ಜವಳಿ ಉದ್ಯಮಕ್ಕೆ ಪೂರಕವಾದ ಇಕೋ ಸಿಸ್ಟಂ ಅನ್ನು ಜವಳಿ ಪಾರ್ಕ್ನಲ್ಲಿ ರೂಪಿಸಲಾಗುತ್ತದೆ. ಭೂಮಿ, ವಿದ್ಯುತ್, ನೀರಿನ ವ್ಯವಸ್ಥೆ ಮಾಡಲಾಗುತ್ತದೆ. ಜವಳಿ ನೀತಿ ಪ್ರಕಾರ ಸಬ್ಸಿಡಿ ನೀಡಲಿದ್ದು, ಅನುಮತಿ ಸರಳೀಕರಿಸಲಾಗಿದೆ. ಶಿಗಾವಿಯಲ್ಲಿ ಭೂಮಿ ಪೂಜೆ ನೆರವೇರಿಸಲಾಗಿದೆ. ಶೀಘ್ರವೇ ಕಾರ್ಯಾರಂಭ ಮಾಡಬೇಕೆಂಬ ಉದ್ದೇಶವಿದೆ. ರಾಣೆಬೆನ್ನೂರು, ನವಲಗುಂದದಲ್ಲೂ ಜವಳಿ ಪಾರ್ಕ್ ಸ್ಥಾಪಿಸಲಾಗುತ್ತದೆ. ಕಾರ್ಕಳದಲ್ಲಿ ಜಾಗ ಗುರುತಿಸಬೇಕಿದೆ, ರಾಯಚೂರು, ಚಿಕ್ಕಮಗಳೂರಿನಿಂದಲೂ ಬೇಡಿಕೆ ಇದೆ. ಇನ್ನೂ ಎಲ್ಲೆಲ್ಲಿ ಬೇಡಿಕೆ ಬರುತ್ತದೋ ಅಲ್ಲಿ ಪಿಪಿಪಿ ಮಾದರಿಯಲ್ಲಿ ಸ್ಥಾಪಿಸಲಾಗುತ್ತದೆ. ಉದ್ಯೋಗಾಕಾಂಕ್ಷಿಗಳಿಗೆ 45 ದಿನದ ತರಬೇತಿ ನೀಡಿ, ಅಲ್ಲೇ ಉದ್ಯೋಗ ನೀಡಲಾಗುತ್ತದೆ.
