ಕನ್ನಡ ಭಾಷೆ & ಕನ್ನಡಿಗರನ್ನು ನಿಂದಿಸಿದ ಹುಡುಗನ ವಿಡಿಯೋ ವೈರಲ್​; ಮುಂದೇನಾಯ್ತು ನೀವೇ ನೋಡಿ | Viral Video

ಮುಂಬೈ: ಇತ್ತೀಚೆಗೆ ಉತ್ತರ ಭಾರತದ ಮಹಿಳೆಯೊಬ್ಬರು ಬೆಂಗಳೂರಿನ ಬಗ್ಗೆ ನಾಲಿಗೆ ಹರಿಬಿಟ್ಟು ನಾವಿಲ್ಲದಿದ್ದರೆ ಬೆಂಗಳೂರು ಖಾಲಿ ಖಾಲಿ ಎಂದು ಬಾಯಿಗೆ ಬಂದಂತೆ ಮಾತನಾಡಿ ವಿಡಿಯೋವೊಂದನ್ನು ಸಾಮಾಜಿಕ ಜಾಲತಾಣದಲ್ಲಿ ಹರಿಬಿಟ್ಟಿದ್ದರು. ಬಳಿಕ ಕ್ಷಮೆಯಾಚಿಸಿದ್ದರು. ಇತಂಹದ್ದೆ ಮತ್ತೊಂದು ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ (Viral Video)ಆಗಿದೆ.

ಇದನ್ನು ಓದಿ: ರಹಸ್ಯವಾಗಿ ಗಗನಸಖಿಯ ವಿಡಿಯೋ ರೆಕಾರ್ಡ್ ಮಾಡಿದ ವ್ಯಕ್ತಿ​​; ನೆಟ್ಟಿಗರ ರಿಪ್ಲೆಗೆ ಬಿಚ್ಚಿಬಿದ್ದು ಬಿಚ್ಚಿಟ್ಟ ಅಸಲಿ ಸತ್ಯ | Viral Video

ವೈರಲ್​ ವಿಡಿಯೋದಲ್ಲಿ ಹುಡುಗನೊಬ್ಬ ಕರ್ನಾಟಕ ಮತ್ತು ಕನ್ನಡಿಗರ ಬಗ್ಗೆ ನಿಂದಿಸಿರುವುದನ್ನು ನೋಡಬಹುದು. ಕನ್ನಡಿಗರು ತಮ್ಮ ಭಾಷೆಯಲ್ಲಿ ಕಲಿಯುವಂತೆ ಒತ್ತಾಯಿಸುತ್ತಾರೆ ಎಂದು ಹೇಳಿ ಅವಾಚ್ಯ ಶಬ್ಧಗಳಿಂದ ನಿಂದಿಸಿದ್ದಾನೆ. ಹಾಗೂ ಹಿಂದಿಗೆ ಹೆಚ್ಚು ಪ್ರಾಮುಖ್ಯತೆ ನೀಡಿ ಮಾತನಾಡಿ, ಹಿಂದಿ ಹೆಚ್ಚು ಜನರಿಗೆ ತಿಳಿದಿರುವ ಭಾಷೆಯಾಗಿದೆ. ರಾಜ್ಯ ಮತ್ತು ಅಂತರಾಷ್ಟ್ರೀಯ ಗಡಿಗಳಲ್ಲಿನ ಸಮಸ್ಯೆಯನ್ನು ಪರಿಹರಿಸಲು ಹಿಂದಿ ಉಪಯುಕ್ತ ಭಾಷೆಯಾಗಿದೆ ಎಂದು ಹೇಳಿರುವುದನ್ನು ಕಾಣಬಹುದು.

ವಿಡಿಯೋ ವೈರಲ್​ ಆಗುತ್ತಿದ್ದಂತೆ, ಕನ್ನಡಿಗರ ಆಕ್ರೋಶಕ್ಕೆ ಗುರಿಯಾದ ಆ ವಿಡಿಯೋವನ್ನು ಸಾಮಾಜಿಕ ಜಾಲತಾಣದಲ್ಲಿ ಹಂಚಿಕೊಳ್ಳುವ ಮೂಲಕ ಮುಂಬೈ ಮತ್ತು ಬೆಂಗಳೂರು ಪೊಲೀಸರನ್ನು ಟ್ಯಾಗ್ ಮಾಡಲಾಗಿದೆ. ಕೂಡಲೇ ಕ್ರಮಕೈಗೊಳ್ಳುವಂತೆ ಒತ್ತಾಯಿಸಲಾಗಿದೆ. ಬೆಂಗಳೂರು ಪೊಲೀಸರ ಮಧ್ಯಸ್ಥಿಕೆಯಲ್ಲಿ ಮುಂಬೈ ಪೊಲೀಸರು ಕನ್ನಡ ಭಾಷೆ ಮತ್ತು ಕನ್ನಡಿರನ್ನು ನಿಂದಿಸಿದ್ದ ಹುಡುಗನ ಮನೆಗೆ ತೆರಳಿ ವಿಡಿಯೋ ತೆಗೆದುಹಾಕುವಂತೆ ಹೇಳಿದ್ದಾರೆ. ಇದನ್ನು ಸ್ವತಃ ಆ ಹುಡುಗನೆ ಇನ್ನೊಂದು ವಿಡಿಯೋ ಮೂಲಕ ತಿಳಿಸಿದ್ದಾನೆ. ಜತೆಗೆ ಎಲ್ಲಾ ಕನ್ನಡಿಗರಿಗೂ ಕ್ಷಮೆ ಕೇಳಿದ್ದಾನೆ.(ಏಜೆನ್ಸೀಸ್​​)

https://www.vijayavani.net/video-viral-woman-belly-dance-balancing-sword-on-head-in-chattisgarh