ಬೆಂಗಳೂರಿನಲ್ಲಿ ಡನ್ಜೋ ಸಂಸ್ಥೆ ಕಳೆದ ತಿಂಗಳು ಮನೆಮನೆಗೆ ತಲುಪಿಸಿದ ವಸ್ತುಗಳ ಪೈಕಿ ನಂ.1 ಯಾವುದು? ಕಾಂಡೋಮ್​ ಅಂತ ಅಂದ್ಕೊಂಡಿದ್ದೀರಾ...

ಬೆಂಗಳೂರು: ಕರೊನಾ ಸೋಂಕು ಹರಡುತ್ತಿರುವುದು ಗೊತ್ತಾದ ಬೆನ್ನಲ್ಲೆ ಲಾಕ್​ಡೌನ್ ಘೋಷಣೆಯಾಗಿತ್ತು. ಎಲ್ಲರೂ ಮನೆಯಲ್ಲೇ ಇದ್ದು ಸುರಕ್ಷಿತವಾಗಿದ್ದರು. ಮನೆ ಮನೆಗೆ ಅಗತ್ಯ ವಸ್ತುಗಳನ್ನು ತಲುಪಿಸುವ ಕೆಲಸವನ್ನು ಮಾಡುತ್ತಿದ್ದ ಡನ್ಜೋ ಸಂಸ್ಥೆ ಕುತೂಹಲಕಾರಿ ಅಂಶವನ್ನು ಬಹಿರಂಗಪಡಿಸಿದೆ. ಅದೇನು ಗೊತ್ತೆ? ಬೆಂಗಳೂರು, ಪುಣೆ, ಚೆನ್ನೈ, ಜೈಪುರ, ಮುಂಬೈ, ಹೈದರಾಬಾದ್​ಗಳಲ್ಲಿ ಅತಿ ಹೆಚ್ಚು ಪೂರೈಕೆಯಾ ವಸ್ತುಗಳ ವಿವರವನ್ನು ಟ್ವಿಟರ್ ಮೂಲಕ ಬಹಿರಂಗಪಡಿಸಿದೆ. ಇದು ಅಚ್ಚರಿಯನ್ನು ಹುಟ್ಟುಹಾಕಿದೆ!

ಚೆನ್ನೈ ಮತ್ತು ಜೈಪುರದಲ್ಲಿರುವವರು ಹೆಚ್ಚಾಗಿ ಕೈಗಳ ಶುಚಿತ್ವದ ಬಗ್ಗೆ ಗಮನಹರಿಸಿದ್ದು ಕಂಡುಬಂದಿದ್ದು ಅತಿಹೆಚ್ಚು ಹ್ಯಾಂಡ್​ ವಾಷ್​ ಖರೀದಿಸಿದ್ದಾರೆ. ಅದೇ ರೀತಿ ಮುಂಬೈನಲ್ಲಿ ಲಾಕ್​ಡೌನ್, ಸೋಷಿಯಲ್ ಡಿಸ್ಟೆನ್ಸಿಂಗ್​ನ ಬೇಸರ ನೀಗಿಸಲು ಜನ ಸುರಕ್ಷಿತ ಲೈಂಗಿಕ ಚಟುವಟಿಕೆಗಳಲ್ಲಿ ವ್ಯಸ್ತರಾದುದು ಬಹಿರಂಗವಾಗಿದೆ. ಆ ನಗರದಲ್ಲಿ ಅತಿಹೆಚ್ಚು ಕಾಂಡೋಮ್ ಸರಬರಾಜು ಆಗಿರುವುದನ್ನು ಡನ್ಜೋ ಬಹಿರಂಗಪಡಿಸಿದೆ. ಇನ್ನು ಹೈದರಾಬಾದ್​ನಲ್ಲಿ ಐ ಪಿಲ್ ಗುಳಿಗೆಗಳು ಹೆಚ್ಚು ಮಾರಾಟವಾಗಿವೆ.

ಇದೇ ರೀತಿ ಪುಣೆ ಮತ್ತು ಬೆಂಗಳೂರುಗಳಲ್ಲಿ ಕೂಡ ಜನ ಬೇಸರ ಕಳೆಯಲು ಲೈಂಗಿಕ ಚಟುವಟಿಕೆಗೆ ಮೊರೆ ಹೋಗಿದ್ದು ಕಂಡುಬಂದಿದೆ. ಇಲ್ಲಿ ಕಾಂಡೋಮ್​ಗಿಂತ ಹೆಚ್ಚು ಪ್ರೆಗ್ನೆನ್ಸಿ ಕಿಟ್​ಗಳು ಪೂರೈಕೆಯಾಗಿವೆ. ಈ ಕುರಿತ ವಿವರವನ್ನೂ ಡನ್ಜೋ ಸಂಸ್ಥೆ ಬಹಿರಂಗಪಡಿಸಿದೆ. ಕಾಂಡೋಮ್ ಬಳಕೆ ಹೆಚ್ಚಾಗಿರುವ ವಿಷಯ ಲಾಕ್​ಡೌನ್ ಘೋಷಣೆಯಾದ ಬೆನ್ನಿಗೇ ವರದಿಯಾಗಿತ್ತು. (ಏಜೆನ್ಸೀಸ್)

https://www.vijayavani.net/corona-virus-lock-down-effect-man-uses-dating-flyers-to-find-germ-free-girlfriend/