ಕೋಟ್ಯಂತರ ಬೆಲೆ ಬಾಳುವ 'ಕ್ಯಾಲಿಫೋರ್ನಿಯಂ' ಮಾರಾಟ! ಇಬ್ಬರ ಬಂಧನ

ಕೊಲ್ಕತ: ಕೊಲ್ಕತದ ಎನ್​​ಎಸ್​ಸಿಬಿಐ ವಿಮಾನ ನಿಲ್ದಾಣದ ಬಳಿ ಕ್ಯಾಲಿಫೋರ್ನಿಯಂ ಎಂಬ ಸಿಂಥೆಟಿಕ್ ರೇಡಿಯೋ ಆ್ಯಕ್ಟೀವ್​ ಸಾಮಗ್ರಿ ಎಂದು ಶಂಕಿಸಲಾದ ಕಲ್ಲುಗಳನ್ನು ಮಾರಾಟ ಮಾಡುತ್ತಿದ್ದ ಇಬ್ಬರು ವ್ಯಕ್ತಿಗಳನ್ನು ಸಿಐಡಿ ಅಧಿಕಾರಿಗಳು ಬಂಧಿಸಿದ್ದಾರೆ. ಪಶ್ಚಿಮ ಬಂಗಾಳದ ಹೂಗ್ಲಿ ಜಿಲ್ಲೆಯ ನಿವಾಸಿಗಳಾದ ಸೈಲನ್​ ಕರ್ಮಕರ್(41) ಮತ್ತು ಅಸೀತ್​ ಘೋಷ್​(49) ಎಂಬುವರು ಬಂಧಿತರು.

ಬಂಧಿತ ಆರೋಪಿಗಳಿಂದ ಸುಮಾರು 250 ಗ್ರಾಂನಷ್ಟು ತೂಕದ ಹೊಳೆಯುತ್ತಿದ್ದ ನಾಲ್ಕು ಬೂದಿ ಬಣ್ಣದ ಕಲ್ಲುಗಳನ್ನು ವಶಪಡಿಸಿಕೊಳ್ಳಲಾಗಿದೆ. ಆರಂಭಿಕ ತನಿಖೆಯಿಂದ ಇದು ನ್ಯೂಕ್ಲಿಯರ್​ ರಿಯಾಕ್ಟರ್​ಗಳಲ್ಲಿ ಬಳಸಲಾಗುವ ದುಬಾರಿ ಕ್ಯಾಲಿಫೋರ್ನಿಯಂ ಎಂದು ಭಾವಿಸಲಾಗಿದೆ. ಇದನ್ನು ಅವರು ಕೆಲವೇ ಲಕ್ಷ ರೂಪಾಯಿಗಳಿಗೆ ಮಾರಾಟ ಮಾಡಲು ಪ್ರಯತ್ನಿಸುತ್ತಿದ್ದರು ಎನ್ನಲಾಗಿದೆ.

ಇದನ್ನೂ ಓದಿ: ಮೈಸೂರಲ್ಲಿ ಗ್ಯಾಂಗ್​ ರೇಪ್​: ಬೀದಿಗಿಳಿದು ವಿದ್ಯಾರ್ಥಿಗಳ ಪ್ರತಿಭಟನೆ

ಬಂಧಿತರು ಅದನ್ನು ಕೇರಳದಿಂದ ತಂದು ಇಲ್ಲಿ ಮಾರಾಟ ಮಾಡುತ್ತಿರುವುದಾಗಿ ಹೇಳಿದ್ದಾರೆ. ವಶಪಡಿಸಿಕೊಂಡಿರುವ ಕಲ್ಲುಗಳ ಸ್ಯಾಂಪಲ್​ಅನ್ನು ಪರೀಕ್ಷೆಗಾಗಿ ಸರ್ಕಾರಿ ಪ್ರಯೋಗಾಲಯಕ್ಕೆ ಕಳುಹಿಸಲಾಗುವುದು. ಅದು ಕ್ಯಾಲಿಫೋರ್ನಿಯಂ ಎಂದೇ ಸಾಬೀತಾದರೆ ಅದು ಪ್ರತಿ ಗ್ರಾಂಗೆ ಕೋಟ್ಯಂತರ ರೂಪಾಯಿ ಬೆಲೆ ಬಾಳುವಂಥದ್ದು. ಇದು ಬಂಧಿತರಿಗೆ ಹೇಗೆ ಸಿಕ್ಕಿತೆಂದು ತನಿಖೆ ನಡೆಯಬೇಕಿದೆ ಎಂದು ಸಿಐಡಿ ಅಧಿಕಾರಿಗಳು ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/afghan-pop-star-aryana-sayeed-leaves-kabul-in-a-cargo-jet/

https://www.vijayavani.net/driver-shoots-on-the-car-ahead-for-not-giving-way/

https://www.vijayavani.net/veteran-actor-doddanna-hospitalised/