ಅಯ್ಯೋ ಇದೆಂಥಾ ನಿರ್ಧಾರ? ಅತ್ತೆ ಮಾಡಿದ ಎಡವಟ್ಟಿಗೆ ಪತಿಗೆ ಕಾಡಿದ ಪತ್ನಿ!

ಆಗ್ರಾ: ಗಂಡ-ಹೆಂಡತಿ ಮಧ್ಯೆ ಅತ್ತೆ ಅಥವಾ ಮಾವನ ವಿಚಾರ ಕುರಿತು ಜಟಾಪಟಿ ನಡೆಯುವುದು ತೀರ ಸಾಮಾನ್ಯ ಎಂದೇ ಹೇಳಬಹುದು. ಎಲ್ಲರ ಮನೆ ದೋಸೆನೂ ತೂತು ಎನ್ನುವ ರೀತಿ ಇಂತಹ ಸಮಸ್ಯೆಗಳು ಹಲವರ ಮನೆಯಲ್ಲಿ ಇಂದಿಗೂ ನಡೆಯುತ್ತಲೇ ಇರುತ್ತದೆ. ಪತಿ-ಪತ್ನಿಯರ ಮಧ್ಯೆ ನಡೆಯುವ ಜಗಳ ಉಂಡು ಮಲಗೋ ತನಕ ಎಂದು ಹಿರಿಯರು ಹೇಳುತ್ತಾರೆ. ಆದ್ರೆ, ಇಲ್ಲಿ ನಡೆದಿರುವ ಘಟನೆ ಉಂಡು ಮಾರನೇ ದಿನವಾದರೂ ಮುಗಿಯದೆ ದೊಡ್ಡ ತೊಂದರೆಯಾಗಿ ಮಾರ್ಪಟ್ಟಿರುವುದು ಹಲವರಿಗೆ ಭಾರೀ ಆಶ್ಚರ್ಯ ಮೂಡಿಸಿದೆ.

ಇದನ್ನೂ ಓದಿ: 19 ವಯೋಮಿತಿಯ ಐಸಿಸಿ ಏಕದಿನ ವಿಶ್ವಕಪ್​ನಲ್ಲಿ ಭಾರತ ಕಿರಿಯರಿಗೆ ಇಂದು ಕಿವೀಸ್​ ಸವಾಲು

ಯಪ್ಪಾ! ಇಂತಹ ಸಣ್ಣ-ಪುಟ್ಟ ವಿಷಯಗಳಿಗೂ ಈ ರೀತಿ ನಿರ್ಧಾರ ಕೈಗೊಳ್ಳುತ್ತಾರಾ? ಇದು ದುಡುಕಿ ಮಾಡಿರುವುದಾ? ಅಥವಾ ನೊಂದು ಮಾಡಿದ್ದಾ? ಎಂಬುದೇ ಅನೇಕರಿಗೆ ಅನುಮಾನ! ಅಷ್ಟಕ್ಕೂ ಈ ಮಹಿಳೆ ಮಾಡಿದ್ದಾದರೂ ಏನು? ಎಂಬುದರ ವಿವರ ಹೀಗಿದೆ ನೋಡಿ..

ಗಂಡನ ತಾಯಿ ತನ್ನ ಅನುಮತಿಯಿಲ್ಲದೆ ಮೇಕ್ಅಪ್ ಬಳಸಿದ ವಿಷಯ ತಿಳಿದ ಮಹಿಳೆ ತೀವ್ರ ಅಸಮಾಧಾನ ಹೊರಹಾಕಿದ್ದು, ಈ ವಿಚಾರಕ್ಕೆ ಅತ್ತೆಯೊಂದಿಗೆ ತೀವ್ರ ಜಟಾಪಟಿ ನಡೆಸಿದ್ದಾರೆ. ಜಗಳ ಆಡಿದಳು ಎಂಬ ಕಾರಣಕ್ಕೆ ನನ್ನನ್ನು ಹಾಗೂ ನನ್ನ ಸಹೋದರಿಯನ್ನು ಪತಿ ಮನೆಯಿಂದ ಹೊರಹಾಕಿದರು ಎಂದು ಆರೋಪಿಸಿದ ಈಕೆ, ಗಂಡನಿಂದ ವಿಚ್ಛೇದನ ಕೋರಿ ಕೋರ್ಟ್​ ಮೆಟ್ಟಿಲೇರಿದ್ದಾರೆ. ಈ ಘಟನೆ ಉತ್ತರಪ್ರದೇಶದ ಆಗ್ರಾದಲ್ಲಿ ವರದಿಯಾಗಿದೆ.

ಇದನ್ನೂ ಓದಿ: ಮೊದಲ ಪಂದ್ಯ ಸೋಲಿನ ನಡುವೆ ಟೀಮ್​ ಇಂಡಿಯಾಗೆ ಬರೆ: ಎರಡನೇ ಟೆಸ್ಟ್​ನಿಂದ ಹೊರಬಿದ್ದ ಸ್ಟಾರ್​ ಆಟಗಾರರು

ನನ್ನ ಅತ್ತೆ ನಾನು ಮನೆಯಲ್ಲಿ ಇಲ್ಲದ ಸಮಯ ನೋಡಿ ಡ್ರೆಸ್ ಮತ್ತು ಮೇಕಪ್ ಹಾಕಿಕೊಳ್ಳುತ್ತಿದ್ದರು. ಅದನ್ನು ಪ್ರಶ್ನಿಸಿದ್ದಕ್ಕೆ ಪತಿ ಹೊಡೆದಿದ್ದಾರೆ. ನನಗೆ ಅವರಿಂದ ವಿಚ್ಛೇದನ ಬೇಕು ಎಂದು ಮಹಿಳೆ ಮಲ್ಪುರ ಪೊಲೀಸ್ ಠಾಣೆ ಮೆಟ್ಟಿಲೇರಿದ್ದಾಳೆ ಎಂದು ವರದಿ ಉಲ್ಲೇಖಿಸಿದೆ,(ಏಜೆನ್ಸೀಸ್).

https://www.vijayavani.net/ashika-ranganath-gets-offers-in-telugu