ಪೊಲೀಸರು ಲಂಚ ಹಂಚಿಕೊಳ್ಳುತ್ತಿರುವ ವಿಡಿಯೋ ವೈರಲ್; ಲೆಫ್ಟಿನೆಂಟ್ ಗವರ್ನರ್ ರಿಯಾಕ್ಷನ್​​ ಹೀಗಿತ್ತು..

ನವದೆಹಲಿ: ಟ್ರಾಫಿಕ್​ ರೂಲ್ಸ್​ ಪಾಲಿಸದಿದ್ರೆ ದಂಡ ಬೀಳುತ್ತೆ. ಆದ್ದರಿಂದ ಎಲ್ಲರೂ ಟ್ರಾಫಿಕ್​​​ ನಿಯಮಗಳನ್ನು ಪಾಲಿಸಲೆಬೇಕು. ದಂಡ ಪಾವತಿಸುವ ಬದಲು ಪೊಲೀಸರು ಲಂಚ ಕೇಳುತ್ತಾರೆ ಎಂದು ಜನರು ಆರೋಪಿಸುವುದನ್ನು ಆಗಾಗ್ಗೆ ಕೇಳುತ್ತಿರುತ್ತೇವೆ. ಇದಕ್ಕೆ ಪೂರಕವೆಂಬಂತೆ ಸಾಮಾಜಿಕ ಜಾಲತಾಣದಲ್ಲಿ ವಿಡಿಯೋವೊಂದು ಹರಿದಾಡುತ್ತಿದೆ. ಆ ವಿಡಿಯೋದಲ್ಲಿ ಲಂಚ ಪಡೆದ ಹಣವನ್ನು ಮೂವರು ಪೊಲೀಸರು ಹಂಚಿಕೊಳ್ಳುತ್ತಿರುವುದನ್ನು ಕಾಣಬಹುದಾಗಿದೆ.

ಇದನ್ನು ಓದಿ: ಏರ್​ಇಂಡಿಯಾ ಮಹಿಳಾ ಸಿಬ್ಬಂದಿ ಮೇಲೆ ಅಪರಿಚಿತನಿಂದ ಹಲ್ಲೆ; ಏರ್​ಲೈನ್ಸ್ ಹೇಳಿಕೆಯಲ್ಲಿ ತಿಳಿಸಿದಿಷ್ಟು..​​

ರಾಷ್ಟ್ರರಾಜಧಾನಿಯ ಗಾಜಿಪುರದಲ್ಲಿ ಈ ಪ್ರಕರಣದ ದೃಶ್ಯಗಳು ಸಿಸಿಟಿವಿಯಲ್ಲಿ ಸೆರೆಯಾಗಿದೆ. ಪೊಲೀಸ್ ಚೇಕ್​ಪೋಸ್ಟ್​ನಲ್ಲಿ ಒಬ್ಬ ವ್ಯಕ್ತಿಯೊಂದಿಗೆ ಟ್ರಾಫಿಕ್​​ ಪೊಲೀಸ್​ ವಾದ ಮಾಡುತ್ತಾರೆ. ಬಳಿಕ ಸ್ವಲ್ಪ ಸಮಯದ ನಂತರ ಪೊಲೀಸ್​ ಅಧಿಕಾರಿಯು ತನ್ನ ಹಿಂದಿನ ಮೇಜಿನ ಮೇಲೆ ಹಣ ಇಟ್ಟು ಹೋಗುವಂತೆ ಸೂಚಿಸುತ್ತಾರೆ. ವ್ಯಕ್ತಿಯೊಬ್ಬ ಹಣವಿಟ್ಟು ಹೋದ ಬಳಿಕ ಪೊಲೀಸ್​ ಕುಳಿತುಕೊಂಡು ಹಣವನ್ನು ಎಣಿಸುತ್ತಾನೆ. ಬಳಿಕ ಮೂವರು ಪೊಲೀಸ್​ ಅಧಿಕಾರಿಗಳು ಲಂಚವನ್ನು ಹಂಚಿಕೊಳ್ಳುತ್ತಿರುವುದನ್ನು ವಿಡಿಯೋದಲ್ಲಿ ಕಾಣಬಹುದಾಗಿದೆ.

ಈ ವಿಡಿಯೋ ಸಾಮಾಜಿಕ ಜಾಲತಾಣದಲ್ಲಿ ವೈರಲ್​ ಆಗುತ್ತಿದ್ದಂತೆ ದೆಹಲಿ ಲೆಫ್ಟಿನೆಂಟ್ ಗವರ್ನರ್ ವಿಕೆ ಸಕ್ಸೇನಾ ಅವರು ಪ್ರತಿಕ್ರಿಯಿಸಿದ್ದಾರೆ. ವಿಡಿಯೋದಲ್ಲಿರುವ ಇಬ್ಬರು ಸಹಾಯಕ ಸಬ್​ಇನ್​ಸ್ಪೆಕ್ಟರ್​​ ಹಾಗೂ ಓರ್ವ ಹೆಡ್​ ಕಾನ್​ಸ್ಟೇಬಲ್​​ನನ್ನು ಅಮಾನತುಗೊಳಿಸಲಾಗಿದೆ ಎಂದು ಹೇಳಿದ್ದಾರೆ.

ಪ್ರಾಥಮಿಕ ತನಿಖೆಯ ನಂತರ ಮೂವರು ಪೊಲೀಸ್​ ಅಧಿಕಾರಿಗಳನ್ನು ಅಮಾನತುಗೊಳಿಸಲಾಗಿದೆ. ಅವರ ವಿರುದ್ಧ ಸಮಗ್ರ ಇಲಾಖಾ ವಿಚಾರಣೆ ನಡೆಸಲಾಗುವುದು ಎಂದು ಸಾಮಾಜಿಕ ಜಾಲತಾಣದ ಎಕ್ಸ್​ ಖಾತೆಯಲ್ಲಿ ಮಾಡಿರುವ ಪೋಸ್ಟ್​​ನಲ್ಲಿ ತಿಳಿಸಲಾಗಿದೆ. (ಏಜೆನ್ಸೀಸ್​​)

https://www.vijayavani.net/neeraj-chopra-suggest-this-bollywood-star-name-for-arshad-nadeems-biopic