ಚರಂಡಿ ನಿರ್ಮಾಣಕ್ಕೆ ತೋಡಿದ್ದ ಗುಂಡಿಗೆ ಒಂದೇ ಮನೆಯ ಬಾಲಕರಿಬ್ಬರು ಬಲಿ!

ರಾಯಚೂರು: ಚರಂಡಿ ನಿರ್ಮಾಣಕ್ಕೆ ತೋಡಿದ್ದ ಗುಂಡಿಯಲ್ಲಿ ಬಿದ್ದು ಒಂದೇ ಮನೆಯ ಇಬ್ಬರು ಬಾಲಕರು ಬಲಿಯಾಗಿದ್ದಾರೆ. ರಾಯಚೂರು ಜಿಲ್ಲೆಯ ಮಾನ್ವಿ ತಾಲೂಕಿನಲ್ಲಿ ಇಂಥದ್ದೊಂದು ದುರಂತ ಸಂಭವಿಸಿದೆ. ಪಂಚಾಯತ್ ಅಧಿಕಾರಿಗಳ ನಿರ್ಲಕ್ಷ್ಯವೇ ಈ ಅವಘಡಕ್ಕೆ ಕಾರಣ ಎನ್ನಲಾಗಿದೆ.

ಮಾನ್ವಿ ತಾಲೂಕಿನ ಬ್ಯಾಗವಾಟ್ ಗ್ರಾಮದಲ್ಲಿ ಈ ದುರಂತ ಸಂಭವಿಸಿದೆ. ಬ್ಯಾಗವಾಟ್ ಗ್ರಾಮದ ಅಜಯ್ (8) ಹಾಗೂ ಸುರೇಶ (6) ಸಾವಿಗೀಡಾದ ಬಾಲಕರು. ಇವರಿಬ್ಬರೂ ಒಂದೇ ಮನೆಯ ಅಂದರೆ ಅಣ್ಣ-ತಮ್ಮಂದಿರ ಮಕ್ಕಳು. ಸಂಜೆ ಆಟವಾಡಲು ಹೊರಗೆ ಹೋಗಿದ್ದಾಗ ಈ ದುರ್ಘಟನೆ ಸಂಭವಿಸಿದೆ.

ಚರಂಡಿ ಕಾಮಗಾರಿಗಾಗಿ ಈ ಗುಂಡಿ ತೋಡಲಾಗಿದ್ದು, ಅದಾಗಿ ಎರಡು-ಮೂರು ತಿಂಗಳು ಕಳೆದರೂ ಗುಂಡಿಯನ್ನು ಮುಚ್ಚಿಸಿರಲಿಲ್ಲ. ಗುಂಡಿ ಮುಚ್ಚದ ಕಾರಣ ಚರಂಡಿಯಲ್ಲಿ ನೀರು ಸಂಗ್ರಹವಾಗಿತ್ತು. ಶಾಲೆಯ ಪಕ್ಕದಲ್ಲೇ ಈ ಗುಂಡಿ ಇದ್ದು, ಆಟವಾಡಲು ಹೋಗಿದ್ದ ಈ ಬಾಲಕರಿಬ್ಬರೂ ಗುಂಡಿಯನ್ನು ಗಮನಿಸದೇ ಕಾಲು ಜಾರಿ ಒಳಕ್ಕೆ ಬಿದ್ದಿದ್ದರು. ಪಂಚಾಯತ್ ಅಧಿಕಾರಿಗಳ ನಿರ್ಲಕ್ಷ್ಯ ಎಂದು ಸ್ಥಳೀಯರು ಆರೋಪಿಸಿ ತೀವ್ರ ಆಕ್ರೋಶ ವ್ಯಕ್ತಪಡಿಸಿದ್ದಾರೆ. ಮಾನ್ವಿ ಪೊಲೀಸ್ ಠಾಣೆ ವ್ಯಾಪ್ತಿಯಲ್ಲಿ ಈ ಘಟನೆ ನಡೆದಿದೆ.

https://www.vijayavani.net/these-are-the-preparation-of-dr-bro-before-leaving-to-any-nation/

https://www.vijayavani.net/youtuber-drbro-gagan-srinivas-at-vijayavani-office-here-are-the-exclusive-photos/

https://www.vijayavani.net/maid-was-the-thief-stealing-jewelry-for-6-months/

https://www.vijayavani.net/declared-dead-woman-opens-her-eyes-en-route-to-crematorium/