ಪಾರ್ಕಿಂಗ್​​ ವಿಚಾರಕ್ಕೆ ಹುಡುಗನೊಂದಿಗೆ ಅಮ್ಮ-ಮಗಳ ಜಗಳ; Viral Video ನೋಡಿ ನೆಟ್ಟಿಗರಿಂದ ಕ್ಲಾಸ್​​​

ನವದೆಹಲಿ: ಸಾಮಾಜಿಕ ಜಾಲತಾಣದಲ್ಲಿ ಜಗಳದ ಹಲವು ವಿಡಿಯೋಗಳನ್ನು ನೋಡಿರುತ್ತೇವೆ. ಕೆಲವೊಮ್ಮೆ ಎಷ್ಟೋ ಜನರು ಈ ರೀತಿ ವಿಡಿಯೋ ವೈರಲ್​​ ಆದ್ರೆ ನಮ್ಮ ಮರ್ಯಾದೆ ಪ್ರಶ್ನೆ ಎಂದು ಸುಮ್ಮನಾಗುತ್ತಾರೆ. ಇದಕ್ಕೆ ವಿರುದ್ಧವಾಗಿ ರಾಷ್ಟ್ರರಾಜಧಾನಿಯಲ್ಲಿ ಕಾರು ನಿಲ್ಲಿಸುವ ವಿಚಾರವಾಗಿ ಯುವಕನೊಂದಿಗೆ ಒಬ್ಬ ತಾಯಿ ಮತ್ತು ಆಕೆಯ ಮಗಳು ಅನುಚಿತವಾಗಿ ವರ್ತಿಸಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ(Viral Video). ಈ ವಿಡಿಯೋ ನೋಡಿದ ಅನೇಕರು ಆ ಮಹಿಳೆ ಹಾಗೂ ಆಕೆಯ ಮಗಳ ವರ್ತನೆಗೆ ವಿರೋಧ ವ್ಯಕ್ತಪಡಿಸಿದ್ದಾರೆ.

ಇದನ್ನು ಓದಿ: ಮನುಷ್ಯರಂತೆ ಎರಡು ಕಾಲುಗಳ ಮೇಲೆ ನಿಂತ ಕರಡಿ; ಚೀನಾದ Viral Video ನೋಡಿ ಇದು ನಕಲಿ ಅಲ್ಲವೇ ಎಂದ ನೆಟ್ಟಿಗರು

ಸುಮಾರು ಮೂರೂವರೆ ನಿಮಿಷದ ಈ ವಿಡಿಯೋದಲ್ಲಿ ತಾಯಿ ಮತ್ತು ಆಕೆಯ ಮಗಳು ಆ ಹುಡುಗನಿಗೆ ಬೈಯತ್ತಿರುವ ಧ್ವನಿಯೂ ಹೆಚ್ಚಾಗಿ ಕೇಳುಬರುವುದನ್ನು ನೀವು ನೋಡಬಹುದು. ಆ ಹುಡುಗಿ ಬಾಯಿಗೆ ಬಂದಂತೆ ಕೆಟ್ಟ ಪದಗಳನ್ನು ಬಳಸುವುದನ್ನು ಕಾಣಬಹುದು. ಹುಡುಗಿಯು ತನ್ನ ಕಾರನ್ನು ಹುಡುಗನ ಕಾರಿನ ಮುಂದೆ ನಿಲ್ಲಿಸುತ್ತಾಳೆ. ಇದರಿಂದಾಗಿ ತನ್ನ ಕಾರು ಹಾದುಹೋಗಲು ಸಾಧ್ಯವಾಗುತ್ತಿಲ್ಲ ಕಾರನ್ನು ತೆಗೆಯುವಂತೆ ಹುಡುಗ ಕೇಳಿದಾಗ ಈ ವಿವಾದ ಆರಂಭವಾಗಿದೆ. ಮಗಳ ವರ್ತನೆಯನ್ನು ತಾಯಿಯು ಸಮರ್ಥಿಸುತ್ತಿರುವುದನ್ನು ನೀವು ನೋಡಬಹುದು.

ಕಾರನ್ನು ತಪ್ಪಾಗಿ ನಿಲ್ಲಿಸಿದ್ದಾಗಿ ತೆಗೆಯುವಂತೆ ಕೇಳಿದರೆ ಅವರು ನನ್ನನ್ನು ಜೈಲಿಗೆ ಕಳುಹಿಸುವುದಾಗಿ ಬೆದರಿಕೆ ಹಾಕುತ್ತಿದ್ದಾರೆ ಎಂದು ಹುಡುಗ ಹೇಳಿದ್ದಾನೆ. ಇದರ ನಂತರ ಮತ್ತೊಬ್ಬ ವ್ಯಕ್ತಿ ಈ ಜಗಳವನ್ನು ನಿಲ್ಲಿಸಲು ಮುಂದಾಗುತ್ತಾರೆ. ಇಬ್ಬರನ್ನೂ ಕಾರಿನೊಳಗೆ ಕುಳಿತುಕೊಳ್ಳಲು ಕೇಳುತ್ತಾರೆ. ಇದರೊಂದಿಗೆ ಸುಮಾರು ಮೂರೂವರೆ ನಿಮಿಷಗಳ ಈ ವಿಡಿಯೋ ಮುಗಿಯುತ್ತದೆ.

ಈ ಫೈಟ್​​ನ ವಿಡಿಯೋವನ್ನು ಇದುವರೆಗೂ ಹಲವರು ವೀಕ್ಷಿಸಿ ಪ್ರತಿಕ್ರಿಯಿಸುತ್ತಿದ್ದಾರೆ. ಇದೆಂಥಾ ವರ್ತನೆ ಮಗಳಿಗೆ ಬುದ್ಧಿ ಕಲಿಸಿ, ದೆಹಲಿಯ ವಿದ್ಯಾವಂತ, ಸಮೃದ್ಧ, ಅಧಿಕಾರ ಮತ್ತು ಅರ್ಹ ಮಹಿಳಾ ಶಕ್ತಿ, ಮಗಳು ಐಪಿಎಸ್​ ಎಂದು ಹೆದರಿಸುತ್ತಿದ್ದಾರೆ, ವಾಹ್ ಅನಾರೋಗ್ಯದ ಮನೆ ಮತ್ತು ಹಾಸ್ಯಾಸ್ಪದ ಪಾಲನೆ ಮಾತ್ರ ಮಕ್ಕಳು ತಮ್ಮ ಹೆತ್ತವರ ಮುಂದೆ ವಯಸ್ಕರನ್ನು ನಿಂದಿಸಲು ಅನುವು ಮಾಡಿಕೊಡುತ್ತದೆ, ಅಮ್ಮನ ಮುಂದೆ ಈ ರೀತಿ ಮಾತನಾಡುವುದನ್ನು ನಾನು ಊಹಿಸಲೂ ಸಾಧ್ಯವಿಲ್ಲ, ತನ್ನ ತಾಯಿಯ ಆ ಸ್ಥಳದಲ್ಲಿದ್ದರೆ ನನ್ನನ್ನು ಗದರಿಸಿ ಕಾರನ್ನು ತೆಗೆಯುವಂತೆ ಕೇಳುತ್ತಿದ್ದಳು ಎಂದು ಕಾಮೆಂಟ್​ ಮಾಡಿದ್ದಾರೆ.

https://www.vijayavani.net/viral-post-gurgaon-man-post-menu-card-of-hotel-in-narkanda-of-hmiachal-pradesh