ಬೆಂಗಳೂರು: ಆನ್ಲೈನ್ ಹಣಕಾಸು ವಹಿವಾಟಿಗೆ, ಹಣ ರವಾನಿಸಲು ಅಥವಾ ಸ್ವೀಕರಿಸಲು ಬ್ಯಾಂಕ್ ಖಾತೆ ಅಗತ್ಯ. ಆದರೆ ಬ್ಯಾಂಕ್ ಖಾತೆ ಅಗತ್ಯವಿರದೇ ಹಣಕಾಸು ವಹಿವಾಟು ನಡೆಸಲು ಸಾಧ್ಯ. ಇಂಥದ್ದೊಂದು ಅವಕಾಶ ಮುಂದಿನ ವರ್ಷಾಂತ್ಯದ ಸುಮಾರಿಗೆ ಲಭ್ಯವಾಗಲಿದೆ.
ಹೌದು.. ಸದ್ಯ ಆನ್ಲೈನ್ ಹಣಕಾಸು ವಹಿವಾಟು ಸಾಧ್ಯವಾದರೂ ಅದಕ್ಕೆ ಬ್ಯಾಂಕ್ ಖಾತೆ ಅಗತ್ಯ. ಬ್ಯಾಂಕ್ ಖಾತೆ ಇದ್ದರೆ ಮಾತ್ರ ಭೀಮ್, ಗೂಗಲ್ ಪೇ, ಫೋನ್ ಪೇ ಇತ್ಯಾದಿ ಮೂಲಕ ಇಲ್ಲವೇ ನೆಟ್ ಬ್ಯಾಂಕಿಂಗ್ ಮುಖಾಂತರ ಹಣಕಾಸು ವಹಿವಾಟು ನಡೆಸಬಹುದು. ಆದರೆ ಬ್ಯಾಂಕ್ ಖಾತೆಯೇ ಇರದೆ ಆನ್ಲೈನ್ನಲ್ಲಿ ಹಣ ಪಾವತಿ-ಸ್ವೀಕೃತಿ ಸಾಧ್ಯ ಎಂದರೆ ಅಚ್ಚರಿ ಅನಿಸಬಹುದು. ಅದಾಗ್ಯೂ ಅಂಥ ಅಚ್ಚರಿಯನ್ನು ಸಾಧ್ಯವಾಗಿಸುವುದಾಗಿ ಎಲಾನ್ ಮಸ್ಕ್ ಹೇಳಿದ್ದಾರೆ.
ನಿಮಗೆ ಬ್ಯಾಂಕ್ ಖಾತೆಯೇ ಬೇಕಾಗಿಲ್ಲ, ಎಕ್ಸ್ ಖಾತೆಯೊಂದಿದ್ದರೆ ಸಾಕು, ಎಲ್ಲ ರೀತಿಯ ಹಣ ಪಾವತಿ-ಸ್ವೀಕೃತಿ ಸಾಧ್ಯವಾಗಲಿದೆ. ಅಂಥ ಒಂದು ವ್ಯವಸ್ಥೆಯನ್ನು 2024ರ ವರ್ಷಾಂತ್ಯದ ಸುಮಾರಿಗೆ ಜಾರಿಗೆ ತರಲಿರುವುದಾಗಿ ಹೇಳಿರುವ ಎಲಾನ್ ಮಸ್ಕ್, ಅಷ್ಟರೊಳಗೆ ಅಂಥ ವ್ಯವಸ್ಥೆ ಜಾರಿ ಮಾಡಲು ಆಗದಿದ್ದರೆ ನಾನು ನಿಮಗೆ ತಲೆಬಾಗುವುದಾಗಿಯೂ ಹೇಳಿದ್ದಾರೆ.
ಇದನ್ನೂ ಓದಿ: ಭಾರತದ ವರ್ಕ್ ಕಲ್ಚರ್ ಬದಲಾಗಬೇಕು ಎಂದ ಇನ್ಫೊಸಿಸ್ ನಾರಾಯಣಮೂರ್ತಿ ಹೇಳಿದ್ದೇನು?
