ಫಿನಾಲೆ ಹತ್ತಿರವಾದರೂ ಬದಲಾಗ್ತಿಲ್ಲ ವಿಜೇತರ ಹೆಸರು! ಈಗಲೂ ವಿನ್ನರ್​ ಇವರೇ ಅಂತಿದ್ದಾರೆ ವೀಕ್ಷಕರು

ಬೆಂಗಳೂರು: ಕನ್ನಡದ ಅತೀ ದೊಡ್ಡ ರಿಯಾಲಿಟಿ ಶೋ ಎಂದು ಹೇಳಲಾದ ಬಿಗ್ ಬಾಸ್​ ಸೀನಸ್​ 10ರ ಟಾಪ್ ಆರು ಸ್ಪರ್ಧಿಗಳು ಇದೀಗ ಯಶಸ್ವಿ 16 ವಾರಗಳನ್ನು ಪೂರೈಸಿ ಫಿನಾಲೆಯತ್ತ ಸಾಗುತ್ತಿದ್ದಾರೆ. ಈ ಮಧ್ಯೆ ತಮ್ಮ ಗೆಲುವಿಗಾಗಿ ಇತರೆ ಸದಸ್ಯರೊಂದಿಗೆ ಭಾರೀ ಹಣಾಹಣಿ ನಡೆಸುತ್ತಿರುವ ಕಂಟೆಸ್ಟೆಂಟ್​ಗಳ ಪೈಕಿ ಎಲ್ಲರೂ ಕೂಡ ಟ್ರೋಫಿ ಗೆಲ್ಲಲು ಅರ್ಹರಾಗಿದ್ದಾರೆ ಎಂಬುದು ಸದ್ಯ ಹೊರಗಿನ ಮಾತಾಗಿದೆ.

ಇದನ್ನೂ ಓದಿ: ಅಯೋಧ್ಯೆ ರಾಮ ಮಂದಿರಕ್ಕೆ ಅತಿ ಹೆಚ್ಚು ದೇಣಿಗೆ ನೀಡಿದವರು ದೊಡ್ಡ ಉದ್ಯಮಿ ಅಲ್ಲವೇ ಅಲ್ಲ, ಮತ್ಯಾರು?

ಸ್ನೇಹ, ಪ್ರೀತಿ, ಜಗಳ, ಮನಸ್ತಾಪಗಳ ನಡುವೆ 16 ವಾರಗಳನ್ನು ಯಶಸ್ವಿಯಾಗಿ ಕಳೆದಿರುವ ಆರು ಸದಸ್ಯರು ಮಾತ್ರ ತಾವು ಸುದೀಪ್ ಅವರ ಪಕ್ಕ ನಿಲ್ಲಲೇಬೇಕು, ನಿಲ್ಲುವುದರ ಜತೆಗೆ ಸೀಸನ್​ ಟ್ರೋಫಿಗೆ ಮುತ್ತಿಕ್ಕಲೇಬೇಕು ಎಂದು ಕನಸು ಕಾಣುತ್ತಿದ್ದಾರೆ. ಇದೆಲ್ಲದರ ನಡುವೆ ಸದ್ಯ ಸೀಸನ್​ 10ರ ಪಟ್ಟ ಯಾರಿಗೆ ಎಂಬ ಲೆಕ್ಕಾಚಾರಗಳು ಸದ್ಯ ಬಿರುಸಿನಿಂದ ಸಾಗುತ್ತಿದ್ದು, ಪ್ರಥಮ ಬಾರಿಗೆ ವೀಕ್ಷಕರೇ ಭಾರೀ ಗೊಂದಲಕ್ಕೆ ತುತ್ತಾಗಿರುವುದು ಕಂಡುಬಂದಿದೆ.

ಕಾರಣ, ಪ್ರತಿ ಬಿಗ್ ಬಾಸ್​ ಸೀಸನ್​ ಅಂತಿಮ ಹಂತ ತಲುಪುವಷ್ಟರಲ್ಲಿ ವೀಕ್ಷಕರು ಇವರು ಖಂಡಿತ ಗೆಲ್ಲುತ್ತಾರೆ. ಇವರಿಗೆ ಬಿಗ್ ಬಾಸ್​ ಟ್ರೋಫಿ ಫಿಕ್ಸ್​ ಎಂದು ತಮ್ಮಲ್ಲೇ ನಿರ್ಧರಿಸುತ್ತಾರೆ. ಆದ್ರೆ, ಇದೇ ಮೊದಲ ಬಾರಿಗೆ ಯಾರು ಗೆಲುವಿನ ಕಿರೀಟವನ್ನು ತಮ್ಮ ಮುಡಿಗೇರಿಸಿಕೊಳ್ಳುತ್ತಾರೆ ಎಂಬುದನ್ನು ಊಹಿಸುವುದು ಕಷ್ಟಕರವಾಗಿದೆ.

