ವಿಡಿಯೋದಲ್ಲಿ ಸೋನಿಯಾ ಮತ್ತು ರಾಹುಲ್ ತೋಟದಿಂದ ಕಿತ್ತಳೆ ಹಣ್ಣು ಕೀಳಲು ಬುಟ್ಟಿಯೊಂದಿಗೆ ಹೋಗುತ್ತಿರುವುದನ್ನು ಕಾಣಬಹುದು. ಬುಟ್ಟಿಯಲ್ಲಿ ತಂದ ಹಣ್ಣುಗಳನ್ನು ಅಡುಗೆಮನೆಯಲ್ಲಿ ಸ್ವಚ್ಛಗೊಳಿಸಲಾಗುತ್ತದೆ ಮತ್ತು ಕಿತ್ತಳೆ ಮಾರ್ಮಲೇಡ್ ರೆಸಿಪಿ ಮಾಡಲು ಆರಂಭಿಸುತ್ತಾರೆ. ಅಡುಗೆಮನೆಯಲ್ಲಿ ಇಬ್ಬರ ನಡುವೆ ನಡೆದ ಸಂಭಾಷಣೆಯಲ್ಲಿ ಸೋನಿಯಾ ಅವರು ಭಾರತೀಯ ಅಡುಗೆಗಳನ್ನು ಕಲಿಯಲು ಬಹಳ ಸಮಯ ತೆಗೆದುಕೊಂಡಿದ್ದರ ಬಗ್ಗೆ ತಿಳಿಸಿದರು. ಅಲ್ಲದೆ, ವಿಶೇಷವಾಗಿ ಕರಿಬೇವನ್ನು ಹೇಗೆ ತಿನ್ನಬೇಕೆಂದು ಹೇಳಿದರು. ನಂತರ ಸಂವಾದದಲ್ಲಿ ರಾಹುಲ್, ಬಿಜೆಪಿಯವರು ಈ ಜಾಮ್ ಕೇಳಿದರೆ ಕೊಡ್ತೀರಾ ಅಮ್ಮಾ? ಎಂದು ಕೇಳಿದರು. ಅದಕ್ಕೆ ಸೋನಿಯಾ, ಅವರು ನಮ್ಮ ಮೇಲೆಯೇ ಎಸೆಯುತ್ತಾರೆ ಎಂದು ಹೇಳಿದಾಗ ಇಬ್ಬರೂ ಜೋರಾಗಿ ನಗುತ್ತಾರೆ.
