ಅಮೆಜಾನ್​​ ಪಾರ್ಸೆಲ್​ ತೆರೆದ ತಕ್ಷಣ ವಾಂತಿ ಮಾಡಿಕೊಂಡ ಮಹಿಳೆ! ಅಸಲಿಗೆ ಬಾಕ್ಸ್​ನಲ್ಲಿ ಅಂತಹದ್ದೇನಿತ್ತು? | Amazon Parcel

ಪ್ರಸ್ತುತ ಸ್ಮಾರ್ಟ್​ಫೋನ್​ ಯುಗದಲ್ಲಿ ಎಲ್ಲವೂ ಈಗ ಅತ್ಯಂತ ಸರಳ, ವೇಗ. ಅದರಲ್ಲೂ ಆಧುನಿಕ ತಂತ್ರಜ್ಞಾನದ ಚಮತ್ಕಾರದಿಂದ ಆನ್​ಲೈನ್​ ಶಾಪಿಂಗ್​ಗಳ ಭರಾಟೆ ಕೂಡ ಜೋರಾಗಿದೆ. ವಿಶೇಷವಾಗಿ ಯುವಜನತೆ ಇಂತಹ ಶಾಪಿಂಗ್​ ಆ್ಯಪ್​ಗಳ ಮೊರೆ ಹೋಗಿದ್ದು, ತಮಗಿಷ್ಟವಾದ ವಸ್ತುಗಳನ್ನು ಕುಳಿತ ಜಾಗಕ್ಕೆ ಬುಕ್ ಮಾಡಿ, ತರಿಸಿಕೊಳ್ಳುತ್ತಾರೆ. ಇದು ಅವರ ಆನಂದವನ್ನು ಮಾತ್ರ ಹೆಚ್ಚಿಸುವುದಲ್ಲದೇ, ಆರ್ಡರ್​ ಮಾಡಿದ ಐಟಂ ಬರುವ ತನಕ ಉತ್ಸಾಹದ ಚಿಲುಮೆ ಉಳಿದಿರುವಂತೆ ಮಾಡುತ್ತದೆ. ಆದರೆ, ಕೆಲವೊಮ್ಮೆ ಆರ್ಡರ್​ ಮಾಡಿದ ವಸ್ತು ಬದಲಿಗೆ ಯಾವುದೋ ಸಂಬಂಧವಿಲ್ಲದ ವಸ್ತುಗಳು ಡೆಲಿವರಿ ಆಗಿರುತ್ತದೆ. ಇದು ಗ್ರಾಹಕರ ಆಕ್ರೋಶಕ್ಕೆ ಕಾರಣವಾಗುತ್ತೆ. ಇಂತಹದ್ದೇ ಘಟನೆಯೊಂದು ಇದೀಗ ಬೆಳಕಿಗೆ ಬಂದಿದ್ದು, ಮಹಿಳೆ ಪಡೆದ ಬಾಕ್ಸ್​ನಲ್ಲಿ (Amazon Parcel) ವಸ್ತು ಅದಲು-ಬದಲು ಅನ್ನೋದಕ್ಕಿಂತ ವಾಂತಿ ತರಿಸುವಂತ ಕೆಟ್ಟ ದೃಶ್ಯವೊಂದು ಕಂಡುಬಂದಿರುವುದು ಸದ್ಯ ನೆಟ್ಟಿಗರನ್ನು ಅಚ್ಚರಿಗೆ ದೂಡಿದೆ.

ಇದನ್ನೂ ಓದಿ: ನಾನು ಆಂಬ್ಯುಲೆನ್ಸ್ ನಲ್ಲಿ ಬಂದಿಲ್ಲ – ಕಾಂಗ್ರೆಸ್ ನಾಯಕರಿಗೆ ತಿರುಗೇಟುಕೊಟ್ಟ ಎಚ್ಡಿಡಿ

