ಅಮೆರಿಕದ ಇನೊವಿಯೊ ಫಾರ್ವಸುಟಿಕಲ್ಸ್ ಮತ್ತು ಬೀಜಿಂಗ್ನ ಅಡ್ವಾಕ್ಸೆೈ ಬಯೋಟೆಕ್ನಾಲಜಿಯು ‘ಇನೋ-4800’ ಹೆಸರಿನ ಲಸಿಕೆ ಅಭಿವೃದ್ಧಿ ಪಡಿಸಿದ್ದು, ಮಾನವರ ಮೇಲಿನ ಪ್ರಯೋಗದಲ್ಲಿ ಅಮೆರಿಕ, ಚೀನಾ ಮತ್ತು ದಕ್ಷಿಣ ಕೊರಿಯಾಗಳಲ್ಲಿ 3 ಸಾವಿರ ಲಸಿಕೆಯನ್ನು ಪೂರ್ಣಗೊಳಿಸಿದೆ. ಏಪ್ರಿಲ್ನಲ್ಲಿ ಈ ಲಸಿಕೆ ಮಾರುಕಟ್ಟೆಗೆ ಬರುವ ನಿರೀಕ್ಷೆ ಇದೆ. ಚೀನಾದ ಸೇನಾ ವೈದ್ಯ ವಿಜ್ಞಾನ ಅಕಾಡೆಮಿ ಈಗಾಗಲೇ ಲಸಿಕೆಯ ಕ್ಲಿನಿಕಲ್ ಟ್ರಯಲ್ ಮುಗಿಸಿದ್ದು, ಮುಂದಿನ ಏಪ್ರಿಲ್ನಲ್ಲಿ ಲಸಿಕೆ ಮಾರುಕಟ್ಟೆಗೆ ಬಿಡುಗಡೆಯಾಗಲಿದೆ ಎಂದು ಚೀನಾದ ವಿಜ್ಞಾನ ಮತ್ತು ತಂತ್ರಜ್ಞಾನ ಖಾತೆಯ ಉಪ ಸಚಿವ ಕ್ಸು ನಾಂಪಿಂಗ್ ಹೇಳಿದ್ದಾರೆ. ಜರ್ಮನಿಯಲ್ಲೂ ಲಸಿಕೆ ಅಭಿವೃದ್ಧಿ ಹಂತದಲ್ಲಿದೆ. ಜೀವರಕ್ಷಕ ಲಸಿಕೆಯನ್ನು ಅಭಿವೃದ್ಧಿ ಪಡಿಸಬೇಕು ಎಂಬುದು ಸಂಶೋಧಕರ ಉದ್ದೇಶವಾದರೂ, ಇದರ ಹಿಂದೆ ವಾಣಿಜ್ಯ ಲೆಕ್ಕಾಚಾರ ದೊಡ್ಡ ಮಟ್ಟದಲ್ಲಿ ಇರುವುದರಿಂದ ಪೇಟೆಂಟ್ ಪಡೆದು ಮೊದಲು ಮಾರುಕಟ್ಟೆಗೆ ಬಿಡುಗಡೆ ಮಾಡಬೇಕು ಎಂಬ ಉಮೇದು ಸಂಶೋಧನಾ ಸಂಸ್ಥೆಗಳಲ್ಲಿ ಇದೆ. ಹೀಗಾಗಿಯೇ ವಿಶ್ವ ಆರೋಗ್ಯ ಸಂಸ್ಥೆ, ಲಸಿಕೆಯ ಮೊದಲ ಉದ್ದೇಶ ಜೀವ ರಕ್ಷಣೆಯೇ ಹೊರತು ವಾಣಿಜ್ಯ ಮಾರುಕಟ್ಟೆ ಬಾಚಿಕೊಳ್ಳುವುದಲ್ಲ. ಸಂಶೋಧನಾ ಸಂಸ್ಥೆಗಳ ಮತ್ತು ಸಂಶೋಧಕರಿಂದ ಇಂಥ ಗುಣ ಅಪೇಕ್ಷಣೀಯ ಎಂದು ಹೇಳಿದೆ.
