ಪ್ರೀತಿಸಿ ಮದುವೆಯಾದ ಹೊಸ ಜೋಡಿಯನ್ನು ಎತ್ತುಗಳಂತೆ ನೊಗಕ್ಕೆ ಕಟ್ಟಿ, ಉಳುಮೆ ಶಿಕ್ಷೆ ನೀಡಿದ ಗ್ರಾಮಸ್ಥರು..! Couple

Couple: ಸ್ಥಳೀಯ ಸಾಮಾಜಿಕ ರೂಢಿಗಳಿಗೆ ವಿರುದ್ಧವಾಗಿ ಮದುವೆಯಾದ ಯುವ ಜೋಡಿಯನ್ನು ಎತ್ತುಗಳಂತೆ ನೊಗಕ್ಕೆ ಕಟ್ಟಿ, ಹೊಲವನ್ನು ಉಳುವಂತೆ ಶಿಕ್ಷೆ ನೀಡಿದ ಘಟನೆ ಒಡಿಶಾದಲ್ಲಿ ನಡೆದಿದೆ.

ಈ ಮನಕಲಕುವ ಘಟನೆಯನ್ನು ವಿಡಿಯೋ ಮಾಡಲಾಗಿದ್ದು, ಈಗ ಈ ವಿಡಿಯೋ ಸಾಮಾಜಿಕ ಮಾಧ್ಯಮಗಳಲ್ಲಿ ವ್ಯಾಪಕವಾಗಿ ವೈರಲ್‌ ಆಗಿ, ನೆಟ್ಟಿಗರ ಆಕ್ರೋಶಕ್ಕೆ ಕಾರಣವಾಗಿದೆ.

ಇದನ್ನೂ ಓದಿ: ಅಯ್ಯೋ ನನ್ನ ಮೊಬೈಲ್… ನೀರಿನಲ್ಲಿ ಎಷ್ಟೇ ಹುಡುಕಾಡಿದ್ರೂ ಫೋನ್​ ಸಿಗದೇ ಕಣ್ಣೀರಿಟ್ಟ ಯುವಕ! Phone ​

ರಾಯಗಡ ಜಿಲ್ಲೆಯ ಕಂಜಮಝಿರಾ ಗ್ರಾಮದ ಯುವಕ ಮತ್ತು ಯುವತಿ ಇತ್ತೀಚೆಗೆ ಪ್ರೀತಿಸಿ ವಿವಾಹವಾಗಿದ್ದರು. ಆದರೆ, ಕೆಲವು ಗ್ರಾಮಸ್ಥರು ಅವರ ಈ ನಿರ್ಧಾರವನ್ನು ವಿರೋಧಿಸಿದರು. ಏಕೆಂದರೆ ಆ ವ್ಯಕ್ತಿ ಮಹಿಳೆಯ ತಂದೆಯ ಚಿಕ್ಕಮ್ಮನ ಮಗ. ಸ್ಥಳೀಯ ಪದ್ಧತಿಗಳ ಪ್ರಕಾರ ಅಂತಹ ವಿವಾಹವನ್ನು ನಿಷಿದ್ಧವೆಂದು ಪರಿಗಣಿಸಲಾಗುತ್ತದೆ.

ದಂಪತಿಯನ್ನು ಶಿಕ್ಷಿಸಲು, ಗುಂಪೊಂದು ಅವರನ್ನು ಮರದ ನೊಗಕ್ಕೆ ಕಟ್ಟಿ ಹೊಲದಾದ್ಯಂತ ಎಳೆದುಕೊಂಡು ಹೋಗುವಂತೆ ಮಾಡಿತು. ವಿಡಿಯೋದಲ್ಲಿ ಇಬ್ಬರು ಪುರುಷರು ಆ ಪುರುಷ ಮತ್ತು ಮಹಿಳೆ ಇಬ್ಬರನ್ನೂ ಕೋಲಿನಿಂದ ಹೊಡೆಯುವುದನ್ನು ಕಾಣಬಹುದು.

ಈ ಸಾರ್ವಜನಿಕ ಅವಮಾನದ ನಂತರ, ದಂಪತಿಗಳನ್ನು ಗ್ರಾಮದ ದೇವಾಲಯಕ್ಕೆ ಕರೆದೊಯ್ಯಲಾಯಿತು ಮತ್ತು ಅವರ ಪಾಪವನ್ನು 'ಶುದ್ಧೀಕರಿಸಲು' ಶುದ್ಧೀಕರಣ ವಿಧಿಗಳನ್ನು ಮಾಡುವಂತೆ ಮಾಡಲಾಯಿತು. ಈ ಬಗ್ಗೆ ವಿಷಯ ತಿಳಿದ ಪೊಲೀಸರು ಗ್ರಾಮಕ್ಕೆ ಭೇಟಿ ಶೀಘ್ರದಲ್ಲೇ ಪ್ರಕರಣ ದಾಖಲಿಸಲಾಗುವುದು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/drunk-man-puts-his-head-through-iron-grille-of-shop-while-buying-liquor-what-happened-then-drunk-man