ರಾಶಿ ಲಗ್ನದಲ್ಲಿ ಕೇತುವಿದ್ದು, ಶುಕ್ರ ಮನೆಯಲ್ಲಿ ಇದ್ದು, ಸಪ್ತಮದಲ್ಲಿ ಗುರುವಿರುವುದು ಶುಭವನ್ನು ತರುವುದರಲ್ಲಿ ಸಂದೇಹವೇ ಬೇಡ. ಗುರುದೇವ ಪರಬ್ರಹ್ಮ ಎಂಬ ವಚನವಿದೆ. ಗುರುವೇ ಮನುಷ್ಯನನ್ನು ಅನುಗ್ರಹಿಸಿದಾಗ ಯಾವ ಗ್ರಹವೂ ತನ್ನ ನೀಚಾಂಶ ತೋರಿಸುವುದಿಲ್ಲ. ಕಾರ್ಯಸಿದ್ಧಿ ಲಭಿಸುತ್ತದೆ. ನಿಮ್ಮ ಗುರುಗಳ ಮೇಲೆ ನಂಬಿಕೆ ಇರಲಿ. ಗುರುಭಕ್ತಿ ಇದ್ದರೆ ಕೈಲಾಸ ಪರ್ವತದಲ್ಲಿ ಕುಳಿತಿರುವ ಮಹಾಶಿವವೇ ನಿಮ್ಮನ್ನು ಹರಸಿ ನಿಮ್ಮ ಮನೆಗೆ ಭಾಗ್ಯದ ಗಂಟನ್ನು ಕೀರ್ತಿ ಲಾಭವನ್ನು ಜೀವನದಲ್ಲಿ ತಂದುಕೊಡುತ್ತಾನೆ. ವೃಷಭ, ತುಲಾ ರಾಶಿಯವರು ಗುರುವಿನ ಆಜ್ಞೆಯಂತೆ ನಡೆದರೆ ಜೀವನದಲ್ಲಿ ಸಕಾರಾತ್ಮಕತೆಯನ್ನು ಕಾಣಬಹುದು. ದತ್ತ ದೇವರನ್ನು ಪ್ರಾರ್ಥಿಸಿ . ದಕ್ಷಿಣಾಮೂರ್ತಿ ಅಷ್ಟೋತ್ತರ ಪಾರಾಯಣ ಮಾಡಿ.
