ದೇವಸ್ಥಾನದಲ್ಲಿ ಭಕ್ತರು ಮತ್ತು ಭದ್ರತಾ ಸಿಬ್ಬಂದಿ ನಡುವೆ ಮಾರಾಮಾರಿ; Viral Video ನೋಡಿ ನೆಟ್ಟಿಗರು ಹೇಳಿದ್ದು ಹೀಗೆ..

ಲಖನೌ: ಮಥುರಾದಲ್ಲಿರುವ ವೃಂದಾವನದ ಬಂಕೆ ಬಿಹಾರಿ ದೇವಾಲಯವು ಪ್ರಪಂಚದಾದ್ಯಂತ ಪ್ರಸಿದ್ಧವಾಗಿದೆ. ಬಂಕೆ ಬಿಹಾರಿ ದರ್ಶನ ಪಡೆಯಲು ಅಪಾರ ಸಂಖ್ಯೆಯಲ್ಲಿ ಭಕ್ತರ ಸೇರುತ್ತಾರೆ. ಅವರನ್ನು ನಿಭಾಯಿಸುವುದು ಅಲ್ಲಿರುವ ಪೊಲೀಸ್ ಪಡೆ ಮತ್ತು ಖಾಸಗಿ ಭದ್ರತಾ ಸಿಬ್ಬಂದಿಗೆ ಸವಾಲೇನಲ್ಲ. ಸದ್ಯ ಖಾಸಗಿ ಭದ್ರತಾ ಸಿಬ್ಬಂದಿ ದರ್ಶನಕ್ಕೆ ಬಂದ ಭಕ್ತರ ನಡುವೆ ನಡೆದಿರುವ ಮಾರಾಮಾರಿಯ ವಿಡಿಯೋವೊಂದು ಸಾಮಾಜಿಕ ಜಾಲತಾಣದಲ್ಲಿ ವೈರಲ್(Viral Video) ಆಗಿದೆ.

ಇದನ್ನು ಓದಿ: ಮೊಬೈಲ್​​ ಬಳಸುತ್ತಾ ರಸ್ತೆ ದಾಟುತ್ತಿದ್ದ ಹುಡುಗಿಗೆ ಕಾರು ಡಿಕ್ಕಿ; ಮುಂದಾಗಿದ್ದು ನೋಡಿದ್ರೆ ಶಾಕ್​ ಆಗೋದು ಪಕ್ಕಾ | Viral Video

ವೈರಲ್​ ವಿಡಿಯೋದಲ್ಲಿ ಭದ್ರತಾ ಸಿಬ್ಬಂದಿ ಭಕ್ತರೊಂದಿಗೆ ಅನುಚಿತವಾಗಿ ವರ್ತಿಸುತ್ತಿರುವುದು ಸ್ಪಷ್ಟವಾಗಿ ಗೋಚರಿಸುತ್ತಿದೆ. ಅವರನ್ನು ತಡೆಯುವ ಹೆಸರಿನಲ್ಲಿ ದೊಣ್ಣೆಯಿಂದ ಹೊಡೆಯುವುದಷ್ಟೇ ಅಲ್ಲ. ವಾಸ್ತವವಾಗಿ, ಅವರನ್ನು ತಳ್ಳುತ್ತಿರುವುದನ್ನು ನೋಡಬಹುದು. ಇದೇ ವೇಳೆ ಭದ್ರತಾ ಸಿಬ್ಬಂದಿಯೊಬ್ಬ ಬಾಲಕನಿಗೆ ಬಲವಾಗಿ ಕಪಾಳಮೋಕ್ಷ ಮಾಡಿದ್ದಾನೆ. ಮೊದಲು ಭಕ್ತರು ಮತ್ತು ಕಾವಲುಗಾರರ ನಡುವೆ ಘರ್ಷಣೆ ನಡೆಯುತ್ತಿದ್ದು, ಸ್ವಲ್ಪದರಲ್ಲೇ ಮಾರಾಮಾರಿಯಾಗಿ ಬದಲಾಗುತ್ತಿದೆ. ವಿಷಯ ವಿಕೋಪಕ್ಕೆ ಹೋಗುವುದನ್ನು ಕಂಡು ದೇವಸ್ಥಾನದ ಆವರಣದಲ್ಲಿ ನಿಯೋಜನೆಗೊಂಡಿದ್ದ ಪೊಲೀಸರೂ ಓಡಿ ಬಂದು ಖಾಸಗಿ ಭದ್ರತಾ ಸಿಬ್ಬಂದಿ ಮತ್ತು ಭಕ್ತರನ್ನು ಪ್ರತ್ಯೇಕಿಸುವುದನ್ನು ಕಾಣಬಹುದು.

52 ಸೆಕೆಂಡುಗಳ ಈ ಕ್ಲಿಪ್ ಅನ್ನು ನೋಡಿ ನೆಟ್ಟಿಗರು ಪ್ರತಿಕ್ರಿಯಿಸುತ್ತಿದ್ದಾರೆ. ಎಲ್ಲರೂ ಲೂಟಿಯಲ್ಲಿ ತೊಡಗಿದ್ದಾರೆ, ವಿಐಪಿ ದರ್ಶನ ಇರುವರೆಗೂ ಇದು ಹೀಗೆಯೇ ಮುಂದುವರಿಯುತ್ತದೆ, ಅವರಿಗೆ ಹಣ ನೀಡಿ ಎಲ್ಲಿಂದಲಾದರೂ ಪ್ರವೇಶಿಸಿ, ದೇವಸ್ಥಾನದ ಖಾಸಗಿ ಭದ್ರತಾ ಸಿಬ್ಬಂದಿ ತುಂಬಾ ಮೂರ್ಖರು, ಇಂತಹ ಘಟನೆಗಳು ಪ್ರತಿದಿನ ನಡೆಯುತ್ತಿವೆ ಎಂದು ಕಾಮೆಂಟ್​ ಮಾಡಿದ್ದಾರೆ. ಕಾಮೆಂಟ್​ ವಿಭಾದಲ್ಲಿ ಮಥುರಾ ಪೊಲೀಸರು ಘಟನೆಗೆ ಸಂಬಂಧಿಸಿದಂತೆ ವೃಂದಾವನ ಪೊಲೀಸ್ ಠಾಣೆಯ ಇನ್‌ಸ್ಪೆಕ್ಟರ್‌ಗೆ ತನಿಖೆ ಮತ್ತು ಅಗತ್ಯ ಕ್ರಮಕ್ಕಾಗಿ ತಿಳಿಸಲಾಗಿದೆ ಎಂದು ಉಲ್ಲೇಖಿಸಿದ್ದಾರೆ.(ಏಜೆನ್ಸೀಸ್​​)

https://www.vijayavani.net/viral-video-two-tigers-fight-old-video-goes-viral-in-social-media