ಈ ಜಾಹೀರಾತಿನ ಬೆನ್ನು ಹತ್ತಿದ ನ್ಯೂಯಾರ್ಕ್ ಪೋಸ್ಟ್, ಈ ಫ್ಲೈಯರ್ ಪ್ರಕಟಿಸಿದ ಯುವಕ ಬ್ರಾಡ್ನನ್ನು ಪತ್ತೆ ಹಚ್ಚಿತು. ಅಲ್ಲದೆ, ಜಾಹೀರಾತಿನ ಬಗ್ಗೆ ಪ್ರತಿಕ್ರಿಯೆ ಕೇಳಿತ್ತು. ಅದಕ್ಕೆ ಆತ ಹೇಳಿದ್ದು ಇಷ್ಟು - ಲಾಕ್ಡೌನ್ ಕಾರಣಕ್ಕೆ ನಾನು ಇಲ್ಲಿ ಒಂಟಿಯಾಗಿದ್ದೇನೆ. ಪುನಃ ಡೇಟಿಂಗ್ ಯಾವಾಗ ಮತ್ತು ಹೇಗೆ ಮಾಡಬಹುದು ಎಂಬುದರ ಬಗ್ಗೆಯೇ ಚಿಂತಿತನಾಗಿದ್ದೆ. ಸೋಷಿಯಲ್ ಡಿಸ್ಟೆನ್ಸಿಂಗ್ ಕಾರಣದಿಂದಾಗಿ ಹೊಸಬರನ್ನು ಭೇಟಿ ಮಾಡುವುದು ಕೂಡ ತ್ರಾಸದ ವಿಷಯವೇ ಆಗಿಬಿಟ್ಟಿದೆ. ನಾವೆಲ್ಲರೂ ಈಗ ಮುಖಕ್ಕೆ ಮಾಸ್ಕ್ ಧರಿಸಿಕೊಂಡು ಇರುತ್ತೇವೆ. ಯಾರನ್ನೂ ಭೇಟಿ ಮಾಡಲಾಗದು. ಸಾಮಾನ್ಯ ಡೇಟಿಂಗ್ ಸಾಧ್ಯವೇ ಇಲ್ಲ. ಇನ್ನು ಆ್ಯಪ್ ಅಥವಾ ಡೇಟಿಂಗ್ ಸೈಟ್ಗಳಿಗೆ ಹೋದರೆ ಅಲ್ಲಿ ಸರಿಯಾದವರು ಸಿಗಲಾರರು. ಫೇಕ್ ಖಾತೆಗಳೇ ಹೆಚ್ಚು. ಈ ರೀತಿಯಾದರೆ ಸ್ಪರ್ಧೆ ಇರುವುದಿಲ್ಲ. ನಕಲಿಗಳ ಹಾವಳಿಯೂ ಇರುವುದಿಲ್ಲ. ಹೀಗಾಗಿ ದೀರ್ಘಾವಧಿಯ ಮತ್ತು ಎಕ್ಸ್ಕ್ಲೂಸಿವ್ ಆಗಿರುವ ಸಂಬಂಧ ಹೊಂದುವ ಸಲುವಾಗಿ ಈ ಫ್ಲೈಯರ್ ಜಾಹೀರಾತು ಪ್ರಕಟಿಸಿದೆ.
