ಅನನ್ಯಾ ವೈರಲ್​​ ಫೋಟೋದಲ್ಲಿರುವ ವಾಕರ್ ಬ್ಲಾಂಕೋ ಯಾರು?; ಮಿಸ್ಟರಿ ಮ್ಯಾನ್ ಮಾಹಿತಿ ಇಲ್ಲಿದೆ

ಮುಂಬೈ: ಬಾಲಿವುಡ್ ನಟಿ ಅನನ್ಯಾ ಪಾಂಡೆ ಮತ್ತು ಆದಿತ್ಯ ರಾಯ್ ಕಪೂರ್​​ ಬ್ರೇಕಪ್​ ಸುದ್ದಿ ಗೊತ್ತೆ ಇದೆ. ಇತ್ತೀಚೆಗೆ ನಟಿ ಅನನ್ಯಾ ಪಾಂಡೆ ವೃತ್ತಿಜೀವನಕ್ಕಿಂತ ಹೆಚ್ಚಾಗಿ ವೈಯಕ್ತಿಕ ವಿಚಾರಕ್ಕೆ ಹೆಚ್ಚು ಸುದ್ದಿಯಲ್ಲಿದ್ದಾರೆ. ಈಗ ಮತ್ತೊಮ್ಮೆ ಅನನ್ಯಾ ಅವರು ತಮ್ಮ ವೈಯಕ್ತಿಕ ವಿಚಾರವಾಗಿಯೇ ಮುನ್ನೆಲೆಗೆ ಬಂದಿದ್ದು, ಅವರ ನ್ಯೂ ಬಾಯ್​ಫ್ರೆಂಡ್​ ವಿಚಾರ ಬಿಟೌನ್​ ಅಂಗಳದಲ್ಲಿ ಹರಿದಾಡುತ್ತಿದೆ. ಆದರೆ ಈ ಬಾರಿ ಯಾವುದೇ ಭಾರತೀಯನೊಂದಿಗೆ ಅಲ್ಲ, ವಿದೇಶಿಯ ಮಾಜಿ ಮಾಡೆಲ್​​ನೊಂದಿಗೆ ಅನನ್ಯಾ ಹೆಸರು ತಳುಕು ಹಾಕಿಹೊಂಡಿದೆ.

ಇದನ್ನು ಓದಿ: ಮನು ಭಾಕರ್​ ಜತೆಗಿನ ಜಾನ್​ ಅಬ್ರಾಹಂ ಫೋಟೋ ವೈರಲ್​; ನಟನ ಈ ನಡೆಗೆ ನೆಟ್ಟಿಗರ ಆಕ್ರೋಶ

ಅನಂತ್​ ಅಂಬಾನಿ ಮತ್ತು ರಾಧಿಕಾ ಮರ್ಚೆಂಟ್​​ ವಿವಾಹದಲ್ಲಿ ಅನನ್ಯಾ ಪಾಂಡೆ ಕೂಡ ಭಾಗಿಯಾಗಿದ್ದರು. ಸಮಾರಂಭದಲ್ಲಿ ಅನನ್ಯಾ ವಾಕರ್‌ನೊಂದಿಗೆ ಒಟ್ಟಿಗೆ ನೃತ್ಯ ಮಾಡುತ್ತಿರುವ ಫೋಟೋಗಳು ಮತ್ತು ವೀಡಿಯೊಗಳು ವೈರಲ್ ಆಗಿದ್ದವು. ಫೋಟೋಗಲು ನೆಟ್ಟಿಗರ ಗಮನ ಸೆಳೆದಿದ್ದವು. ಫೋಟೋದಲ್ಲಿರುವ ವ್ಯಕ್ತಿ ಯಾರು? ಅನನ್ಯಾ ಅವರ ಭಾಯ್​ಫ್ರೆಂಡ್​ ಇರಬಹುದೇ ಎಂದೆಲ್ಲಾ ಊಹಾಪೋಹಾಗಳು ನಡೆಯುತ್ತಿದ್ದವು.

