ಕಾರ್ಯಕ್ರಮದಲ್ಲಿ ಜೇನು ಕುರುಬ, ಯರವ, ಸೋಲಿಗ, ಕಾಡು ಕುರುಬ ಸೇರಿದಂತೆ ಆದಿವಾಸಿಗಳ ಮನೆ ನಿರ್ಮಾಣಕ್ಕೆ ಕೇರಳ ಮಾದರಿಯಲ್ಲಿ 7 ಲಕ್ಷ ರೂ. ಅನುದಾನ ನೀಡಬೇಕು. ಆಶ್ರಮ ಶಾಲೆಗಳಲ್ಲಿ ಶೈಕ್ಷಣಿಕ ಗುಣಮಟ್ಟವನ್ನು ಕಾಪಾಡಬೇಕು, ಆಶ್ರಮ ಶಾಲೆಗೆ ಇರುವ ವಾಲ್ಮೀಕಿ ಪದವನ್ನು ರದ್ದುಪಡಿಸಿ ಆದಿವಾಸಿ ಆಶ್ರಮ ಶಾಲೆ ಎಂದು ನವೀಕರಿಸಬೇಕು, ಆದಿವಾಸಿ ಯುವಕ, ಯುವತಿಯರಿಗೆ ಉದ್ಯೋಗ ಕಲ್ಪಿಸುವಲ್ಲಿ ವಿಶೇಷ ಯೋಜನೆ ರೂಪಿಸಬೇಕು, ಅರಣ್ಯ ಹಕ್ಕು ಕಾಯ್ದೆಗಳನ್ನು ಯಥಾವತ್ತಾಗಿ ಜಾರಿಗೊಳಿಸಬೇಕು, ಮುಜಾಫರ್ ಅಸಾದಿ ವರದಿಯನ್ನು ರಾಜ್ಯ ಸರ್ಕಾರ ಜಾರಿಗೆ ತರಬೇಕು ಆದಿವಾಸಿಗಳ ಮೂಲಸೌಕರ್ಯಗಳಿಗೆ ಹೆಚ್ಚು ಆದ್ಯತೆ ನೀಡಬೇಕು ಸೇರಿದಂತೆ ಹಲವು ಬೇಡಿಕೆಗಳನ್ನು ಮುಂದಿಟ್ಟುಕೊಂಡು ಕಾರ್ಯಕ್ರಮದಲ್ಲಿ ಒತ್ತಾಯ ಮಾಡಲಾಗುವುದು. ಸಮುದಾಯದವರು ಹೆಚ್ಚಿನ ಸಂಖ್ಯೆಯಲ್ಲಿ ಆಗಮಿಸುವಂತೆ ಒತ್ತಾಯಿಸಿದರು.
