ರಾಜ್ಯದಲ್ಲಿ ಬರದ ಪರಸ್ಥಿತಿ ತೀವ್ರವಾಗಿದೆ. ಬರಪರಿಹಾರದ ಕೆಲಸಗಳು ಆಗುತ್ತಿಲ್ಲ. ಅಭಿವೃದ್ಧಿ ಕಾರ್ಯಗಳು ನಿಂತುಹೋಗಿವೆ. ಶಾಸಕರಿಗೆ ಅನುದಾನ ಬಿಡುಗಡೆ ಆಗುತ್ತಿಲ್ಲ. ಈ ಎಲ್ಲ ಗಂಭೀರ ಸಮಸ್ಯೆಗಳಿಂದ ಜನರ ಗಮನ ಬೇರೆ ಕಡೆ ಸೆಳೆಯಲು ಸರ್ಕಾರ ಈ ಬಗೆಯ ತಂತ್ರಗಳನ್ನು ಹೂಡಿದೆ ಎನ್ನುತ್ತಿವೆ ಪ್ರತಿಪಕ್ಷಗಳು. ಅದೇನಿದ್ದರೂ, ಇಂಥ ಪ್ರಕರಣಗಳನ್ನು ವಿವೇಚನೆಯಿಂದ ನಿರ್ವಹಿಸಿ, ರ್ತಾಕ ಅಂತ್ಯ ಕಲ್ಪಿಸಬೇಕೆ ಹೊರತು, ಬೇರೆ ಆಯಾಮ ಪಡೆದುಕೊಳ್ಳಲು ಬಿಡಬಾರದು. ಈಗಲೂ ಕಾಲ ಮಿಂಚಿಲ್ಲ. ಅರಣ್ಯ ಇಲಾಖೆ ಅಧಿಕಾರಿಗಳು ಅರಿವು ಮೂಡಿಸುವ ನಿಟ್ಟಿನಲ್ಲಿ ಜನಾಂದೋಲನ ಕೈಗೊಂಡು, ಸ್ಪಷ್ಟತೆ ಒದಗಿಸಬೇಕು. ರಾಜಕೀಯ ಬದಿಗಿಟ್ಟು, ವಾಸ್ತವ ನೆಲೆಯಲ್ಲಿ ಈ ಸೂಕ್ಷ್ಮ ವಿಷಯವನ್ನು ನಿಭಾಯಿಸಬೇಕು.
