ವಾಹನ ಚಲಾಯಿಸುವಾಗ ಈ 6 ತಪ್ಪುಗಳನ್ನು ಮಾಡಿದರೆ ಅಪಘಾತ ಗ್ಯಾರಂಟಿ…!

ಬೆಂಗಳೂರು: ಕಾರು, ಬೈಕ್ ಚಾಲನೆ ಮಾಡುವಾಗ ಕೆಲವು ವಿಷಯಗಳನ್ನು ಮನಸ್ಸಿನಲ್ಲಿಟ್ಟುಕೊಳ್ಳುವುದು ಬಹಳ ಮುಖ್ಯ. ಸಂಪೂರ್ಣ ಗಮನ ರಸ್ತೆಯ ಕಡೆಯೇ ಇರಬೇಕು. ಇಲ್ಲದೆ ಹೋದರೆ ನಿಮ್ಮ ಜೀವಕ್ಕೆ ಮತ್ತು ಪರರ ಜೀವಕ್ಕೆ ಕೂಡ ತೊಂದರೆಗೆ ಸಿಲುಕುತ್ತದೆ. ಕೆಲವೊಮ್ಮೆ ಒಂದು ಸಣ್ಣ ವಿಷಯದ ನಿರ್ಲಕ್ಷಿಸುವುದರಿಂದ ದೊಡ್ಡ ಬೆಲೆಯನ್ನು ತೆರಬೇಕಾಗುತ್ತದೆ. ಅಂತಹ ಕೆಲವು ತಪ್ಪುಗಳನ್ನು ಕೆಳಗೆ ಹೇಳಿದೆ. ಅದನ್ನು ತಲೆಯಲ್ಲಿಟ್ಟುಕೊಂಡು ವಾಹನ ಚಲಾಯಿಸಬೇಕು.

1) ಸೀಟ್ ಬೆಲ್ಟ್ ಧರಿಸದೆ ಇರುವುದು
ಸೀಟ್ ಬೆಲ್ಟ್ ವಾಹನದಲ್ಲಿ ಒದಗಿಸಲಾದ ಅತ್ಯಂತ ಮೂಲಭೂತ ಮತ್ತು ಅಗತ್ಯ ಸುರಕ್ಷತಾ ವಸ್ತು. ಅಪಘಾತದಲ್ಲಿ ಸಮಯದಲ್ಲಿ ಮುಂಭಾಗ ಮತ್ತು ಹಿಂಭಾಗದ ಎರಡೂ ಸೀಟುಗಳಲ್ಲಿ ಕುಳಿತಿರುವ ಪ್ರಯಾಣಿಕರ ಜೀವವನ್ನು ಉಳಿಸಲು ಇದು ಮುಖ್ಯವಾಗಿದೆ. ಅಧ್ಯಯನದ ಪ್ರಕಾರ 2021 ರಲ್ಲಿ ಸಾವನ್ನಪ್ಪಿದ ಶೇ. 83ರಷ್ಟು ಕಾರು ಸವಾರರು ಸೀಟ್ ಬೆಲ್ಟ್ ಧರಿಸಿರಲಿಲ್ಲ. ಕಾರನ್ನು ಹತ್ತಿ ಅದನ್ನು ಪ್ರಾರಂಭಿಸುವ ಮೊದಲು ಸೀಟ್​ ಬೆಲ್ಟ್​​ ಹಾಕಿಕೊಂಡು ನಿಮ್ಮೊಂದಿಗೆ ಪ್ರಯಾಣಿಸುವವರಿಗೂ ಹಾಕಿಸಿ ಗಾಡಿ ಚಲಾಯಿಸಬೇಕು.

2) ಮೊಬೈಲ್​​ ಬಳಕೆ
ಚಾಲಕರು ಮತ್ತು ಸವಾರರು ಮಾಡುವ ಸಾಮಾನ್ಯ ತಪ್ಪುಗಳಲ್ಲಿ ಒಂದು ಫೋನ್​ನಲ್ಲಿ ಮಾತನಾಡುವುದು. ಚಾಲಕನ ಗಮನವನ್ನು ಬೇರೆಡೆಗೆ ತಿರುಗಿಸಿ ಅಪಘಾತದ ಸಾಧ್ಯತೆಗಳು ಹೆಚ್ಚು ಮಾಡುತ್ತದೆ. ಹಾಗಾಗಿ ವಾಹನ ಚಲಾಯಿಸುವಾಗ ಮೊಬೈಲ್ ಬಳಸಬಾರದೆಂದು ಸದಾ ನೆನಪಿನಲ್ಲಿರಬೇಕು. ತುರ್ತು ಪರಿಸ್ಥಿತಿ ಇದ್ದರೆ ವಾಹನವನ್ನು ಸುರಕ್ಷಿತ ಸ್ಥಳದಲ್ಲಿ ನಿಲ್ಲಿಸಿ ಫೋನ್‌ನಲ್ಲಿ ಮಾತನಾಡಬೇಕು.

