ಚಲಿಸುತ್ತಿದ್ದ ಬೈಕ್​ ಮೇಲೆ ಮಧ್ಯರಾತ್ರಿ ಪ್ರೇಮಿಗಳಿಬ್ಬರ ರೊಮ್ಯಾನ್ಸ್​! ಪೊಲೀಸರ ಕೈಗೆ ಸಿಕ್ಕಿಬಿದ್ದ ಯುವಕ

ಜೈಪುರ: ಚಲಿಸುವ ಬೈಕ್​ ಮೇಲೆ ಪ್ರೇಮಿಗಳು ರೊಮ್ಯಾನ್ಸ್​ ಮಾಡುವುದು ಇತ್ತೀಚೆಗೆ ಟ್ರೆಂಡ್​ ಆಗಿರುವಂತೆ ಕಾಣುತ್ತಿದೆ. ಏಕೆಂದರೆ, ದಿನಕ್ಕೊಂದು ಇಂತಹ ಪ್ರಕರಣಗಳು ವರದಿಯಾಗುತ್ತಲೇ ಇದೆ. ಇದೀಗ ವೇಗವಾಗಿ ಚಲಿಸುತ್ತಿದ್ದ ಬೈಕ್​ ಮೇಲೆ ಪ್ರೇಮಿಗಳಿಬ್ಬರು ಸರಸವಾಡಿರುವ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗಿದೆ.

ಈ ಘಟನೆ ರಾಜಸ್ಥಾನದ ಅಜ್ಮೇರ್​ನಲ್ಲಿ ಸೋಮವಾರ ಮಧ್ಯರಾತ್ರಿ ನಡೆದಿದೆ. ಯುವತಿ ಪೆಟ್ರೋಲ್​ ಟ್ಯಾಂಕ್​ ಮೇಲೆ ಕುಳಿತು ಬೈಕ್​​ ಸವಾರರನ್ನು ಅಪ್ಪಿಕೊಂಡು, ಚುಂಬಿಸುತ್ತಿರುವ ದೃಶ್ಯ ವಿಡಿಯೋದಲ್ಲಿದೆ. ಇಬ್ಬರು ಅಜ್ಮೇರ್​ನಿಂದ ಪುಷ್ಕರ್​ಗೆ ಪ್ರಯಾಣಿಸುವಾಗ ಮಾರ್ಗ ಮಧ್ಯೆ ಅನುಚಿತವಾಗಿ ವರ್ತಿಸಿದ್ದಾರೆ.

ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋ ವೈರಲ್​ ಆಗುತ್ತಿದ್ದಂತೆ ಅಜ್ಮೇರದಲ್ಲಿರುವ ಕ್ರಿಶ್ಚಿಯನ್​ ಗಂಜ್​ ಪೊಲೀಸರು ಪ್ರಕರಣ ದಾಖಲಿಸಿಕೊಂಡು ತನಿಖೆ ಆರಂಭಿಸಿದರು. ಕೊನೆಗೆ ಬೈಕ್​ ಸವಾರನ ಮಾಹಿತಿ ಪತ್ತೆಹಚ್ಚಲಾಯಿತು. ಆತನನ್ನು ಸಾಹಿಲ್​ ಎಂದು ಗುರುತಿಸಲಾಗಿದೆ. ಆತ ಅಜ್ಮೇರ್​ನ ಫೈ ಸಾಗರ್​ ರಸ್ತೆಯ ನಿವಾಸಿಯಾಗಿದ್ದು, ಪೊಲೀಸರು ವಶಕ್ಕೆ ಪಡೆದುಕೊಂಡಿದ್ದಾರೆ.

ಸಾಕಷ್ಟು ವಿಚಾರಣೆಯ ಬಳಿಕ ತನ್ನೊಂದಿಗೆ ಇದ್ದ ಯುವತಿಯ ಬಗ್ಗೆ ಸಾಹಿಲ್​ ಮಾಹಿತಿ ನೀಡಿದ್ದಾನೆ. ಇದೀಗ ಆ ಯುವತಿಗೂ ಪೊಲೀಸರು ಸಮನ್ಸ್​ ನೀಡಿದ್ದು, ಆಕೆಯು ಸಹ ವಿಚಾರಣೆಯನ್ನು ಎದುರಿಸಬೇಕಿದೆ. (ಏಜೆನ್ಸೀಸ್​)

https://www.vijayavani.net/actress-tanya-hope-in-kabzaa/

https://www.vijayavani.net/juliet-2-planned-so-before-kantara/

https://www.vijayavani.net/what-is-e20-fuel-what-are-all-the-uses/