ಅದು ಅಪಪ್ರಚಾರ.. ನಂಬಬೇಡಿ ಎಂದಿದ್ದೇಕೆ ಟಿಟಿಡಿ?

ತಿರುಪತಿ: ತಿರುಪತಿ ತಿಮ್ಮಪ್ಪ ಸನ್ನಿಧಾನದಲ್ಲಿ ತಯಾರಿಸುವ ಅನ್ನ ಪ್ರಸಾದದಲ್ಲಿ ಬದಲಾವಣೆ ಯಾಗಿದೆ ಎಂದು ಅಪಪ್ರಚಾರ ಮಾಡಲಾಗುತ್ತಿದೆ. ಇದನ್ನು ಯಾರೂ ನಂಬಬಾರದು ಎಂದು ತಿರುಪತಿ-ತಿರುಮಲ ದೇವಸ್ತಾನಗಳ ಸಮಿತಿ(ಟಿಟಿಡಿ) ಭಕ್ತರಲ್ಲಿ ಮನವಿ ಮಾಡಿಕೊಂಡಿದೆ.

ಇದನ್ನೂ ಓದಿ: ರಾಜ್ಯಗಳಿಗೆ ಬಿಗ್ ಅಲರ್ಟ್.. ಬರುತ್ತಿದೆ ಮತ್ತೊಂದು ವೈರಸ್​! ಮಹಾರಾಷ್ಟ್ರದಲ್ಲಿ 8 ಪ್ರಕರಣ ವರದಿ!

ಇತ್ತೀಚೆಗಷ್ಟೇ ಅರ್ಚಕರು ಹಾಗೂ ದೇವಸ್ಥಾನದ ಅಧಿಕಾರಿಗಳೊಂದಿಗೆ ಟಿಟಿಡಿ ಇಓ ಶ್ಯಾಮಲಾ ರಾವ್ ಸಭೆ ನಡೆಸಿದ್ದು, ಅನ್ನಪ್ರಸಾದ ಹಾಗೂ ದೇವರಿಗೆ ನಿವೇದಿಸಿಕೊಳ್ಳಬೇಕಾದ ಮಹತ್ವದ ಕಾರ್ಯದ ಕುರಿತು ಸುದೀರ್ಘವಾಗಿ ಚರ್ಚಿಸಿದ್ದರು. ಆದರೆ, ಈ ಬಗ್ಗೆ ಯಾವುದೇ ನಿರ್ಧಾರ ಕೈಗೊಂಡಿಲ್ಲ.

ವಸ್ತುಸ್ಥಿತಿ ಹೀಗಿದ್ದರೂ ಕೆಲವರು ಅನ್ನ ನೈವೇದ್ಯ ತಯಾರಿಕೆಯಲ್ಲಿ ಬದಲಾವಣೆ ಮಾಡಲಾಗಿದೆ. ತಿರುಮಲೆಯ ಶ್ರೀ ವೆಂಕಟೇಶ್ವರ ಸ್ವಾಮಿಯ ಅನ್ನಛತ್ರದ ಪ್ರಸಾದ ತಯಾರಿಕೆಯಲ್ಲಿ ಭಾರಿ ಬದಲಾವಣೆ ತರಲಾಗುತ್ತಿದೆ ಎಂದು ಅಪಪ್ರಚಾರ ಮಾಡುತ್ತಿದ್ದಾರೆ. ಈ ಕುರಿತು ಸುದ್ದಿಯೊಂದು ಸಾಮಾಜಿಕ ಜಾಲತಾಣಗಳಲ್ಲಿ ವೈರಲ್ ಆಗುತ್ತಿದೆ. ಇಂತಹ ಸುಳ್ಳು ಪ್ರಚಾರಗಳನ್ನು ನಂಬಬೇಡಿ ಎಂದು ಭಕ್ತರಿಗೆ ಟಿಟಿಡಿ ವಿನಂತಿಸಿದೆ.

https://www.vijayavani.net/pm-narendra-modi-says-will-turn-india-into-a-semiconductor-hub-in-his-third-term