ಪ್ರೀತಿಸಿ ಬೇರೊಬ್ಬಳ ಕೈ ಹಿಡಿಯಲು ಸಿದ್ಧನಾದ ಯುವಕ; ಸೇಡು ತೀರಿಸಿಕೊಳ್ಳಲು ಮಾಡಿದಳು ಮಾಸ್ಟರ್​ ಪ್ಲ್ಯಾನ್

​​ಉತ್ತರಪ್ರದೇಶ: ಪ್ರೀತಿಸಿ ಮದುವೆ ಆಗುವವರು, ದೂರವಾಗುವುದು, ಒಂದಾಗಿ ಒಟ್ಟಿಗೆ ಜೀವನ ನಡೆಸುವುದು, ಪ್ರೀತಿಗಾಗಿ ಕೊಲೆ ಮಾಡಿರುವ ಸುದ್ದಿಗಳನ್ನು ನಾವು ಕೇಳಿದ್ದೇವೆ. ಆದರೆ ಇಲ್ಲೊಬ್ಬಳು ಮಹಿಳೆ ಪ್ರೀತಿಸಿ ಕೈ ಕೊಟ್ಟು ಇನ್ನೊಬ್ಬಳನ್ನು ಮದುವೆಯಾಗಲು ತಯಾರಿ ನಡೆಸಿದ ಪ್ರೀಯಕರನಿಗೆ ಬುದ್ಧಿ ಕಲಿಸಲು ಮಾಸ್ಟರ್​ ಪ್ಲ್ಯಾನ ಮಾಡಿದ್ದಾಳೆ.

ನಡೆದಿದ್ದೇನು?: ಏಪ್ರಿಲ್ 23 ರಂದು ಗ್ರಾಮದ ರಾಕೇಶ್ ಬಿಂದ್ ಎಂಬ ಯುವಕ ಮೆರವಣಿಗೆಯಲ್ಲಿ ಮದುವೆಯಾಗಲು ಮೌ ಜಿಲ್ಲೆಗೆ ತೆರಳಲು ಸಿದ್ಧತೆ ನಡೆಸಿದ್ದಾನೆ. ಸಮಾರಂಭದಲ್ಲಿ ಅತಿಥಿಗಳ ನಡುವೆ ಮುಸುಕುಧಾರಿ ಯುವತಿಯೊಬ್ಬಳು ಬಂದಳು. ವರ ರಾಕೇಶ್ ಬಳಿ ಬಂದು ಆತನ ಮೇಲೆ ಆ್ಯಸಿಡ್ ಸುರಿದಿದ್ದಾಳೆ.

ಉತ್ತರ ಪ್ರದೇಶದ ಬಲ್ಲಿಯಾದಲ್ಲಿ ಮದುವೆ ಮೆರವಣಿಗೆಯೊಂದಿಗೆ ಹೊರಡುತ್ತಿದ್ದ ವರನ ಮೇಲೆ ಆತನ ಗೆಳತಿ ಆಸಿಡ್ ದಾಳಿ ನಡೆಸಿದ್ದಾಳೆ. ಈ ಘಟನೆಯಲ್ಲಿ ವರನ ಕೈ ಸುಟ್ಟಿದೆ. ಇದೇ ವೇಳೆ ಮೂವರು ಮಹಿಳೆಯರು ಗಾಯಗೊಂಡಿದ್ದಾರೆ. ಆ್ಯಸಿಡ್ ಎರಚಿ ಓಡಿ ಹೋಗುತ್ತಿದ್ದ ಯುವತಿಯನ್ನು ವರನ ಸ್ನೇಹಿತರು ಹಿಡಿದಿದ್ದಾರೆ. ಬಳಿಕ ಪೊಲೀಸರಿಗೆ ಮಾಹಿತಿ ನೀಡಿ ಒಪ್ಪಿಸಿದ್ದಾರೆ. ಆ್ಯಸಿಡ್ ದಾಳಿಯಿಂದ ಗಾಯಗೊಂಡ ವರ ಹಾಗೂ ಮಹಿಳೆಯರನ್ನು ಚಿಕಿತ್ಸೆಗಾಗಿ ಆಸ್ಪತ್ರೆಗೆ ಕರೆದೊಯ್ಯಲಾಗಿದೆ. ವರನಿಗೆ ಚಿಕಿತ್ಸೆ ನೀಡಿ ಡಿಸ್ಚಾರ್ಜ್ ಮಾಡಲಾಗಿದೆ.

ಆರೋಪಿ ಗೆಳತಿ ಕೋಪಗೊಂಡು ತನ್ನನ್ನು ಮದುವೆಯಾಗದೆ ವಂಚಿಸಿದ ತನ್ನ ಪ್ರಿಯಕರನ ಮೇಲೆ ಸೇಡು ತೀರಿಸಿಕೊಳ್ಳಲು ಬಯಸಿದ್ದಳು ಎನ್ನಲಾಗಿದೆ. ಬಲ್ಲಿಯಾದಲ್ಲಿರುವ ಬನ್ಸ್‌ಡಿಹರೋಡ್ ಪೊಲೀಸ್ ಠಾಣೆ ವ್ಯಾಪ್ತಿಯ ದುಮ್ರಿ ಗ್ರಾಮದಲ್ಲಿ ಇಡೀ ಪ್ರಕರಣ ನಡೆದಿದೆ.

https://www.vijayavani.net/parineeti-chopra-comments-about-her-movies

https://www.vijayavani.net/aishwarya-rai-and-abhishek-bachchan-broke-bed-on-their-first-night

https://www.vijayavani.net/priyamani-reveals-she-is-ready-to-give-up-everything-to-work-with-shah-rukh-khan

https://www.vijayavani.net/golden-colour-snake-video-viral

https://www.vijayavani.net/women-falls-in-lovetrap-of-80-years-old-man

https://www.vijayavani.net/actress-aarathi-settled-in-american-but-social-work-in-india-she-secretly-comes-to-kolar