ಟಾಯ್ಲೆಟ್​​ನಲ್ಲಿ ಕ್ಯಾಮರಾ ಇಟ್ಟ ಪ್ರಕರಣಕ್ಕೆ ರಾಷ್ಟ್ರೀಯ ಮಹಿಳಾ ಆಯೋಗ ಪ್ರವೇಶ; ಉಡುಪಿಗೆ ಹೊರಟಿದ್ದೇನೆ ಎಂದ ಖುಷ್​ಬೂ

ಬೆಂಗಳೂರು: ಉಡುಪಿ ಹಾಸ್ಟೆಲ್​ನ ಟಾಯ್ಲೆಟ್​ನಲ್ಲಿ ಕ್ಯಾಮರಾ ಇಟ್ಟ ಪ್ರಕರಣ ಗಂಭೀರ ಆಗತೊಡಗಿದ್ದು, ಇದಕ್ಕೆ ಇದೀಗ ರಾಷ್ಟ್ರೀಯ ಮಹಿಳಾ ಆಯೋಗ ಕೂಡ ಪ್ರವೇಶ ಮಾಡಿದೆ. ಹೀಗಾಗಿ ಈ ಪ್ರಕರಣ ಈಗ ಮತ್ತಷ್ಟು ಗಮನ ಸೆಳೆಯಲಾರಂಭಿಸಿದೆ.

ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆ ಖುಷ್​ಬೂ ಸುಂದರ್​ ಈ ಪ್ರಕರಣದಲ್ಲಿ ಗಮನ ಹರಿಸಿರುವ ಕುರಿತು ಟ್ವೀಟ್​ ಮೂಲಕ ಬಹಿರಂಗಪಡಿಸಿದ್ದಾರೆ. ವಾಶ್​ರೂಮ್​ನಲ್ಲಿ ಸಹಪಾಠಿ ಹುಡುಗಿಯರ ವಿಡಿಯೋ ಮಾಡಲು ಹುಡುಗಿಯರೇ ಕ್ಯಾಮರಾ ಇಟ್ಟಿರುವ ಪ್ರಕರಣಕ್ಕೆ ಸಂಬಂಧಿಸಿದಂತೆ ಉಡುಪಿಯತ್ತ ಹೊರಟಿದ್ದೇನೆ. ಮಕ್ಕಳು ಇಂಥ ಅತಿರೇಕದಲ್ಲಿ ತೊಡಗಿಕೊಳ್ಳುವುದು ಅತ್ಯಂತ ದುಃಖಕರ ಎಂದು ಅವರು ಹೇಳಿದ್ದಾರೆ.

ಇದನ್ನೂ ಓದಿ: ಟಿಕೆಟ್ ತೆಗೆದುಕೊಳ್ಳಲು ಹೇಳಿದ್ದಕ್ಕೆ ಕಂಡಕ್ಟರ್​ ಹತ್ತಿರ ಜಗಳವಾಡಿದ ಯುವತಿ; ಕೇಂದ್ರ ಸರ್ಕಾರಿ ಉದ್ಯೋಗಿ ಎಂದು ರಂಪ

ರಾಷ್ಟ್ರೀಯ ಮಹಿಳಾ ಆಯೋಗದ ಸದಸ್ಯೆಯಾಗಿ ನಾನು ಈ ಪ್ರಕರಣದತ್ತ ಗಮನಹರಿಸಿದ್ದು, ವಿದ್ಯಾರ್ಥಿನಿಯರ ಜತೆ ಮಾತುಕತೆ ನಡೆಸಿ, ಪೊಲೀಸರನ್ನು ಭೇಟಿಯಾಗಿ, ಕಾಲೇಜಿಗೂ ಹೋಗಿಬರುತ್ತೇನೆ ಎಂದಿರುವ ಅವರು, ಮಹಿಳೆಯ ಘನತೆಯ ವಿಚಾರದಲ್ಲಿ ಯಾರೂ ಆಟ ಆಡಲು ಸಾಧ್ಯವಿಲ್ಲ ಎಂದಿದ್ದಾರೆ.

https://www.vijayavani.net/8-year-old-spider-girl-watches-tv-from-ceiling

https://www.vijayavani.net/indian-woman-anju-is-now-fatima-as-she-ties-knot-with-facebook-friend-nasrullah