ಧೂಮಪಾನ ಮಾಡುವವರಿಗೆ ಕರೊನಾ ವೈರಸ್​ ತುಂಬಾ ಪರಿಣಾಮ ಬೀರಲಿದೆಯೇ? ಸಂಶೋಧನೆ ಹೇಳಿದ್ದೇನು?

ನವದೆಹಲಿ: ಧೂಮಪಾನ ಮಾಡುವವರಿಗೆ ಕರೊನಾ ವೈರಸ್​ ತುಂಬಾ ಪರಿಣಾಮ ಬೀರಲಿದೆಯೇ? ಹೌದು ಎನ್ನುತ್ತಿದೆ ಹೊಸ ಸಂಶೋಧನೆಯೊಂದು. ಕರೊನಾದಿಂದ ಗಂಭೀರಗೊಂಡ ರೋಗಿಗಳಲ್ಲಿ ಧೂಮಪಾನ ಮಾಡುವವರೇ ಹೆಚ್ಚು ಎಂದು ತಿಳಿದುಬಂದಿದೆ.

ಕರೊನಾ ಸೋಂಕು ತಗುಲಿ ಸಾವಿಗೀಡಾದ ಹಾಗೂ ಐಸಿಯುನಲ್ಲಿದ್ದ ನಾಲ್ಕನೇ ಒಂದು ಭಾಗದ ರೋಗಿಗಳು ಧೂಮಪಾನ ಮಾಡುತ್ತಿದ್ದರು ಎಂದು ಚೀನಾದ ಅಕಾಡೆಮಿಕ್ಸ್​ ಸಂಶೋಧನಾ ವರದಿಯಲ್ಲಿ ಉಲ್ಲೇಖವಾಗಿದೆ.

ಕೆಮ್ಮು ಮತ್ತು ಜ್ವರದಂತಹ ಸಣ್ಣ ರೋಗ ಲಕ್ಷಣಗಳನ್ನು ಹೊಂದಿದ್ದವರಲ್ಲಿ ಶೇ. 11 ರಷ್ಟು ರೋಗಿಗಳು ಸ್ಮೋಕ್​ ಮಾಡುತ್ತಿದ್ದರು ಎಂದು ತಿಳಿದುಬಂದಿದೆ. ಆದರೆ, ಇನ್ನೊಂದು ಸಂಶೋಧನೆಯ ಪ್ರಕಾರ ಸ್ಮೋಕ್​ ಮಾಡುವವರಿಗೆ ಕರೊನಾ ವೈರಸ್​ ಮೊದಲ ಹಂತದಲ್ಲಿ ದಾಳಿ ಮಾಡುವುದು ಕಡಿಮೆ. ಆದರೆ, ಟ್ವಿಸ್ಟ್​ ಏನೆಂದರೆ, ಧೂಮಪಾನ ಮಾಡುವರು ಕರೊನಾದಿಂದ ತೀವ್ರ ತೊಂದರೆಯನ್ನು ಅನುಭವಿಸುತ್ತಾರೆ ಎಂದು ಹೇಳಿದೆ.

ಧೂಮಪಾನ ಒಂದು ಮಾರಣಾಂತಿಕ ಹವ್ಯಾಸವು ಹೌದು. ಇದರಿಂದ ಕ್ಯಾನ್ಸರ್​, ಶ್ವಾಸಕೋಸ ಹಾನಿ ಮತ್ತು ಕಾಯಿಲೆಯ ಸಮಯದಲ್ಲಿ ಉಸಿರಾಟದ ತೀವ್ರ ತೊಂದರೆಯನ್ನು ತಂದೊಡ್ಡುತ್ತದೆ.

ಚೀನಾದ ಕರೊನಾ ತವರು ವುಹಾನ್​ನ ಝೋಂಗನಾನ್​ ಹಾಸ್ಪಿಟಲ್​ ಪ್ರಕಾರ ದಾಖಲಾದ 140 ರೋಗಿಗಳ ಪೈಕಿ 1.4 ರಷ್ಟು ರೋಗಿಗಳು ಧೂಮಪಾನ ಮಾಡುವವರಾಗಿದ್ದರು ಎಂದು ತಿಳಿಸಿದ್ದಾರೆ. (ಏಜೆನ್ಸೀಸ್​)

https://www.vijayavani.net/man-allegedly-kills-brother-for-stepping-out-during-covid-19-lockdown/

https://www.vijayavani.net/chinese-state-media-links-the-origin-of-coronavirus-with-italy/