ಸೈಕಲ್​ಗೆ ಒಂದೊಳ್ಳೆ ಚೆಂದ ಹೆಲ್ಮೆಟ್​ ಆರ್ಡರ್​ ಮಾಡೋಣ ಎಂದು ಬುಕ್ ಮಾಡಿದ್ದ ರೇಚಲ್​ ಮ್ಯಾಕ್ ಆಡಮ್ಸ್ ಎಂಬ ಮಹಿಳೆ, ಎಲ್ಲರಂತೆ ತಾನು ಕೂಡ ವಸ್ತುವಿನ ಡೆಲಿವರಿಗೆ ಕಾತರದಿಂದ ಕಾಯುತ್ತಿದ್ದರು. ಇದೇ ವೇಳೆ ಮನೆಯ ಬಾಗಿಲಿಗೆ ಬಂದ ಡೆಲಿವರಿಯನ್ನು ಒಳಗೆ ತಂದ ಆಕೆ, ಬಹಳ ಉತ್ಸಾಹದಿಂದ ಬಾಕ್ಸ್​ ತೆರೆದಿದ್ದಾಳೆ. ಈ ವೇಳೆ ಒಳಗಿನಿಂದ ಕೆಟ್ಟ ವಾಸನೆ ಬಂದಿದೆ, ಇನ್ನೇನು ಅದರೊಳಗೆ ಏನಿದೆ ಎಂಬುದನ್ನು ನೋಡುವಷ್ಟರಲ್ಲಿಯೇ ಕೇವಲ ದರ್ವಾಸನೆಗೆ ಮಹಿಳೆ ವಾಂತಿ ಮಾಡಿಕೊಂಡಿದ್ದಾಳೆ.

ಅಸಲಿಗೆ ಬಾಕ್ಸ್​ನಲ್ಲಿ ಏನೋ ಕೊಳೆತ ವಸ್ತುವಿರಬೇಕು ಅಥವಾ ಏನೋ ಸತ್ತಿರಬೇಕು ಎಂದು ಮಹಿಳೆ ಅನುಮಾನ ವ್ಯಕ್ತಪಡಿಸಿದ್ದಾರೆ, ವಾಂತಿ ಮಾಡಿಕೊಂಡ ನಂತರ ಧೈರ್ಯ ಮಾಡಿ, ಅದರೊಳಗೆ ಏನಿದೆ ಎಂದು ಇಣುಕಿ ನೋಡಿದ ಆಕೆಗೆ ಕಂಡಿದ್ದು, ಬ್ರೆಡ್​ ಚೂರುಗಳು, ಇಲಿ ಹಿಕ್ಕೆಗಳು ಮತ್ತು ಅರ್ಧ ಕೊಳೆತ ಇಲಿ ದೇಹ. ತಕ್ಷಣವೇ ಈ ಘಟನೆ ಬಗ್ಗೆ ಅಮೆಜಾನ್​ ಸಂಸ್ಥೆಗೆ ದೂರು ನೀಡಿದ್ದಾರೆ.

ಹೊಟ್ಟೆಗೆ ಊಟ ಸೇರಲಿಲ್ಲ

ದೂರಿನಲ್ಲಿ ರೇಚಲ್​, "ನಾನು ಮೂರ್ಛೆ ಹೋದೆ ಎಂದೇ ಭಾವಿಸಿದೆ. ಬಾಕ್ಸ್​ ನೋಡ್ತಿದ್ದಂತೆ ನಾನೇನು ಮುಟ್ಟಲಿಲ್ಲ. ಆ ಕೆಟ್ಟ ದೃಶ್ಯ ಕಂಡು ರಾತ್ರಿ ನನ್ನ ಹೊಟ್ಟೆಗೆ ಊಟ ಸೇರಲಿಲ್ಲ ಎಂದು ಅಳಲು ತೋಡಿಕೊಂಡಿದ್ದಾರೆ. ಗ್ರಾಹಕಿಗೆ ಕ್ಷಮೆಯಾಚಿಸಿದ ಸಂಸ್ಥೆ, ಮತ್ತೊಮ್ಮೆ ಈ ರೀತಿಯ ತಪ್ಪುಗಳು ನಮ್ಮಿಂದ ಆಗುವುದಿಲ್ಲ ಎಂದು ಸ್ಪಷ್ಟಪಡಿಸಿದೆ,(ಏಜೆನ್ಸೀಸ್).

https://www.vijayavani.net/simple-tips-to-stop-battery-drian