ಅಲ್ಲದೆ ಅನನ್ಯಾ ಮದುವೆಯಲ್ಲಿ ಎಲ್ಲರಿಗೂ ವಾಕರ್‌ ಪರಿಚಯ ಮಾಡಿದ್ದಳು ಎನ್ನಲಾಗಿದೆ. ಅಂಬಾನಿ ಕುಟುಂಬದ ಪ್ರೀವೆಡ್ಡಿಗಂಗ್​ ಸಮಾರಂಭದಲ್ಲಿ ಅನನ್ಯಾ ಮತ್ತು ವಾಕರ್ ಭೇಟಿಯಾಗಿದ್ದಾರೆ ಎಂದು ಕೆಲವು ವರದಿಗಳು ಹೇಳುತ್ತಿವೆ. ಸದ್ಯ ಅನನ್ಯ ಮತ್ತು ವಾಕರ್ ಅವರ ಕೆಲವು ಫೋಟೋಗಳು ಸಾಮಾಜಿಕ ಮಾಧ್ಯಮದಲ್ಲಿ ವೈರಲ್ ಆಗುತ್ತಿವೆ.

ವಾಕರ್ ಬ್ಲಾಂಕೋ ಇಲಿನಾಯ್ಸ್‌ನ ಚಿಕಾಗೋದವರಾಗಿದ್ದು, ಮಾಜಿ ಮಾಡೆಲ್. ಪ್ರಸ್ತುತ ​ಅವರು ಅನಂತ್ ಅವರ ಪೆಟ್ ಪ್ರಾಜೆಕ್ಟ್ ಆಗಿರುವ ವಂತರಾದಲ್ಲಿ ಕೆಲಸ ಮಾಡುತ್ತಿದ್ದಾರೆ. ಆದರೆ ಅವರ ಕೆಲಸ ಏನು ಅಥವಾ ಅವರು ಕೆಲಸಕ್ಕಾಗಿ ಭಾರತದಲ್ಲಿ ಉಳಿದಿದ್ದಾರೆಯೇ ಅಥವಾ ಇಲ್ಲವೇ ಎಂಬುದು ಸ್ಪಷ್ಟವಾಗಿಲ್ಲ. ಅವರ ಇನ್​ಸ್ಟಾಗ್ರಾಮ್​ ಖಾತೆ ನೋಡಿದರೆ ವಾಕರ್ ಪ್ರಾಣಿಪ್ರಿಯ ಎಂದು ಸ್ಪಷ್ಟವಾಗುತ್ತದೆ.

ಇತ್ತೀಚೆಗೆ ಅನನ್ಯಾ ಅವರ ಒಂದು ಫೋಟೋ ಕೂಡ ವೈರಲ್ ಆಗಿದ್ದು, ಅದರಲ್ಲಿ ಅನನ್ಯಾ AW ಎಂದು ಬರೆದಿರುವ ಪೆಂಡೆಂಟ್ ಧರಿಸಿದ್ದಾರೆ. ಅನನ್ಯಾ ಅವರ ಈ ಫೋಟೋ ನೋಡಿದ ಅಭಿಮಾನಿಗಳು AW ಎಂದರೇನು ಎಂದು ಪ್ರಶ್ನೆ ಹಾಕಿಕೊಳ್ಳುತ್ತಿದ್ದರು. ಈಗ ವಾಕರ್ ಜತೆ ಅನನ್ಯಾ ಡೇಟಿಂಗ್ ಸುದ್ದಿ ಬರುತ್ತಿದ್ದು, ಅಭಿಮಾನಿಗಳು ಇದಕ್ಕೆ ಪೆಂಡೆಂಟ್​ ಲಿಂಕ್​ ಮಾಡಿ ಮಾತನಾಡುತ್ತಿದ್ದಾರೆ. A ಎಂದರೆ ಅನನ್ಯಾ ಎಂದು W ಎಂದರೆ ವಾಕರ್​​ ಎಂದು ಹೇಳುತ್ತಿದ್ದಾರೆ.

ಅನನ್ಯಾ ಪಾಂಡೆ ಕೊನೆಯದಾಗಿ 'ಡ್ರೀಮ್ ಗರ್ಲ್ 2' ಚಿತ್ರದಲ್ಲಿ ಕಾಣಿಸಿಕೊಂಡಿದ್ದರು. ಆಕೆಯ ಮುಂದಿನ ಪ್ರಾಜೆಕ್ಟ್​ 'ಕಾಲ್ ಮಿ ಬೇ'ನಲ್ಲಿ ಕಾಣಿಸಿಕೊಳ್ಳಲಿದ್ದಾರೆ.(ಏಜೆನ್ಸೀಸ್​​)

https://www.vijayavani.net/pm-modi-directed-ioa-to-act-on-vinesh-phogats-olympics-disqualification-says-mansukh-mandaviya-in-lok-sabha