ಬೆಂಗಳೂರು: ಸರ್ಕಾರ, ಪಕ್ಷದ ವರ್ಚಸ್ಸು ವೃದ್ಧಿಗೆ ಪೂರಕ ನಿರ್ಧಾರ ಕೈಗೊಂಡರೂ ಸಮರ್ಪಕವಾಗಿ ಅನುಷ್ಠಾನಗೊಳ್ಳುತ್ತಿಲ್ಲ ಎಂಬ ಅಪಸ್ವರದ ಮಧ್ಯೆ ಸಚಿವರಿಗೆ ವರಿಷ್ಠರು ‘ಕ್ಲಾಸ್’ ತೆಗೆದುಕೊಳ್ಳುವುದು ಫಿಕ್ಸ್ ಆಗಿದೆ. ನಂದಿ ಬೆಟ್ಟದ ಸಮೀಪದ ರೆಸಾರ್ಟ್ವೊಂದರಲ್ಲಿ ಜ.7ರಿಂದ 9ರವರೆಗೆ ‘ಚಿಂತನ ಬೈಠಕ್’ ನಡೆಯಲಿದ್ದು, ಸಚಿವರ ಎದೆಯಲ್ಲಿ ಡವಡವ ಶುರುವಾಗಿದೆ. ಸಿಎಂ ಬಸವರಾಜ ಬೊಮ್ಮಾಯಿ, ಪಕ್ಷದ ರಾಷ್ಟ್ರೀಯ ಸಂಘಟನಾ ಪ್ರಧಾನ ಕಾರ್ಯದರ್ಶಿ ಬಿ.ಎಲ್.ಸಂತೋಷ್, ಪಕ್ಷದ ರಾಜ್ಯ ಉಸ್ತುವಾರಿ ಅರುಣ್ ಸಿಂಗ್, ರಾಷ್ಟ್ರೀಯ ಪ್ರಧಾನ ಕಾರ್ಯದರ್ಶಿ ಸಿ.ಟಿ.ರವಿ, ರಾಜ್ಯಾಧ್ಯಕ್ಷರು ಭಾಗಿಯಾಗಲಿದ್ದಾರೆ. ಕಾರ್ಯಕರ್ತರಿಗಾದರೆ ‘ಪ್ರಶಿಕ್ಷಣ ವರ್ಗ’, ರಾಜ್ಯ ನಾಯಕರು ಸೇರಿ ಸಚಿವರಿಗಾದರೆ ‘ಚಿಂತನ ಬೈಠಕ್’ ನಡೆಯಲಿದ್ದು, ಹಿಂದಿನ ನಡಿಗೆ ಅವಲೋಕಿಸಿ ಮುಂದಿನ ಪಥ ಗೊತ್ತುಮಾಡಲಾಗುತ್ತದೆ. ಪಕ್ಷದ ರಾಜ್ಯ ಘಟಕದ ಪ್ರಧಾನ ಕಾರ್ಯ ದರ್ಶಿಗಳು, ಸಚಿವರು ಒಳಗೊಂಡು 40 ಮುಖಂಡರಿಗೆ ಬೈಠಕ್ನಲ್ಲಿ ಅವಕಾಶ ಕಲ್ಪಿಸಲಾಗಿದ್ದು, ಮುಖಾಮುಖಿ ಚರ್ಚೆಯಾಗಲಿದೆ.
