H-1B ವೀಸಾ ಮೇಲೆ ಟ್ರಂಪ್ ವಿಧಿಸಿದ ಭಾರಿ ಶುಲ್ಕ, ಮುಂದಿನ ದಿನಗಳಲ್ಲಿ ಭಾರತದ ಕೈಗಳನ್ನು ಬಲಪಡಿಸುತ್ತದೆ: ಕಾಂಗ್ರೆಸ್ ಸಂಸದ | Shashi Tharoor

Shashi Tharoor: ಅಮೆರಿಕದಲ್ಲಿರುವ ಭಾರತೀಯರ H-1B ವೀಸಾದ ಮೇಲೆ ಅಧ್ಯಕ್ಷ ಡೊನಾಲ್ಡ್ ಟ್ರಂಪ್ ವಿಧಿಸಿರುವ ಭಾರಿ ಶುಲ್ಕವನ್ನು ಮೂರನೇ ಹೊಡೆತ ಎಂದು ಪರಿಗಣಿಸಬಹುದು. ಆದರೆ, ವಾಸ್ತವವಾಗಿ ಇದು ದೀರ್ಘಾವಧಿಯಲ್ಲಿ ಭಾರತಕ್ಕೆ ಒಳ್ಳೆಯದು ಎಂದು ಕಾಂಗ್ರೆಸ್ ಸಂಸದ ಶಶಿ ತರೂರ್ ಅಭಿಪ್ರಾಯಪಟ್ಟಿದ್ದಾರೆ.

ಈ H-1B ವಿಷಯದ ಬಗ್ಗೆ ಮಾತನಾಡಿದ ತರೂರ್, ಇದು ಒಂದು ಹೊಡೆತ. ಇದು ಅನಿರೀಕ್ಷಿತವಾಗಿತ್ತು. ಇದು ಅಲ್ಪಾವಧಿಯಲ್ಲಿ ಕೆಲವು ವ್ಯಕ್ತಿಗಳು ಮತ್ತು ಕಂಪನಿಗಳಿಗೆ ನೋವುಂಟು ಮಾಡುತ್ತದೆ. ಆದರೆ, ಭಾರತಕ್ಕೆ ದೀರ್ಘಾವಧಿಯಲ್ಲಿ ನಮ್ಮ ಕೈಗಳನ್ನು ಬಲಪಡಿಸುವ ಮಧ್ಯಮಾವಧಿಯ ಪ್ರತಿಕ್ರಿಯೆಗಳಿವೆ.ಈ ಬಗ್ಗೆ ನಾವು ಬಲಿಪಶುಗಳು ಎಂದು ನಿರಂತರವಾಗಿ ಭಾವಿಸಲು ನಾವು ಅವಕಾಶ ನೀಡಬಾರದು ಎಂದು ತರೂರ್ ತಿಳಿಸಿದ್ದಾರೆ.

ಮುಂದುವರೆದು ಮಾತನಾಡಿದ ತರೂರ್, ಯುಎಸ್​ ಅಧ್ಯಕ್ಷ ಟ್ರಂಪ್ ಚತುರರಾಗಿದ್ದಾರೆ. ಈ ವರ್ಷದ ಆರಂಭದಲ್ಲಿ ಟ್ರಂಪ್​ ನಮಗೆ ನಕಾರಾತ್ಮಕ ದಿಕ್ಕಿನಲ್ಲಿ ಅನಿರೀಕ್ಷಿತವಾಗಿ ಬಂದಿದ್ದಾರೆ. ಆದರೆ, ಮುಂಬರುವ ವರ್ಷಗಳಲ್ಲಿ ಟ್ರಂಪ್ ನಮಗೆ ಅನಿರೀಕ್ಷಿತವಾಗಿ ಸಕಾರಾತ್ಮಕವಾಗಿ ಪರಿಣಮಿಸಬಹುದು ಎಂದಿದ್ದಾರೆ.

ಇದನ್ನೂ ಓದಿ: ಟ್ರಂಪ್ ಸುಂಕಗಳಿಗೆ ಭಾರತ ತಕ್ಷಣ ಏಕೆ ಪ್ರತಿಕ್ರಿಯಿಸಲಿಲ್ಲ? ರಕ್ಷಣಾ ಸಚಿವ ಹೇಳಿದ್ದೇನೆ..! Trump’s tariffs

