ಇತರ ಜೀವಿಗಳಲ್ಲಿ ಮೀನುಗಳು, ಕೀಟಗಳು, ಉಭಯಜೀವಿ, ಸರೀಸೃಪ ಮತ್ತು ಸ್ತನಿ ಎಂಬ ಮುಖ್ಯವಾದ ಐದು ಪಂಗಡಗಳಾಗಿ ವಿಕಾಸಗೊಂಡಿವೆ. ಅದೇ ರೀತಿ ಸಸ್ಯಗಳಲ್ಲಿಯೂ ಮುಖ್ಯವಾಗಿ ಎಂಟು ಪಂಗಡಗಳಿವೆ. ಪ್ರಾಣಿಗಳು ವಿಕಾಸಗೊಂಡಂತೆಯೇ ಈ ಸಸ್ಯಗಳೂ ಕೂಡ ಹಲವು ಕೋಟಿ ವರ್ಷಗಳ ಅಂತರದಲ್ಲಿ, ಪ್ರತಿ ಪಂಗಡದೊಳಗೆ ಲಕ್ಷಾಂತರ ಉಪ ಪಂಗಡಗಳಾಗಿ ವಿಕಾಸಗೊಂಡಿವೆ. ಅವುಗಳು ವಿಕಾಸಗೊಂಡಂತೆ ಅವುಗಳ ದೇಹ ರಚನೆ, ಅಂಗಾಂಗಗಳು, ಹಾರ್ಮೋನ್ ಕಿಣ್ವಗಳ ಉತ್ಪಾದನೆ ಮತ್ತು ಅವುಗಳ ದೇಹ ಚಟುವಟಿಕೆಗಳಲ್ಲಿ ವ್ಯತ್ಯಾಸವಾಗಿದೆ. ಆದ್ದರಿಂದ ದ್ಯುತಿಸಂಶ್ಲೇಷಣೆ, ಉಸಿರಾಟ, ಮಣ್ಣಿನಿಂದ ಲವಣಾಂಶಗಳನ್ನು ತೆಗೆದುಕೊಳ್ಳುವುದು, ಪ್ರೊಟೀನ್ ತಯಾರಿಸುವುದು, ಹೀಗೆ ಎಲ್ಲ ಕ್ರಿಯೆಗಳಲ್ಲಿ ಒಂದು ಸಸ್ಯಜಾತಿಯಿಂದ ಇನ್ನೊಂದು ಸಸ್ಯಜಾತಿಗೆ ವ್ಯತ್ಯಾಸವಾಗುತ್ತದೆ. ಇವೆಲ್ಲ ವ್ಯತ್ಯಾಸಗಳಿಗೆ ಕಾರಣ ಶಿಲೀಂದ್ರಗಳು.