3) ಸನ್‌ರೂಫ್ ಅನ್ನು ಹೊರತೆಗೆಯುವುದು
ರಸ್ತೆಯಲ್ಲಿ ಸನ್‌ರೂಫ್ ಅನ್ನು ತೆಗೆಯುವುದುರಿಂದ ಅಪಘಾತವನ್ನು ಮೈ ಮೇಲೆ ಎಳೆದುಕೊಂಡಂತೆ. ಅದರಲ್ಲೂ ಮಕ್ಕಳನ್ನು ಸನ್‌ರೂಫ್‌ನ ಹೊರಗೆ ತಲೆ ಹಾಕಿದ್ದರೆ ಬಹಳ ಜಾಗರೂಕರಾಗಿರಬೇಕು. ಚಲಿಸುವ ಕಾರಿನಲ್ಲಿ ಸನ್‌ರೂಫ್‌ನಿಂದ ಹೊರಗುಳಿಯುವುದು ಕಾನೂನುಬದ್ಧ. ಇದನ್ನು ಮಾಡುತ್ತಿರುವುದು ಕಂಡುಬಂದರೆ ಶಿಕ್ಷೆಯ ಭಾಗವಾಗವಾಗಬೇಕಾಗುತ್ತದೆ. ಅದರೊಂದಿಗೆ ಮಕ್ಕಳಿಗೆ ಅಹಿತಕರ ಘಟನೆಗಳು ಕೂಡ ಸಂಭವಿಸಬಹುದು.

ಇದನ್ನೂ ಓದಿ: ಫ್ಯಾಷನ್ ಡಿಸೈನರ್ ಜತೆ ಪ್ರೀತಿಯನ್ನು ಅಧಿಕೃತಗೊಳಿಸಿದ ನಟ ಜೆಕೆ

4) ತಪ್ಪು ದಿಕ್ಕಿನಲ್ಲಿ ಚಾಲನೆ
ಜನರು ಸ್ವಲ್ಪ ಸಮಯ ಅಥವಾ ಇಂಧನವನ್ನು ಉಳಿಸುವ ಸಲುವಾಗಿ ವಾಹನವನ್ನು ತಪ್ಪು ದಿಕ್ಕಿನಲ್ಲಿ ಓಡಿಸುತ್ತಾರೆ. ಹೀಗೆ ಮಾಡುವುದರಿಂದ ನಿಮಗೆ ಹಾಗೂ ರಸ್ತೆಯಲ್ಲಿರುವ ಇತರ ಪ್ರಯಾಣಿಕರಿಗೆ ಕೂಡ ಕಷ್ಟವಾಗುತ್ತದೆ. ಯಾವಾಗಲೂ ಸರಿಯಾದ ದಿಕ್ಕಿನಲ್ಲಿ ಚಾಲನೆ ಮಾಡಬೇಕು. ಸುರಕ್ಷಿತವಾಗಿ ಹೊಗಬೇಕಾದ ಜಾಗವನ್ನು ಸರಿಯಾದ ಮಾರ್ಗದಲ್ಲಿ ವಾಹನವನ್ನು ಚಲಾಯಿಸುವುದು ಅತ್ಯಗತ್ಯ.

5) ಹೆಲ್ಮೆಟ್ ಧರಿಸದೆ ಇರುವುದು
ಸರಕಾರ ಮತ್ತು ಸಂಚಾರಿ ಪೊಲೀಸರ ಕಟ್ಟುನಿಟ್ಟಿನ ನಡುವೆಯೂ ಜನರು ಹೆಲ್ಮೆಟ್ ಇಲ್ಲದೆ ಚಾಲನೆ ಮಾಡುತ್ತಾರೆ. ರಸ್ತೆಯಲ್ಲಿ ವಾಹನ ಚಲಾಯಿಸುವಾಗ ಹೆಲ್ಮೆಟ್‌ ಧರಿಸುವುದು ಅತ್ಯಗತ್ಯ. ಹಾಗೆ ಮಾಡಲು ವಿಫಲವಾದರೆ ಅಪಘಾತದ ಸಂದರ್ಭದಲ್ಲಿ ನಿಮ್ಮ ತಲೆಗೆ ಹೆಚ್ಚು ಹಾನಿಯಾಗುತ್ತದೆ ಮತ್ತು ತಲೆದಂಡ ಕೂಡ ಕಟ್ಟಬೇಕಾಗುತ್ತದೆ. (ಏಜೆನ್ಸೀಸ್​)

https://www.vijayavani.net/easy-home-remedies-to-prevent-vomiting-while-travelling-motion-sickness

https://www.vijayavani.net/six-solutions-to-get-rid-of-insomnia