ಇದನ್ನೂ ಓದಿ: 75ನೇ ವರ್ಷದ ಗಣರಾಜ್ಯೋತ್ಸವ ಸಂಭ್ರಮ; ಇದೇ ಮೊದಲ ಬಾರಿಗೆ ಕರ್ತವ್ಯ ಪಥದಲ್ಲಿ ಹೆಜ್ಜೆ ಹಾಕಿದ ಮಹಿಳಾ ಪೊಲೀಸರು

ಕಳೆದ ವಾರ ಫಿನಾಲೆ ವಾರ ತಲುಪಲು ಕೇವಲ ಐವರಿಗೆ ಮಾತ್ರ ಸ್ಥಾನ ಎಂದು ಹೇಳಲಾಗಿತ್ತು. ಈ ವೇಳೆ ಎಲ್ಲರ ನಿರೀಕ್ಷೆ ತಲೆಕೆಳಗಾಗಿದ್ದು ಕೇವಲ ನಮ್ರತಾ ಅವರ ಎಲಿಮಿನೇಷನ್​! ಫಿನಾಲೆ ಓಟದಿಂದ ನಮ್ರತಾ ಹೊರಬೀಳುತ್ತಿದ್ದಂತೆ ಕಾರ್ತಿಕ್​ ಸೇವ್ ಆಗಿ ಫೈನಲ್ ಹಣಾಹಣಿ ನಡೆಸಲು ಮತ್ತೊಂದು ಅವಕಾಶ ಗಿಟ್ಟಿಸಿಕೊಂಡರು. ಇದು ವೀಕ್ಷಕರಿಗೆ ಭಾರೀ ಶಾಕ್ ನೀಡಿತು. ಕಾರಣ ಇಷ್ಟು ಸೀಸನ್​ನಲ್ಲಿ ಫಿನಾಲೆ ವಾರದಲ್ಲಿ ಕೇವಲ ಐವರು ಮಾತ್ರ ಸೆಣಸಾಡುತ್ತಿದ್ದರು. ಆದರೆ ಇದೇ ಮೊದಲ ಬಾರಿಗೆ ಆರು ಮಂದಿ ಎಂಟ್ರಿ ಕೊಟ್ಟಿರುವುದು.

ಸದ್ಯ ಸಾಮಾಜಿಕ ಜಾಲತಾಣಗಳಲ್ಲಿ ಕಳೆದ ವಾರದಿಂದಲೂ ಫಿನಾಲೆಯಲ್ಲಿ ಕಾರ್ತಿಕ್​, ಸಂಗೀತಾ ಮತ್ತು ಪ್ರತಾಪ್ ಇರಲಿದ್ದಾರೆ ಎಂಬ ಊಹೆಗಳು ಸಿಕ್ಕಾಪಟ್ಟೆ ಸದ್ದು ಮಾಡುತ್ತಿವೆ. ಇದೆಲ್ಲದರ ನಡುವೆ ಸುದೀಪ್ ಅವರ ಅಕ್ಕ-ಪಕ್ಕ ಕಾರ್ತಿಕ್ ಮತ್ತು ಪ್ರತಾಪ್ ಕಾಣಿಸಿಕೊಳ್ಳಲಿದ್ದು, ವಿಜೇತರಾಗಿ ಪ್ರತಾಪ್ ಹೊರಹೊಮ್ಮಲಿದ್ದಾರೆ ಎಂದು ವ್ಯಾಪಕವಾಗಿ ಅಭಿಪ್ರಾಯಿಸುತ್ತಿದ್ದಾರೆ. ನೆಟ್ಟಿಗರ ಗೆಸ್​ಗಳು ನಿಜವಾಗಲಿದೆಯೇ? ಅಸಲಿಗೆ ಸೀಸನ್​ 10ರ ವಿನ್ನರ್ ಯಾರಾಗಲಿದ್ದಾರೆ? ಎಂಬುದನ್ನು ಸದ್ಯ ಕಾದು ನೋಡಬೇಕಿದೆ.

https://www.vijayavani.net/why-rent-agreement-made-only-for-11-months-know-here