ಹೆರಿಗೆ ವೇಳೆ ಮಹಿಳೆಯರು ಸಾಯುವ ಅಪಾಯ ಹೆಚ್ಚು: ಡಬ್ಲ್ಯುಎಚ್​ಒ ಆಘಾತಕಾರಿ ವರದಿ

ನವದೆಹಲಿ: ವಿಶ್ವ ಆರೋಗ್ಯ ಸಂಸ್ಥೆ (ಡಬ್ಲ್ಯುಎಚ್​ಒ) ಯು ಆಘಾತಕಾರಿ ವರದಿಯೊಂದನ್ನು ಬಹಿರಂಗಪಡಿಸಿದ್ದು, ಅಭಿವೃದ್ಧಿ ಹೊಂದುತ್ತಿರುವ ರಾಷ್ಟ್ರಗಳಲ್ಲಿ ಹೆಚ್ಚಾಗುತ್ತಿರುವ ಸಾಂಕ್ರಾಮಿಕ ರೋಗವು ಅನೇಕ ತೊಂದರೆಗಳಿಗೆ ಕಾರಣವಾಗಲಿದ್ದು, ಹೆರಿಗೆ ಸಮಯದಲ್ಲಿ ಮಹಿಳೆಯರು ಸಾಯುವ ಅಪಾಯ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಹೇಳಿದೆ.

ಡಬ್ಲ್ಯುಎಚ್​ಒ ಸಾಮಾನ್ಯ ಕಾರ್ಯದರ್ಶಿ ಟೆಡ್ರೋಸ್​ ಅಧಾನಮ್​ ಘೆಬ್ರೆಯೆಸಸ್ ಶುಕ್ರವಾರ ನಡೆದ ಸುದ್ದಿಗೋಷ್ಠಿಯಲ್ಲಿ ಮಾತನಾಡಿ, ಆರೋಗ್ಯ ಸೇವೆಗಳನ್ನು ಪಡೆಯುವಲ್ಲಿ ಹೆಣಗಾಡುತ್ತಿರುವವರ ಮೇಲೆ ಜಾಗತಿಕವಾಗಿ ಕಾಡುತ್ತಿರುವ ಸಾಂಕ್ರಾಮಿಕ ಪ್ರಭಾವ ಬೀರಲಿದೆ ಎಂದು ಕಳವಳ ವ್ಯಕ್ತಪಡಿಸಿದ್ದಾರೆ. ಇದನ್ನೂ ಓದಿ: VIDEO| ರಾತ್ರಿ ತನ್ನಷ್ಟಕ್ಕೆ ತಾನೇ ವರ್ಕೌಟ್​ ಮಾಡುತ್ತಿರೋ ಜಿಮ್​ ಯಂತ್ರ: ನಿಗೂಢ ಭೇದಿಸಿದ ಪೊಲೀಸರು!

ಮಹಿಳೆಯರು, ಮಕ್ಕಳು ಹಾಗೂ ಹದಿಹರೆಯದವರ ಮೇಲೆ ಪರಿಣಾಮ ಹೆಚ್ಚಿಗೆ ಇರಲಿದೆ. ಮಹಾಮಾರಿ ಕರೊನಾ ಅನೇಕ ದೇಶಗಳ ಆರೋಗ್ಯ ವ್ಯವಸ್ಥೆಯನ್ನು ಅಲ್ಲೋಲ ಕಲ್ಲೋಲ ಮಾಡಿದೆ. ಇದರಿಂದ ಹೆರಿಗೆ ಸಮಯದಲ್ಲಿ ಸಾವಿನ ಅಪಾಯ ಹೆಚ್ಚಾಗುವ ಸಾಧ್ಯತೆ ಇದೆ ಎಂದು ಡಬ್ಲ್ಯುಎಚ್​ಒ ಎಚ್ಚರಿಸಿದೆ.

ತಾಯಂದಿರು ತಮ್ಮ ನವಜಾತ ಶಿಶುಗಳಿಗೆ ಕರೊನಾ ವೈರಸ್ ಹರಡುವ ಅಪಾಯವನ್ನು ಡಬ್ಲ್ಯುಎಚ್​ಒ ಇತ್ತೀಚೆಗಷ್ಟೇ ತನಿಖೆ ಮಾಡಿದೆ. ಸ್ತನ್ಯಪಾನದ ಮೂಲಕ ವೈರಸ್ ಹರಡುವ ಅಪಾಯಗಳನ್ನು ಅರಿತಿರುವುದಾಗಿ ಟೆಡ್ರೊಸ್ ಹೇಳಿದ್ದಾರೆ. ಅಲ್ಲದೆ, ಖಿನ್ನತೆ, ಒತ್ತಡ ಸೇರಿದಂತೆ ಮುಂತಾದ ಮಾನಸಿಕ ರೋಗಕ್ಕೆ ಒಳಗಾಗಿರುವ ಯುವ ಜನಾಂಗದ ಬಗ್ಗೆಯೂ ಡಬ್ಲ್ಯುಎಚ್​ಒ ಕಳವಳ ವ್ಯಕ್ತಪಡಿಸಿದ್ದು, ಆರೋಗ್ಯದ ಬಗ್ಗೆ ಹೆಚ್ಚಿನ ಕಾಳಜಿ ವಹಿಸಬೇಕೆಂದು ಮನವಿ ಮಾಡಿದೆ. (ಏಜೆನ್ಸೀಸ್​) ಇದನ್ನೂ ಓದಿ: ಅನ್ಯ ಧರ್ಮದ ಯುವಕನ ಜತೆ ನಾಪತ್ತೆಯಾಗಿದ್ದ ಹಿಂದು ಯುವತಿ ಪತ್ತೆ: ಸುಳ್ಳು ಹೇಳಿ ಸಿಕ್ಕಿಬಿದ್ದ ಆರೋಪಿ

https://www.vijayavani.net/indias-presence-in-unsc-will-help-bring-its-ethos-of-vasudhaiva-kutumbakam-to-world-envoy/