ಭಾರತದಿಂದ ಇಂಗ್ಲೆಂಡಿಗೆ ಪರಾರಿಯಾಗಿದ್ದ ನೀರವ್ ವಿರುದ್ಧ ಪಿಎನ್ಬಿ ಬ್ಯಾಂಕ್ ಹಗರಣಕ್ಕೆ ಸಂಬಂಧಿಸಿದಂತೆ ಎರಡು ಮುಖ್ಯ ಅಪರಾಧಿಕ ಪ್ರಕರಣಗಳಿವೆ. ಮೊದಲನೆಯದಾಗಿ, ಕಾನೂನುಬಾಹಿರ ಸಾಲ ಪತ್ರಗಳು ಮತ್ತು ಲೆಟರ್ಸ್ ಆಫ್ ಅಂಡರ್ಟೇಕಿಂಗ್ಅನ್ನು ಪಡೆದು ಪಿಎನ್ಬಿಗೆ ಭಾರೀ ಮೊತ್ತದ ವಂಚನೆ ಮಾಡಿರುವುದನ್ನು ತನಿಖೆ ನಡೆಸಿರುವ ಸಿಬಿಐ ಕೇಸು. ಇದರಲ್ಲಿ ನೀರವ್ ಮೋದಿ ತನ್ನ ಡೈಮಂಡ್ ಆರ್ ಅಸ್, ಸೋಲಾರ್ ಎಕ್ಸ್ಪೋರ್ಟ್ಸ್ ಅಂಡ್ ಸ್ಟೆಲ್ಲಾರ್ ಡೈಮಂಡ್ಸ್ ಕಂಪೆನಿಗಳ ಮೂಲಕ ಬ್ಯಾಂಕ್ ಜೊತೆ ಮೋಸದ ವ್ಯವಹಾರಗಳನ್ನು ನಡೆಸಿದ್ದ ಎಂದು ಆರೋಪವಿದೆ. ಎರಡನೆಯದಾಗಿ ಈ ರೀತಿಯಾಗಿ ಪಡೆದ ಹಣವನ್ನು ಲಾಂಡರಿಂಗ್ ಮಾಡಿದ ಬಗ್ಗೆ ಇಡಿ ಸಲ್ಲಿಸಿರುವ ಕೇಸು. ಜೊತೆಗೆ, ಸಾಕ್ಷ್ಯಧಾರಗಳನ್ನು ಹಾಳುಮಾಡಿದ, ಸಾಕ್ಷಿಗಳನ್ನು ಬೆದರಿಸಿದ ಆರೋಪಗಳಿವೆ.