H-1B ಶುಲ್ಕ ಹೆಚ್ಚಳ ಆಘಾತಕಾರಿ : ತರೂರ್

ಅಮೆರಿಕದ ಹೆಚ್ಚಿನ ಶುಲ್ಕವು ವೀಸಾ ಕಾರ್ಯಕ್ರಮವನ್ನು ಪರಿಣಾಮಕಾರಿಯಾಗಿ ಕೊಲ್ಲುತ್ತದೆ ಎಂದು ಅನೇಕ ವಿಶ್ಲೇಷಕರು ನಂಬಿದ್ದಾರೆ. ಆದರೆ, H-1B ನಡೆಯ ಫಲಿತಾಂಶ ಭಾರತದ ಪರವಾಗಿರಲಿದೆ ಎಂದು ತರೂರ್ ಹೇಳಿದ್ದಾರೆ. ಅಮೆರಿಕದಲ್ಲಿ ಸಾಕಷ್ಟು ಎಂಜಿನಿಯರಿಂಗ್ ಪದವೀಧರರು ಮತ್ತು ಸಾಫ್ಟ್‌ವೇರ್ ವೃತ್ತಿಪರರು ಇಲ್ಲ. ಟ್ರಂಪ್ ನಿರ್ಧಾರದ ನಿವ್ವಳ ಫಲಿತಾಂಶವೆಂದರೆ ಪ್ರಸ್ತುತ ಅಮೆರಿಕದಲ್ಲಿ ಮಾಡಲಾಗುತ್ತಿರುವ ಕೆಲವು ಕೆಲಸಗಳನ್ನು ಇಂಗ್ಲೆಂಡ್ ಮತ್ತು ಐರ್ಲೆಂಡ್‌ನಲ್ಲಿರುವ ಈ ಕಂಪನಿಗಳ ಶಾಖೆಗಳಿಗೆ, ಬಹುಶಃ ಫ್ರಾನ್ಸ್ ಮತ್ತು ಜರ್ಮನಿಯ ಶಾಖೆಗಳಿಗೆ ಮತ್ತು ಭಾರತಕ್ಕೆ ಇನ್ನೂ ಹೆಚ್ಚಿನದನ್ನು ಹೊರಗುತ್ತಿಗೆ ನೀಡುವ ಸಾಧ್ಯತೆಯಿದೆ ಎಂದು ತರೂರ್​ ವಾದಿಸಿದ್ದಾರೆ.

ಈ ವೀಸಾ ಕ್ರಮವನ್ನು MAGA ಚಳುವಳಿಯ ಪ್ರತಿಬಿಂಬ ಎಂದು ತರೂರ್ ಹೇಳಿದ್ದು. ಇದು ಟ್ರಂಪ್​ರ ಮೇಕ್ ಅಮೇರಿಕಾ ಗ್ರೇಟ್ ಅಗೇನ್ ಘೋಷಣೆಗೆ ಸಂಬಂಧಿಸಿದ ತೀವ್ರ ಬಲಪಂಥೀಯ ಬೆಂಬಲ ನೆಲೆಯಾಗಿದೆ. ಟ್ರಂಪ್ ಜನಾಂಗೀಯತೆಯ ಆರೋಪ ಮಾಡುವುದಿಲ್ಲ. ಏಕೆಂದರೆ, ಟ್ರಂಪ್ ಎಲ್ಲಾ ಜನಾಂಗಗಳ ಸ್ನೇಹಿತರು ಇದ್ದರು ಎಂದು ತಿಳಿದುಬಂದಿದೆ. ಆದರೆ, ಟ್ರಂಪ್​​ ಮುನ್ನಡೆಸುತ್ತಿರುವ MAGA ಚಳುವಳಿಯು ಖಂಡಿತವಾಗಿಯೂ ವಲಸೆ ವಿರೋಧಿ ಪೂರ್ವಾಗ್ರಹವನ್ನು ಹೊಂದಿದೆ ಎಂದು ತರೂರ್ ತಿಳಿಸಿದ್ದಾರೆ.

ಕೇಂದ್ರದ ಪ್ರತಿಕ್ರಿಯೆ ಸಮಂಜಸವಾಗಿದೆ

ಕೇಂದ್ರವು ತಕ್ಕಮಟ್ಟಿಗೆ ಅಳತೆ ಮತ್ತು ಸಂವೇದನಾಶೀಲವಾಗಿದೆ. ಆದರೆ, ಇದೇ ಸಮಯದಲ್ಲಿ ನಾವು ತುಂಬಾ ದೃಢವಾಗಿರಬೇಕು ಎಂದು ತರೂರ್​ ಹೇಳಿದರು. ಅಲ್ಲದೆ, ಭಾರತೀಯ ಆರ್ಥಿಕತೆ ಸತ್ತಿದೆ ಎಂಬ ಟ್ರಂಪ್ ಅವರ ಮಾತುಗಳನ್ನು ಅವಮಾನಕರ ಎಂದು ಉಲ್ಲೇಖಿಸಿದ್ದಾರೆ.

ಭಾರತವು ಅಲ್ಪಾವಧಿಯಲ್ಲಿ ನಾವು ಅತ್ಯಂತ ಪ್ರಕ್ಷುಬ್ಧ ಮತ್ತು ಬಿರುಗಾಳಿಯ ಹವಾಮಾನದಲ್ಲಿರುವ ಹಡಗಿನಂತೆ ಇದ್ದೇವೆ. ದೀರ್ಘಾವಧಿಯಲ್ಲಿ ಮತ್ತು ವಿಶಾಲ ದೃಷ್ಟಿಕೋನದಲ್ಲಿ, ಉತ್ತಮ ಸಂಬಂಧದ ಪರವಾಗಿ ಇನ್ನೂ ಬಹಳಷ್ಟು ಮೂಲಭೂತ ಅಂಶಗಳಿವೆ ಎಂದು ನಾನು ವಾದಿಸುತ್ತೇನೆ. ಯುಎಸ್​ ರಕ್ಷಣಾ ಸಂಬಂಧಗಳನ್ನು ರಾಡಾರ್ ಕೆಳಗೆ ನಡೆಯುತ್ತಿರುವ ಬಹಳಷ್ಟು ಕೆಲಸಗಳ ಒಂದು ಉದಾಹರಣೆಯಾಗಿ ತರೂರ್​​​ ಹೇಳಿದ್ದಾರೆ. (ಏಜೆನ್ಸೀಸ್)

https://www.vijayavani.net/time-has-come-to-decriminalize-colonial-era-defamation-law-supreme-court