ಸೋಷಿಯಲ್ ಮೀಡಿಯಾ ಆ್ಯಪ್ ಎಕ್ಸ್ನ ಮಾಲೀಕ ಎಲಾನ್ ಮಸ್ಕ್ ಮೀಟಿಂಗ್ವೊಂದರಲ್ಲಿ ಮಾತನಾಡಿರುವ ಆಡಿಯೋ ಕ್ಲಿಪ್ನಿಂದಾಗಿ ಈ ವಿಷಯ ಬಹಿರಂಗಗೊಂಡಿದೆ. ಅಷ್ಟಕ್ಕೂ ಎಕ್ಸ್ ಮೂಲಕ ಹಣಕಾಸು ವಹಿವಾಟು ಎಂದರೆ ಬರೀ ಹಣ ಸ್ವೀಕೃತಿ-ಪಾವತಿ ಮಾತ್ರವಷ್ಟೇ ಅಲ್ಲ ಎಂದೂ ಅವರು ಹೇಳಿದ್ದಾರೆ.
ಎಕ್ಸ್ನ ಪೇಮೆಂಟ್ ಎಂದರೆ ವ್ಯಕ್ತಿಯೊಬ್ಬರ ಇಡೀ ಹಣಕಾಸು ಜೀವನವೇ ಆಗಿರುತ್ತದೆ. ಯಾವುದೇ ಸಂಗತಿ ಹಣದ ವಹಿವಾಟನ್ನು ಒಳಗೊಂಡಿರುತ್ತದೆ ಎಂದರೆ ಅದು ನಮ್ಮ ಪ್ಲ್ಯಾಟ್ಫಾರ್ಮ್ನಲ್ಲೂ ಸಾಧ್ಯವಾಗಲಿದೆ. ಅದು ಹಣ, ಭದ್ರತೆ ಏನೇ ಆಗಲಿ, ಎಲ್ಲವೂ ಸಾಧ್ಯವಾಗಲಿದೆ. ಎಕ್ಸ್ ಪೇಮೆಂಟ್ ಎಂದರೆ ಬರೀ ಹಣ ಸ್ವೀಕೃತಿ ಪಾವತಿಯಷ್ಟೇ ಅಲ್ಲ, ಅದು ಬ್ಯಾಂಕ್ ಖಾತೆಯೇ ಇರದೆ ವ್ಯವಹರಿಸುವ ವ್ಯವಸ್ಥೆ ಎಂದಿದ್ದಾರೆ ಮಸ್ಕ್.
ಇದನ್ನೂ ಓದಿ: ಚಡ್ಡಿ ಧರಿಸಿ ರಸ್ತೆ ಬದಿ ಕಾಣಿಸಿಕೊಂಡ ‘ರಜಿನಿಕಾಂತ್’!: ವಿಡಿಯೋ ವೈರಲ್; ಅಸಲಿ ವಿಷಯ ಏನು? ಇಲ್ಲಿದೆ ವಿವರ
ಈ ರೀತಿ ವ್ಯವಸ್ಥೆಯ ರೋಡ್ಮ್ಯಾಪ್ ನಾನು ಮತ್ತು ಡೇವಿಡ್ ಸ್ಯಾಕ್ಸ್ 2000ನೇ ಇಸವಿಯ ಜುಲೈನಲ್ಲೇ ಯೋಜಿಸಿದ್ದೆವು ಎಂಬುದಾಗಿ ಮಸ್ಕ್ ಹೇಳಿರುವ ಸಂಗತಿ ಈ ಆಡಿಯೋದಲ್ಲಿ ದಾಖಲಾಗಿದೆ. ಹಣದ ವಹಿವಾಟು ಮಾತ್ರವಲ್ಲ, ಎಕ್ಸ್ನಲ್ಲಿ ಎಲ್ಲವೂ ಸಾಧ್ಯ ಎಂಬಂಥ ಆ್ಯಪ್ ಆಗಿ ರೂಪಿಸುವ ಗುರಿ ಹೊಂದಿರುವುದನ್ನೂ ಪುನರುಚ್ಚರಿಸಿದ್ದಾರೆ.
ಹುಲಿ ಉಗುರು: ಏನಿದರ ಧರಿಸುವಿಕೆ ಹಿಂದಿನ ಅಸಲಿಯತ್ತು? ನಕಲಿ ಶೋಕಿಯೋ, ಬಚಾವಾಗೋ ಕರಾಮತ್ತೋ?