ಕೆಲವೊಮ್ಮೆ ನಮಗೆ ತುಂಬ ಬೇಸರವಾಗುತ್ತದೆ. ಆಗ ನಮ್ಮನಮ್ಮಲ್ಲೇ ಸ್ಪರ್ಧೆಗಳನ್ನು ಹಮ್ಮಿಕೊಳ್ಳುತ್ತೇವೆ. ನಾವು ನಿಜಕ್ಕೂ ಮಾಡಬಾರದು, ಅಂಥ ಕೆಲಸಗಳ ಬಗ್ಗೆ ಚಾಲೆಂಜ್ ಮಾಡಿಕೊಳ್ಳುತ್ತೇವೆ. ಅಂದರೆ ಥ್ರೋಟಲ್ನ್ನು ಮುಟ್ಟದೆ ಪೈಲಟ್ ಎಷ್ಟು ದೂರದವರೆಗೆ ವಿಮಾನವನ್ನು ಕೊಂಡೊಯ್ಯಬಹುದು ಅಥವಾ ಹೇಗೆ ಲ್ಯಾಂಡ್ ಮಾಡಬಹುದು ಎಂಬ ವಿಚಾರದಲ್ಲಿ ಬೆಟ್ ಕಟ್ಟಲಾಗುತ್ತದೆ. ನಾವೂ ಇದನ್ನು ಮಾಡಿದ್ದೇವೆ ಎಂದು ಅಮೆರಿಕದ ಓರ್ವ ಪೈಲಟ್ ಝುಮ್ವಾಲ್ಟ್ ಹೇಳಿದ್ದಾರೆ. ಆದರೆ ಇದು ನಿಜಕ್ಕೂ ಅಪಾಯಕಾರಿ. ವಿಮಾನ ಲ್ಯಾಂಡ್ ಆಗುವ ಸಂದರ್ಭದಲ್ಲಿ ಅದರ ವೇಗ ನಿಯಂತ್ರಣ ಮಾಡಲು ಥ್ರೋಟಲ್ ಅತ್ಯಗತ್ಯ. ಅದನ್ನು ಪೈಲಟ್ಗಳು ಮುಟ್ಟದೆ ವಿಮಾನ ಲ್ಯಾಂಡ್ ಮಾಡುವುದು ತೀವ್ರ ಅಪಾಯಕಾರಿ ಎಂದೂ ಅವರು ಹೇಳಿದ್ದಾರೆ.
