ಹದಿನೆಂಟು ವರ್ಷಕ್ಕೆ ಮೇಲ್ಪಟ್ಟ ವಯಸ್ಸಿನ ಮಕ್ಕಳು ತಂದೆ/ತಾಯಿ ಅಥವಾ ಯಾರ ಹತ್ತಿರವಾದರೂ ಇರಬಹುದು. ಅದು ವಯಸ್ಕ ಮಕ್ಕಳ ಸ್ವ ಇಚ್ಛೆಗೆ ಸಂಬಂಧಪಟ್ಟ ವಿಷಯ. ನನ್ನ ಹತ್ತಿರವೇ ಇರಬೇಕು ಎಂದು ನೀವು ಪ್ರಕರಣ ದಾಖಲಿಸಲು ಆಗುವುದಿಲ್ಲ. ನೀವು ಬೇಕಿದ್ದರೆ, ನಿಮ್ಮ ತಾಲ್ಲೂಕಿನ ನ್ಯಾಯಾಲಯದಲ್ಲಿ ಮಧ್ಯಸ್ಥಿಕೆ ಕೇಂದ್ರ ಎಂದು ಇರುತ್ತದೆ. ಅಲ್ಲಿ ನೀವು ಒಂದು ಅರ್ಜಿ ಕೊಡಿ. ನನಗೂ ನನ್ನ ವಿಚ್ಛೇದಿತ ಪತಿಗೂ ಮಧ್ಯೆ ನಮ್ಮ ಮಗನ ವಿಷಯದಲ್ಲಿ ಕೆಲವು ಸಮಸ್ಯೆಗಳು ಇವೆ. ಅದನ್ನು ವ್ಯಾಜ್ಯ ಪೂರ್ವ ಮಧ್ಯಸ್ಥಿಕೆ/ಪಿ.ಎಲ್.ಎಂ ಮೂಲಕ ಪರಿಹರಿಸಿ ಕೊಡಿ ಎಂದು ಕೇಳಿಕೊಳ್ಳಿ. ಅಲ್ಲಿ ನಿಮ್ಮನ್ನೂ ನಿಮ್ಮ ಪತಿಯನ್ನೂ ಕರೆಯಿಸಿ ಮಾತಾಡಿದ ಮೇಲೆ ನೀವಿಬ್ಬರೂ ಸೇರಿ ಮಗನ ಬಗ್ಗೆ ಒಂದು ತೀರ್ವನಕ್ಕೆ ಬರಲು ಸಾಧ್ಯವಾಗಬಹುದು. ಕೇಸು ಹಾಕಿದರೆ ನಿಲ್ಲುವುದಿಲ್ಲ.
