್ತದೆ. ಈವೆಂಟ್ ಅನ್ನು ಎಮಿರೇಟ್ಸ್ ಹರಾಜು, ದುಬೈನ ರಸ್ತೆಗಳು ಮತ್ತು ಸಾರಿಗೆ ಪ್ರಾಧಿಕಾರ ಮತ್ತು ದೂರಸಂಪರ್ಕ ಕಂಪನಿಗಳಾದ ಎಟಿಸಲಾಟ್ ಮತ್ತು ಡು ಆಯೋಜಿಸಿದ್ದವು.

ಇದನ್ನೂ ಓದಿ: VIDEO | ಮಲ್ಲಿಗೆ ಹೂವಿನ ಸ್ಕರ್ಟ್​​ ತೊಟ್ಟು ಕಾಣಿಸಿಕೊಂಡ ಉರ್ಫಿ ಜಾವೇದ್!

https://www.vijayavani.net/hospital-issues-death-certificate-of-new-born-child-buried-alive-later-dies/