ನವದೆಹಲಿ: ಪಂಜಾಬ್ ನ್ಯಾಷನಲ್ ಬ್ಯಾಂಕ್ ಹಗರಣದ ಆರೋಪಿ, ಆರ್ಥಿಕ ಅಪರಾಧಿ, ವಜ್ರದ ವ್ಯಾಪಾರಿ ನೀರವ್ ಮೋದಿ ಹಾಗೂ ಅವರ ಚಿಕ್ಕಪ್ಪ ಮೆಹುಲ್ ಚೋಕ್ಸಿ ಅವರು ಕದ್ದುಮುಚ್ಚಿ ದುಬೈಗೆ ಸಾಗಿಸಿದ್ದ 2,340 ಕೆಜಿ ತೂಕದ, 1350 ಕೋಟಿ ರೂ.ಬೆಲೆಬಾಳುವ ಪಾಲಿಶ್ ಡೈಮಂಡ್ಸ್, ಮುತ್ತುಗಳು, ಬೆಳ್ಳಿಯ ಆಭರಣಗಳು ಸೇರಿ ಹಲವು ಜ್ಯುವೆಲರಿಗಳನ್ನು ಜಾರಿ ನಿರ್ದೇಶನಾಲಯದ ಅಧಿಕಾರಿಗಳು ಭಾರತಕ್ಕೆ ವಾಪಸ್ ತಂದಿದ್ದಾರೆ. ಇದನ್ನೂ ಓದಿ: ಮಿತಿಮೀರುತ್ತಿರುವ ಕರೊನಾ ಆತಂಕದ ನಡುವೆ ಆದಿತ್ಯ ಠಾಕ್ರೆ ಕೊಟ್ರು ಗುಡ್ನ್ಯೂಸ್; ಇನ್ನು ಭಯ ಪಡುವ ಅಗತ್ಯವಿಲ್ಲ…
ಇ.ಡಿ. ಬುಧವಾರ ಹೇಳಿಕೆ ಬಿಡುಗಡೆ ಮಾಡಿದೆ. ನೀರವ್ ಮೋದಿ ಮತ್ತು ಮೆಹುಲ್ ಚೋಕ್ಸಿ ಅಕ್ರಮವಾಗಿ ಸಾಗಿಸಿದ್ದ ಬೆಲೆಬಾಳುವ ಸರಕುಗಳನ್ನು ಹಾಂಗ್ಕಾಂಗ್ನಿಂದ ಮುಂಬೈಗೆ ತರಲಾಗಿದೆ. ಇದೆಲ್ಲವನ್ನೂ ತನಿಖೆ ನಡೆಯುತ್ತಿರುವಾಗಲೇ ದುಬೈಗೆ ಸಾಗಿಸಿದ್ದರು. ಅದನ್ನು ಹಾಂಗ್ಕಾಂಗ್ಗೆ ಆಮದು ಮಾಡಿಕೊಂಡು, ಅಲ್ಲಿಂದ ಮುಂಬೈಗೆ ತರಲಾಗಿದೆ ಎಂದು ಜಾರಿ ನಿರ್ದೇಶನಾಲಯ ತಿಳಿಸಿದೆ. 2,340 ಕೆಜಿ ತೂಕದ ಬೆಲೆಬಾಳುವ ಸರಕುಗಳ 108 ಪ್ಯಾಕ್ಗಳನ್ನು ಹಾಂಗ್ಕಾಂಗ್ನ ಲಾಜಿಸ್ಟಿಕ್ಸ್ ಕಂಪನಿಯ ಗೋಡೌನ್ನಲ್ಲಿ ಇಡಲಾಗಿತ್ತು ಎಂದು ಮಾಹಿತಿ ನೀಡಿದೆ. ಇದನ್ನೂ ಓದಿ: ಗುಡ್ನ್ಯೂಸ್..! ವನ್ಯಜೀವಿ ಪ್ರಿಯರಿಗೆ ಶೀಘ್ರವೇ ತೆರೆದುಕೊಳ್ಳಲಿವೆ ಹುಲಿ ಅಭಯಾರಣ್ಯಗಳು
ನೀರವ್ ಮೋದಿ ಮತ್ತು ಮೆಹುಲ್ ಚೋಕ್ಸಿ ಇಬ್ಬರೂ ವಂಚಕ ಉದ್ಯಮಿಗಳಾಗಿದ್ದು, ಅಕ್ರಮ ಹಣ ಸಾಗಣೆ ಪ್ರಕರಣದಡಿ ಇ.ಡಿ.ಯಿಂದ ತನಿಖೆಗೆ ಒಳಪಟ್ಟಿದ್ದಾರೆ. (ಏಜೆನ್ಸೀಸ್)
ಪಾಕ್ನಲ್ಲಿ ಮಾಸ್ಕ್ ಧರಿಸದೆ ಹೊರಗೆ ಬಂದರೆ ಶಾಕ್ ಟ್ರೀಟ್ಮೆಂಟ್; ಸತ್ತೇ ಹೋದಷ್ಟು ನೋವು ಎಂದ ಶಿಕ್ಷೆಗೊಳಗಾದವ